Boycott Maldives / PM મોદીની એક તસવીરથી બેબાકળું બન્યું માલદીવ: મોટા નેતાએ ભારતીયો પર અભદ્ર ટિપ્પણી, બૉયકોટની માંગ શરૂ

• PM મોદીની લક્ષદ્વીપની મુલાકાત અચાનક માલદીવનો બહિષ્કાર અભિયાન 
• PPM નેતા ઝાહિદ રમીઝે ભારતીયોની મજાક ઉડાવવા માટે અપશબ્દોનો ઉપયોગ કર્યો
• ઝાહિદ રમીઝના નિવેદનથી લોકોમાં રોષ, માલદીવનો બહિષ્કાર ( Boycott Maldives ) અભિયાન શરૂ  

Boycott Maldives : આપણાં વડાપ્રધાન નરેન્દ્ર મોદીએ તાજેતરમાં લક્ષદ્વીપની મુલાકાત લીધી હતી. આ દરમિયાન તેમણે લક્ષદ્વીપમાં વિતાવેલી પળોની કેટલીક શાનદાર તસવીરો સોશિયલ મીડિયા પર શેર કરી છે. આ પછી લક્ષદ્વીપ ગૂગલ સર્ચમાં ટોપ પર પહોંચી ગયું. પ્રવાસન સ્થળોની વાત કરીએ તો લક્ષદ્વીપ માલદીવને સ્પર્ધા આપે છે. જો વધુ પ્રવાસીઓ લક્ષદ્વીપની મુલાકાત લેશે તો તેની સીધી અસર માલદીવ પર પડશે. આ કારણે જ વડાપ્રધાન દ્વારા લક્ષદ્વીપના સુંદર દરિયાકિનારાના પ્રચારથી માલદીવના સત્તાધારી પક્ષને નુકસાન થયું છે. માલદીવની સત્તાધારી પાર્ટી પ્રોગ્રેસિવ પાર્ટી ઓફ માલદીવ્સ (PPM)ના નેતા ઝાહિદ રમીઝે X પર ભારતીયોની મજાક ઉડાવવા માટે અપશબ્દોનો ઉપયોગ કર્યો છે. તેનાથી લોકોમાં રોષ ભભૂકી ઉઠ્યો છે. લોકોએ માલદીવનો બહિષ્કાર ( Boycott Maldives ) અભિયાન શરૂ કર્યું છે. 

શું છે સમગ્ર મામલો ? 
પીએમ મોદીએ 4 જાન્યુઆરીએ લક્ષદ્વીપની તેમની કેટલીક તસવીરો શેર કરી હતી. આ તરફ હવે X યુઝર સિંહાએ PM મોદીનો લક્ષદ્વીપના બીચ પર લટાર મારતો વીડિયો પોસ્ટ કર્યો છે. આ સાથે તેણે લખ્યું, કેટલું સરસ પગલું! માલદીવની નવી ચીનની કઠપૂતળી સરકાર માટે આ મોટો ફટકો છે. આનાથી લક્ષદ્વીપમાં પ્રવાસનને વેગ મળશે. આ તરફ સિંહાની પોસ્ટનો જવાબ આપતાં ઝાહિદ રમીઝે લખ્યું, આ પગલું ઘણું સારું છે. જો કે, અમારી સાથે સ્પર્ધા કરવાનો વિચાર ભ્રામક છે. અમે જે સેવા આપીએ છીએ તે તેઓ (ભારતીય લોકો) કેવી રીતે આપી શકે? તેઓ આટલા સ્વચ્છ કેવી રીતે હોઈ શકે? સૌથી મોટો પતન એ રૂમમાં વિલંબિત ગંધ હશે."

The move is great. However, the idea of competing with us is delusional. How can they provide the service we offer? How can they be so clean? The permanent smell in the rooms will be the biggest downfall. 🤷🏻‍♂️ https://t.co/AzWMkcxdcf

— Zahid Rameez (@xahidcreator) January 5, 2024

X પર માલદીવનો બહિષ્કાર ( Boycott Maldives ) અભિયાન 
આ પોસ્ટ પછી ઘણા X યુઝર્સે જાતિવાદી નિવેદનો કરવા બદલ ઝાહિદ રમીઝ સામે ગુસ્સો વ્યક્ત કર્યો હતો. લોકોએ માલદીવનો બહિષ્કાર કરવાની અને લક્ષદ્વીપને પસંદગીના પર્યટન સ્થળ તરીકે પ્રમોટ કરવાની વાત કરી. @Abhind8 હેન્ડલ ધરાવતા એક યુઝરે લખ્યું, ભારતીઓએ માલદીવનો બહિષ્કાર કરવો જોઈએ. તેના બદલે લક્ષદ્વીપ જાઓ. આપણા આ સુંદર કેન્દ્રશાસિત પ્રદેશમાં રસ પેદા કરવા બદલ વડાપ્રધાન નરેન્દ્ર મોદીનો આભાર. અન્ય એક્સ યુઝરે લખ્યું, એક વર્ષ પછી પ્રવાસીઓની સંખ્યાના આંકડાઓની તપાસ કરીએ તો તેમાં ઉછાળો જોવા મળશે. તે માલદીવને પણ પછાડી શકે છે. માલદીવમાં તાજેતરના વિકાસને જોતાં, આ તેમના માટે એક સંદેશ હોઈ શકે છે કે ભારતીય પ્રવાસીઓ તેમના અર્થતંત્ર માટે શું અર્થ ધરાવે છે. મને લાગે છે કે તે ખૂબ મોડું થઈ ગયું છે. 

