ન્યાયિક / 'સગીર રેપ કેસ સમાધાનથી રદ ન થઈ શકે, સંમતિ પણ જરુરી નહીં', હાઈકોર્ટનો મોટો ચુકાદો

અલ્હાબાદ હાઈકોર્ટે પ્રોટેક્શન ઓફ ચિલ્ડ્રન ફ્રોમ સેક્સ્યુઅલ ઓફેન્સ એક્ટ (POCSO એક્ટ)ને વિશેષ કાયદો ગણાવ્યો છે અને તે સંબંધિત ગુનાઓને વ્યક્તિગત મામલો ગણવાનો ઈન્કાર કર્યો છે. સમાજને અસર કરતા આવા કિસ્સાઓને ધ્યાનમાં લેતા કોર્ટે સ્પષ્ટ આદેશ આપ્યો છે કે POCSO એક્ટના ગુના જેવા વિશેષ કાયદા સમાધાનને આધાીરે રદ ન કરી શકાય. ગુનેગારો સામ, દામ, દંડ કે ભેદથી સગીર પીડિતો સાથે સમાધાન કરી લેતા હોવાનું ધ્યાનમાં આવતાં હાઈકોર્ટે આવો ચુકાદો આપ્યો છે. 

વધુ વાંચો : છોકરા-છોકરી સાત ફેરા પૂરા કરે પછી જ બની શકે પતિ-પત્ની- હાઈકોર્ટે આ કેસમાં સંભળાવ્યો મોટો ચુકાદો

પોક્સો એક્ટમાં સગીરની સંમતિ જરુરી નથી 
અલ્હાબાદ હાઈકોર્ટે એક કેસની સુનાવણી કરતી વખતે કહ્યું છે કે આરોપી અને પીડિત વચ્ચે સમાધાન કરીને ફોજદારી કાર્યવાહી રદ ન કરી શકાય નહીં. પોક્સો એક્ટના ગુનામાં સગીરની સંમતિ માન્ય નથી. પીડિતા દ્વારા કરવામાં આવેલ સમાધાન ફોજદારી કાર્યવાહીને રદ કરવા માટે પૂરતું નથી. સુપ્રીમ કોર્ટના નિર્ણયને ટાંકીને કોર્ટે કહ્યું હતું કે હત્યા, બળાત્કાર, લૂંટ વગેરે જેવા ગંભીર ગુનાઓને સમાધાનના આધારે ખતમ ન કરી શકાય. આ કોઈ ખાનગી ગુનો નથી. આવા ગુનાની સમાજ પર ગંભીર અસર પડે છે.

આરોપી-પીડિતા વચ્ચેના સમાધાનને કોર્ટે ન સ્વીકાર્યું 
આની સાથે કોર્ટે સગીર પરના દુષ્કર્મના આરોપી સામે આઝમગઢની પોક્સો કોર્ટમાં ચાલી રહેલી ફોજદારી કાર્યવાહીને સમાધાનને આધારે રદ કરવાનો ઈન્કાર કરીને અરજી ફગાવી દીધી. અરજીમાં બન્ને પક્ષોની વચ્ચે થયેલા સમાધાનને આધારે કેસની કાર્યવાહી રદ કરવાની માગ કરાઈ હતી. 

POCSO એક્ટનો હેતુ કિશોરોને જાતીય શોષણથી બચાવવાનો

તાજેતરમાં કર્ણાટક હાઈકોર્ટે એવો ચુકાદો આપ્યો હતો કે POCSO એક્ટનો હેતુ કિશોરો વચ્ચે સહમતિથી બંધાતા જાતીય સંબંધોને અપરાધ બનાવવાનો નથી પરંતુ તેમને જાતીય શોષણથી બચાવવાનો છે. જ્યારે POCSO એક્ટ હેઠળ કાર્યવાહી કરવામાં આવે છે ત્યારે આરોપીઓ સામે કડક કલમો લગાવવામાં આવે છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો