નવસારી / VIDEO: જે લોકો કહે છે કે ચૂંટણી આવી એટલે કામ થાય છે તેમને PM મોદીની ચેલેન્જ, જુઓ શું કહ્યું

• PM મોદીએ આજે આદિવાસી વિસ્તારને આપી મોટી ભેટ
• નવસારીના ખુડવેલમાં રૂ.2151 કરોડની યોજનાઓનું કર્યું ખાતમુહૂર્ત
• નવસારીમાં સંબોધન દરમિયાન PM મોદીએ વિરોધીઓને ચેલેન્જ આપી

PM મોદી આજ રોજ ગુજરાતના પ્રવાસે છે. ત્યારે તેઓએ નવસારીના ખુડવેલમાં આજે રૂ.2151 કરોડની યોજનાઓનું ખાતમુહૂર્ત કરીને આદિવાસી વિસ્તારના લોકોને એક મોટી ભેટ આપી છે. દરમ્યાન તેઓએ અહીં સંબોધન કરતા વિરોધીઓને ખુલ્લી ચેલેન્જ કરતા કહ્યું હતું કે, 'આપણે ત્યાં તો કોઇ પણ કામ કરો એટલે કેટલાંક લોકો તો ચાલુ જ પડી જાય છે કે, જોયું ચૂંટણી આવી એટલે કામ થાય છે, ચૂંટણી આવી એટલે કામ થાય છે. અમારા કાર્યકાળનું એક અઠવાડિયું કોઇ એવું શોધી લાવે, એક, આ મારી ચેલેન્જ છે. મને સરકારની અંદર લગભગ 22-23 વર્ષ થઇ ગયા. એક અઠવાડિયું કોઇ શોધી લાવે કે જે અઠવાડિયામાં અમે વિકાસનુું કોઇ કામ ન કર્યું હોય. તેવું એક અઠવાડિયું ના મળે.'

એક સમયે CM પાણીની ટાંકીનું ઉદ્ઘાટન કરતા અને હું આજે 3 હજાર કરોડના કાર્યોનું ઉદ્ઘાટન કરું છું : PM

PM મોદીએ કહ્યું કે, 'ભૂતકાળમાં અહીં આપણે ત્યાં આ જ વિસ્તારના એક એવાં મુખ્યમંત્રી હતાં કે જેમના પોતાના ગામમાં જ પાણીની ટાંકી ન હોતી. હેડપમ્પ લગાવે, એ પણ 12 મહિને સૂકા થઇ જાય એના વાયસર પતી જાય, આ બધાને ખબર છે. પણ હું આવ્યો, મે ગુજરાતમાં જવાબદારી લીધી અને એમના ગામમાં મે ટાંકી બનાવી. એક જમાનો ગુજરાતમાં એવો હતો કે, ગુજરાતના એક મુખ્યમંત્રીએ જામનગરમાં પાણીની એક ટાંકી બનાવી અને તેનું ઉદ્ઘાટન કર્યું હતું. બાદમાં ગુજરાતના છાપામાં પહેલાં પાના પર મોટા ફોટા છપાયા હતા કે મુખ્યમંત્રીએ પાણીની ટાંકીનું ઉદ્ઘાટન કર્યું. એ દિવસો ગુજરાતે જોયા છે. અને આજે મને ગર્વ થાય છે કે, હું આદિવાસી વિસ્તારમાં 3 હજાર કરોડના કાર્યોનું ઉદ્ઘાટન કરું છું.'

અમે ચૂંટણી જીતવા નથી આવતા, લોકો અમને જીતાડે છે. અમારે મન સત્તામાં બેસવું એટલે સેવા કરવાનો અવસર : નવસારીમાં PM મોદી@PMOIndia @narendramodi #Navsari #GujaratGauravAbhiyan pic.twitter.com/k034RpACv3

— VTV Gujarati News and Beyond (@VtvGujarati) June 10, 2022

અમે રાજકીય આટાપાટમાં સમય બરબાદ કરનારા નથી: PM મોદી

નવસારીના ખુડવેલમાં રૂ.2151 કરોડની યોજનાઓનું ખાતમુહૂર્ત દરમ્યાન PM મોદીએ કહ્યું કે, 'અમે રાજકીય આટાપાટમાં સમય બરબાદ કરનારા નથી. અમારા માટે સત્તામાં રહેવું એટલે સેવાનું કામ કરવું છે.