વધુ વાંચો: PM મોદીના પ્રવાસ બાદ લક્ષદ્વીપ VS માલદીવ પર ચર્ચા : 'તૂટી પડી' જનતા, ચીન સમર્થક મૂઇજ્જૂનું વધશે ટેન્શન

X પર @HinduHate હેન્ડલ પર અન્ય એક ભૂતપૂર્વ વપરાશકર્તાએ પણ રમીઝની જાતિવાદી ટિપ્પણીની નિંદા કરી. તેમણે કહ્યું, PM મોદીની લક્ષદ્વીપની મુલાકાત બાદ માલદીવની મુલાકાતે આવનારા ભારતીય પ્રવાસીઓની સંખ્યામાં ઘટાડો થવાની સંભાવના છે. માલદીવના સરકારી અધિકારીનું કહેવું છે કે, અમારા રૂમમાંથી દુર્ગંધ આવે છે. ભારતીયો એવા લોકો પર પૈસા ખર્ચવાનું બંધ કરે છે જેઓ તેને લાયક નથી.  

Here is Maldives govt official says "permanent smell in the rooms" after PM Modi's Lakshadweep trip triggered a meltdown and a possible reduction in number of Indian tourists visiting Maldives. Indians, stop spending money on those who don't deserve it. Make them bend! pic.twitter.com/SdLZgEAkeq

— Stop Hindu Hate Advocacy Network (SHHAN) (@HinduHate) January 5, 2024

ઝાહિદ રમીઝે માંગી હતી ભારતીય નાગરિકતા 
@HinduHate ની પોસ્ટનો જવાબ આપતા અન્ય યુઝરે હાઇલાઇટ કર્યું કે, કેવી રીતે ભારતીયોનું અપમાન કરનાર ઝાહિદ રમીઝે તાજેતરમાં ભારતીય નાગરિકતા માંગી હતી. X વપરાશકર્તા સંદીપ નીલે 28 જૂન, 2023ના રોજ રમીઝની પોસ્ટનો સ્ક્રીનશોટ શેર કર્યો અને લખ્યું, તે ભારતીય નાગરિકતા માંગી રહ્યો છે. વિદેશ મંત્રાલય અને ગૃહ મંત્રાલયે એ સુનિશ્ચિત કરવું જોઈએ કે, ઝાહિદ રમીઝ જેવા નફરત ફેલાવનારા લોકોને ભારતીય નાગરિકતા મળવાથી રોકવામાં આવે. 

He's seeking Indian citizenship. It's crucial that @MEAIndia and @HMOIndia ensure individuals like @xahidcreator, known for spreading hate, are barred from obtaining it. pic.twitter.com/A7yyyMooAe

— Sandeep Neel (@SanUvacha) January 6, 2024

વાસ્તવમાં, ઝાહિદ રમીઝની પોસ્ટ દર્શાવે છે કે 28 જૂન, 2023ના રોજ, તેણે માલદીવમાં ભારતીય હાઈ કમિશનને ટેગ કર્યું હતું અને તેમને ભારતીય નાગરિકતા આપવા માટે વિનંતી કરી હતી.

ચીનના સમર્થક છે માલદીવના નવા રાષ્ટ્રપતિ 
ઉલ્લેખનીય છે કે, પ્રોગ્રેસિવ પાર્ટી ઑફ માલદીવ્સ (PPM) તાજેતરમાં સત્તામાં આવી છે. ડો.મોહમ્મદ મુઈઝુ પૂર્વ રાષ્ટ્રપતિ ઈબ્રાહિમ મોહમ્મદ સોલિહને હરાવીને રાષ્ટ્રપતિ બન્યા છે. ઈબ્રાહિમ મોહમ્મદ સોલિહે ભારત સાથે સારા સંબંધો જાળવવા પર ભાર મૂક્યો હતો. તેનાથી વિપરિત, મોહમ્મદ મુઇઝુ ચીન તરફી છે. રાષ્ટ્રપતિ બન્યા બાદ તેમણે ઘણા એવા કામ કર્યા છે જેનાથી માલદીવના ભારત સાથેના સંબંધોને નુકસાન થયું છે. મુઈઝુએ ભારતને માલદીવમાંથી સૈનિકો પાછા ખેંચવા કહ્યું છે.