8th Pay Commission / કર્મચારીઓ માટે આવી ખુશખબરી, 8મું પગારપંચ લાગુ થતા જ થશે આ ફાયદો!

કેન્દ્ર સરકારના કર્મચારીઓ માટે મોટા સમાચાર આવી રહ્યા છે. 8મા પગાર પંચ અંગે ચર્ચાઓ તેજ બની છે. જેમ જેમ નવી ભલામણોનો અમલ નજીક આવી રહ્યો છે, કર્મચારીઓ તેમના મૂળ પગાર અને ભથ્થામાં સંભવિત વધારા પર નજર જઇ રહી છે. ખાસ કરીને હાઉસ રેન્ટ એલાઉન્સ (HRA) માં ફેરફાર ઘણા કર્મચારીઓના પગારને એક નવા સ્તરે લઈ જશે. લેવલ 7 ના કર્મચારીઓને સૌથી વધુ ફાયદો થશે.

ભથ્થા વધારાનું નવું ગણિત

નિયમો અનુસાર એચઆરએ હંમેશા મૂળ પગાર પર આધાર રાખે છે. 2017 માં 7મા પગાર પંચની ભલામણોને અનુસરીને ખર્ચ વિભાગે શહેરોને એક્સ, વાય અને ઝેડ શ્રેણીઓમાં વિભાજિત કર્યા. આજે મોંઘવારી ભથ્થું (DA) 50% ના આંકને પાર કરી ગયું હોવાથી આ શહેરોમાં એચઆરએ દર અનુક્રમે 30%, 20% અને 10% સુધી વધી ગયા છે. દિલ્હી, મુંબઈ, કોલકાતા, ચેન્નાઈ, બેંગલુરુ અને હૈદરાબાદ જેવા મેટ્રો શહેરો એક્સ કેટેગરીમાં આવે છે. 5 લાખથી 50 લાખની વસ્તીવાળા શહેરો વાય કેટેગરીમાં આવે છે. બાકીના બધા નાના શહેરો ઝેડ કેટેગરીમાં આવે છે.

લેવલ 7 ના કર્મચારીઓ માટે બમ્પર લાભો

હવે ચાલો આઠમા પગાર પંચના ફિટમેન્ટ ફેક્ટરની ચર્ચા કરીએ. જો ફિટમેન્ટ ફેક્ટર 3 ગણો માનવામાં આવે તો લેવલ 7 ના કર્મચારીનો મૂળ પગાર ₹1,34,700 થઈ જશે. આ આંકડાના આધારે એક્સ શહેરોમાં એચઆરએ ₹40,410 સુધી પહોંચશે. તેવી જ રીતે વાય શહેરોમાં આ ભથ્થું ₹26,940, જ્યારે ઝેડ શહેરોમાં તે ₹13,470 થઇ જશે. આ વધારો મોટા શહેરોમાં રહેતા કર્મચારીઓને મોંઘવારીમાં નોંધપાત્ર રાહત આપશે.

અન્ય ફિટમેન્ટ ફેક્ટર વિકલ્પો

જો સરકાર 2.5 ગણું ફિટમેન્ટ ફેક્ટર લાગુ કરે છે, તો કર્મચારીઓનો મૂળ પગાર ₹140,250 થશે. આ સ્થિતિમાં એક્સ શહેરો માટે એચઆરએ ₹33,675 થશે. વાય શહેરો માટે તે ₹22,450 થશે, અને ઝેડ શહેરો માટે તે ₹11,225 થશે. તેવી જ રીતે જો ફેક્ટર 2 ગણુ રહેશે તો મૂળ પગાર ₹89,800 થશે. ગણતરી મુજબ આ મૂળ પગારના આધારે એક્સ શહેરો માટે એચઆરએ ₹40,410, વાય શહેરો માટે ₹26,940 અને ઝેડ શહેરો માટે ભથ્થું ₹13,470 થશે. અલગ અલગ ફેક્ટરથી કર્મચારીઓના ખાતામાં જમા થતી રકમમાં ફેરફાર થશે.

આ પણ વાંચોઃ ગુજરાત / સુમુલ ડેરીએ વધાર્યા દૂધના ભાવ, પશુદાણમાં પણ મોંઘું થયું, જાણો કિલો ફેટ દીઠે રકમ

બાકી રકમ ક્યારે મળશે?

આઠમું પગાર પંચ સમિતિ આવતા વર્ષે મે-જૂન સુધીમાં સરકારને તેની ભલામણો સુપરત કરે તેવી અપેક્ષા છે. ત્યારબાદ સરકાર તેમના પર સંપૂર્ણ વિચાર કરશે. કેબિનેટ દ્વારા મંજૂરી મળ્યા પછી આ ભલામણો સત્તાવાર રીતે અમલમાં આવશે. એવો અંદાજ છે કે કર્મચારીઓને આવતા વર્ષના અંત સુધીમાં તેમના સંપૂર્ણ લાભો મળવાનું શરૂ થઈ જશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