અમે રાજકીય આટાપાટમાં સમય બરબાદ કરનારા નથી. અમારા માટે સત્તામાં રહેવું એટલે સેવાનું કામ કરવું છે : નવસારીના ખુડવેલમાં રૂ.2151 કરોડની યોજનાઓનું ખાતમૂહૂર્ત દરમ્યાન બોલ્યા PM મોદી@PMOIndia @narendramodi #Navsari pic.twitter.com/1JN3J4zoWn

— VTV Gujarati News and Beyond (@VtvGujarati) June 10, 2022

મેં આટલા વર્ષ CM સ્વરૂપે કામ કર્યું પણ ક્યારેય આદિવાસી ક્ષેત્રમાં આટલો મોટો કાર્યક્રમ ન હોતો થયો: PM

નવસારીના ખુડવેલમાં સંબોધન દરમ્યાન PM મોદીએ કહ્યું કે, 'મેં આટલા વર્ષ CM સ્વરૂપે કામ કર્યું પણ ક્યારેય આદિવાસી ક્ષેત્રમાં આટલો મોટો કાર્યક્રમ ન હોતો થયો, આજે 5 લાખ લોકો આવ્યા છે.'

ગુજરાત ગૌરવ અભિયાન | મેં આટલા વર્ષ CM સ્વરૂપે કામ કર્યું પણ ક્યારેય આદિવાસી ક્ષેત્રમાં આટલો મોટો કાર્યક્રમ નહોતો થયો, આજે 5 લાખ લોકો આવ્યા છે: PM મોદી@PMOIndia @narendramodi #Navsari pic.twitter.com/advsKeVsGx

— VTV Gujarati News and Beyond (@VtvGujarati) June 10, 2022

ચિખલી સાથે મારો વર્ષો જૂનો નાતો છે, અહીંયા રહ્યો મારે કોઈ દિવસ ભૂખ્યા રહેવાની નોબત નથી આવી: PM

PM મોદીએ નવસારીના ખુડવેલમાં સંબોધન કરતા જણાવ્યું કે, 'ચિખલી સાથે મારો વર્ષો જૂનો નાતો છે. અહીં હું બસમાં આવતો, આટલા વર્ષો અહીંયા રહ્યો મારે કોઈ દિવસ ભૂખ્યા રહેવાની નોબત નથી આવી.'

ગુજરાત ગૌરવ અભિયાન | ચિખલી સાથે મારો વર્ષો જૂનો નાતો, અહીં બસમાં આવતો, આટલા વર્ષો અહિયાં રહ્યો મારે કોઈ દિવસ ભૂખ્યા રહેવાની નોબત નથી આવી: PM મોદી@PMOIndia @narendramodi #Navsari pic.twitter.com/1FiCBL0ZIL

— VTV Gujarati News and Beyond (@VtvGujarati) June 10, 2022

જે હું મારા કાર્યકાળમાં ન હોતો કરી શક્યો તે મારા સાથી કરી રહ્યાં છે: PM

PM મોદીએ નવસારીથી સંબોધન કરતા જણાવ્યું કે, 'ગુજરાત છોડ્યા બાદ જે-જે લોકોએ ગુજરાતને સંભાળવાનું દાયિત્વ સંભાળ્યું તેમાં આજે ભૂપેન્દ્ર પટેલ અને C.R પાટીલની જોડી જે ઉમંગ અને ઉત્સાહ સાથે નવો વિશ્વાસ જગાવી રહી છે તે તેનું જ પરિણામ છે કે મારી સામે આજે પાંચ લાખથી પણ વધારે આટલી મોટી સંખ્યામાં લોકો અહીં આવ્યાં. મને ગર્વ એ વાતનું થાય છે કે જે હું મારા કાર્યકાળમાં ન હોતો કરી શક્યો તે મારા સાથી કરી રહ્યાં છે અને તમારો પ્રેમ વધતો જ જઇ રહ્યો છે. એટલે મને સર્વાધિક ગર્વ થઇ રહ્યો છે.'

PM મોદી આજે ગુજરાતની મુલાકાતે

• PM મોદી આજે નવસારી અને અમદાવાદની મુલાકાતે
• અમદાવાદમાં IN-SPACeના હેડક્વાર્ટરનું ઉદ્વાટન કરશે
• કેન્દ્રીય ગૃહમંત્રી અમિત શાહ કાર્યક્રમમાં ઉપસ્થિત રહેશે 
• CM ભૂપેન્દ્ર પટેલ પણ કાર્યક્રમમાં ઉપસ્થિત રહેશે
• જૂન 2020માં કેન્દ્રીય કેબિનેટે IN-SPACeની આપી હતી મંજૂરી
• IN-SPACe અંતરીક્ષમાં ખાનગી કંપનીઓની ભાગીદારી સુનિશ્ચિત કરશે