ટ્રેડિંગ / PM મોદીના પ્રવાસ બાદ લક્ષદ્વીપ VS માલદીવ પર ચર્ચા : 'તૂટી પડી' જનતા, ચીન સમર્થક મૂઇજ્જૂનું વધશે ટેન્શન

• PM મોદીની લક્ષદ્વીપ યાત્રાએ દુનિયાને આકર્ષી
• માલદીવનાં ટ્રોલર્સ થઈ ગયાં નારાજ
• સોશિયલ મીડિયા પર શરૂ થયો લક્ષદ્વીપ vs માલદીવ

માલદીવ વેકેશન મનાવવા માટે અને ફરવા માટે દુનિયાનાં ફેવરેટ સ્થળોમાંનું એક માનવામાં આવે છે. આ સ્થળનાં કારણે દેશની સુંદરતા વધુ નિખરવા લાગે છે. ભારતથી લાખોની સંખ્યામાં લોકો ફરવા માટે માલદીવ જાય છે એ વચ્ચે પ્રધાનમંત્રીની લક્ષદ્વીપની યાત્રાએ લોકોને દેશનાં આ સુંદર સ્થળ પર વેકેશન મનાવવાની પ્રેરણા આપી છે. માલદીવમાં જો ભારતીય પર્યટકો ઘટશે તો તેની સીધી અસર માલદીવની અર્થવ્યવસ્થા પર પડશે. આ તમામ ઘટનાઓ વચ્ચે માલદીવની ટ્રોલ આર્મી રોષે ભરાઈ છે અને લક્ષદ્વીપ સાથે પોતાની તુલના કરતાં ટ્વીટ્સ પોસ્ટ કરવા લાગી છે.

In addition to the scenic beauty, Lakshadweep's tranquility is also mesmerising. It gave me an opportunity to reflect on how to work even harder for the welfare of 140 crore Indians. pic.twitter.com/VeQi6gmjIM

— Narendra Modi (@narendramodi) January 4, 2024

દુનિયામાં શરૂ થઈ લક્ષદ્વીપની ચર્ચા
નરેન્દ્ર મોદીએ પોતાની યાદગાર યાત્રાનાં ફોટોઝ સોશિયલ મીડિયા પર શેર કરીને લોકોને લક્ષદ્વીપમાં યાત્રા કરવા માટે અપીલ કરી. તેમણે જણાવ્યું કે કેવીરીતે લક્ષદ્વીપ દુનિયાનાં સૌથી સુંદર બિચમાંનું એક છે. સાથે જ તેમણે અહીં થનારી રોમાંચક એક્ટિવિટી અંગે પણ જણાવ્યું. આ સમગ્ર ઘટનાનું પરિણામ એ આવ્યું કે ન માત્ર ભારત પણ દુનિયાનાં અનેક દેશોમાં લક્ષદ્વીપની ચર્ચાઓ થવા લાગી. PMએ પોતાના ટ્વીટમાં માલદીવનું નામ પણ નથી લીધું પણ સોશિયલ મીડિયા પર લોકો ચીન સાથે મિત્રતા કેળવતા માલદીવ માટેનો એક સંદેશો સમજી રહ્યાં છે. લોકો કહી રહ્યાં છે કે આ થકી PM મોદીએ માલદીવનાં રાષ્ટ્રપતિ મોહમ્મદ મુઈજ્જૂને ઝટકો આપવાનો પ્રયાસ કર્યો છે.  સીધી રીતે નહીં પણ અપ્રત્યક્ષ રીતે માલદીવ માટે આ મોટી મુશ્કેલી બની શકે છે.

વાંચવા જેવું: લક્ષદ્વીપ ખાતે PM મોદીએ લગાવી દરિયામાં ડૂબકી, સામે આવી મંત્રમુગ્ધ કરી દે તેવી તસવીરો

માલદીવને થઈ શકે છે આર્થિક નુક્સાન
માલદીવ ભારતીયો માટે વેકેશનનું એક મનપસંદ સ્પોટ બની ગયું છે. ભારતનાં બોલિવૂડ સ્ટાર્સ, વેપારીઓ અને અન્ય ઘણાં લોકો માલદીવ જાય છે. માલદીવનાં સમુદ્રી તટ પર લોકો  રહે છે. નરેન્દ્ર મોદીની લક્ષદ્વીપની ટ્રીપને લીધે લોકોનું ધ્યાન માલદીવથી હટીને લક્ષદ્વીપ તરફ વળ્યું છે. લોકો વિચારી રહ્યાં છે કે માલદીવ જ કેમ, લક્ષદ્વીપ શા માટે નહીં.. સમય અને ખર્ચમાં બચત અને એ જ પ્રકારનો આનંદ તમે મેળવી શકો છો. લોકોનાં આ વિચારની સીધી અસર માલદીવને આર્થિક ધોરણે પડી શકે છે. કારણકે જો પર્યટકો માલદીવની જગ્યાએ લક્ષદ્વીપને વધુ પસંદ કરી રહ્યાં છે તો માલદીવની પ્રવાસ વિભાગની કમાણી સીધી ભારત તરફ વળી જશે.

માલદીવની ટ્રોલ આર્મીને ખીજ ચડી
PM મોદીનાં લક્ષદ્વીપનાં ફોટોઝ જોઈને માલદીવનાં ટ્રોલર્સને ખીજ ચડી અને તેઓ માલદીવ અને લક્ષદ્વીપની તુલના કરવા લાગ્યાં. @RazzanMDV નામક એક યૂઝરે બંને જગ્યાઓનાં ફોટોઝ શેર કરીને લખ્યું કે,"  અમારી સાથે લક્ષદ્વીપની કોઈ તુલના જ નથી. અમે શાનદાર રિઝોર્ટ અને લક્ઝરી ટૂરિઝમ આપીએ છીએ." જ્યારે અન્ય એક યૂઝરે માલદીવનાં ફોટોઝ શેર કરીને લખ્યું કે "મારા ખ્લાયથી માલદીવ, લક્ષદ્વીપથી ઘણી વધારે સ્ટનિંગ જગ્યા છે."