- વડાપ્રધાન નરેન્દ્ર મોદી મહારાષ્ટ્રના સોલાપુરમાં લાભાર્થીઓ સાથે વાતચીત કરી
- સોલાપુરમાં PM આવાસ યોજના હેઠળ દેશની સૌથી મોટી સોસાયટીનું ઉદ્ઘાટન
- લાભાર્થીઓ સાથે વાતચીત કરતાં દરમિયાન ભાવુક થઈ ગયા વડાપ્રધાન નરેન્દ્ર મોદી
PM Modi Emotional : વડાપ્રધાન નરેન્દ્ર મોદી આજે મહારાષ્ટ્રના સોલાપુરમાં લાભાર્થીઓ સાથે વાતચીત કરતાં દરમિયાન ભાવુક થઈ ગયા હતા. આજે રાજ્યના લાભાર્થીઓ સાથે PM મોદીએ વાત કરી હતી. આ દરમિયાન બાળપણનો ઉલ્લેખ થતાં જ તેણે થોડી ક્ષણો માટે પોતાનું ભાષણ અધવચ્ચે જ બંધ કરી દીધું હતું. PM આવાસ યોજના અંગે તેમણે કહ્યું કે, કદાચ મને પણ બાળપણમાં આવા ઘરમાં રહેવાનો મોકો મળ્યો હોત.
PM મોદીએ કહ્યું, મને ખુશી છે કે અમે સોલાપુરના હજારો ગરીબો અને હજારો મજૂરો માટે જે સંકલ્પ લીધો હતો તે આજે પૂરો થઈ રહ્યો છે. આજે PM આવાસ યોજના હેઠળ દેશની સૌથી મોટી સોસાયટીનું ઉદ્ઘાટન કરવામાં આવ્યું છે. અને મેં જઈને જોઈ આવ્યો પણ કાશ મને પણ બાળપણમાં આવા ઘરમાં રહેવાનો મોકો મળ્યો હોત. આટલું કહીને PM મોદીએ અચાનક ભાષણ થોડા સમય માટે બંધ કરી દીધું હતું.
આ પછી તેણે ભાવુક થઈને કહ્યું, જ્યારે હું આ વસ્તુઓ જોઉં છું, ત્યારે મને ખૂબ જ સંતોષ થાય છે, જ્યારે હજારો પરિવારોના સપના સાકાર થાય છે, ત્યારે તેમના આશીર્વાદ મારી સૌથી મોટી સંપત્તિ છે. જ્યારે હું આ પ્રોજેક્ટનો શિલાન્યાસ કરવા આવ્યો હતો ત્યારે મેં તમને ખાતરી આપી હતી કે, હું તમારા ઘરની ચાવી આપવા માટે વ્યક્તિગત રીતે આવીશ. PM મોદીએ કહ્યું કે, બે પ્રકારના વિચારો છે - લોકોને રાજકીય નિવેદન આપવા માટે ઉશ્કેરતા રહો. અમારો રસ્તો છે કામદારોનું સન્માન, આત્મનિર્ભર કામદારો, ગરીબોનું કલ્યાણ.'
વધુ વાંચો: આંખે પાટા, ગળામાં હાર... કરો પ્રભુ રામલલાના દર્શન, સામે આવી વધુ એક નવી તસવીર
આ દરમિયાન PM મોદીએ જૂની સરકારો પર પણ નિશાન સાધ્યું. તેમણે કહ્યું કે, ઘણા લાંબા સમયથી આપણા દેશમાં ગરીબી હટાવવાના નારા લગાવવામાં આવ્યા હતા પરંતુ ગરીબી દૂર થઈ નથી. ગરીબોના નામે યોજનાઓ બનાવવામાં આવી, પરંતુ ગરીબોને તેનો લાભ મળ્યો નથી. વચેટિયાઓ તેમના હકના પૈસા લૂંટી લેતા હતા. અગાઉની સરકારોની નીતિ, ઈરાદા અને વફાદારી દાટમાં હતી.
