PM મોદીએ છત્તીસગઢમાં જનસંબોધન દરમિયાન કોંગ્રેસ પર પ્રહાર કરતાં કહ્યું કે, 'ભ્રષ્ટાચાર કોંગ્રેસની સૌથી મોટી વિચારધારા છે.' જુઓ વીડિયો
Share
PM મોદીએ રાયપુરમાં કર્યું જનસંબોધન
છત્તીસગઢને 7000 કરોડની ભેટ આપી
કહ્યું હવે વિકાસની નવી યાત્રા શરૂ થશે
PM મોદીએ આજે રાયપુરમાં જનસંબોધન કર્યું અને છત્તીસગઢને કરોડોની ભેટ યોજના સ્વરૂપે આપી. તો બીજી તરફ જનસંબોધન દરમિયાન PM મોદીએ કોંગ્રેસ પર નિશાન સાધતાં કહ્યું કે એવા જિલ્લાઓ કે જ્યાં પહોંચવું અઘરું છે, તેમને દુર્ગમ ગણાવી કોંગ્રેસ હાથ પર હાથ ધરીને બેસી જાય છે પરંતુ ભાજપે આવા જિલ્લાઓને પ્રાથમિકતા આપી છે. આવા જિલ્લાઓને મહત્વાકાંક્ષી જિલ્લાઓ તરીકે ઘોષિત કર્યાં છે.
'જે ડરી જાય તે મોદી નથી'
તેમણે કહ્યું કે ,'કોંગ્રેસે નક્કી કર્યું છે કે છત્તીસગઢને લૂંટવું છે. કોંગ્રેસ માટે છત્તીસગઢ ATM છે. ભ્રષ્ટાચાર વિના કોંગ્રેસ શ્વાસ પણ નથી લઈ શકતી. ભ્રષ્ટાચાર કોંગ્રેસની સૌથી મોટી વિચારધારા છે.' PMએ કોંગ્રેસ પર પ્રહાર કરતાં આગળ કહ્યું કે,' જે ડરી જાય તે મોદી નથી... આ લોકો મારી કબર ખોદવાની વાતો કરે છે. દેશનાં દરેક ભ્રષ્ટાચારી જો ભષ્ટાચારની ગેરંટી છે તો મોદી ભ્રષ્ટાચાર સામે કાર્યવાહીની ગેરંટી છે. જેણે ખોટું કર્યું છે તે બચશે નહીં.'
વિપક્ષી એકતા પર બોલ્યાં PM
PM મોદીએ કહ્યું કે 'જેમના પર દાગ લાગેલા છે તેઓ આજે ભેગા થઈ રહ્યાં છે. જેઓ એકબીજા પર આરોપો મૂકતાં હતાં તેઓ આજે સાથે થવાના બહાનાઓ શોધી રહ્યાં છે. તેમને લાગે છે કે આવું કરીને મોદીને ડરાવી શકશે..'
વિકાસની નવી યાત્રા શરૂ થશે
આ સાથે જ PMએ છત્તીસગઢને હજારો કરોડોની ભેટ આપતાં કહ્યું કે ભારત સરકારનાં આ પ્રોજેક્ટસથી અહીં રોજગારની અનેક નવી તકો આવશે. અહીંનાં ખેડૂતો, ખનીજ સંપાદન સાથે સંકળાયેલા ઉદ્યોગપતિઓ અને ટૂરિઝમને પણ આ પ્રોજેક્ટ્સની લાભ મળશે. PM મોદીએ કહ્યું કે આ યોજનાઓથી આદિવાસી ક્ષેત્રોમાં સુવિધા અને વિકાસની નવી યાત્રા શરૂ થશે. આજે છત્તીસગઢને 7000 કરોડ રૂપિયાથી વધારેની યોજનાઓની ભેટ મળી રહી છે. આ ભેટ ઈંફ્રાસ્ટ્રક્ચર, કનેક્ટિવિટી અને અહીંનાં લોકોનાં જીવનને સરળ બનાવવા અને સ્વાસ્થ્ય સેવાઓને વધુ સારી બનાવવા માટે છે.
