રશિયા / VIDEO : ફેલાતો ગાઢ ધૂમાડો, ભયાનક મંજર... ક્રેશ થયેલા વિમાનનો વીડિયો આવ્યો સામે, તમામ 49ના મોત

રશિયાના દૂરના વિસ્તાર અમૂરમાં થયેલા પ્લેન ક્રેશમાં તમામ 49 પ્રવાસીઓના મોત થયાં હતા. અંગારા એરલાઇન્સ દ્વારા સંચાલિત ટ્વીન-એન્જિન એન્ટોનોવ-24 વિમાન, બ્લાગોવેશેન્સ્ક શહેરથી ટિંડા શહેર તરફ જઈ રહ્યું હતું ત્યારે તે રડારથી ગાયબ થઈ ગયું હતું. પાછળથી એક બચાવ હેલિકોપ્ટરે ટિંડાથી લગભગ 16 કિલોમીટર (10 માઇલ) દૂર એક ટેકરી પર વિમાનનો સળગતો કાટમાળ જોયો હતો.

43 મુસાફરો અને છ ક્રૂ સભ્યોના મોત

સ્થાનિક બચાવકર્તાઓએ જણાવ્યું હતું કે હેલિકોપ્ટરને ઉપરથી બચી ગયેલા લોકોના કોઈ પુરાવા મળ્યા નથી અને તમામના મોત થયાં છે. અમુર પ્રદેશની નાગરિક સંરક્ષણ એજન્સીએ જણાવ્યું હતું કે તે બચાવ કાર્યકરોને ઘટનાસ્થળે મોકલી રહી છે. "હાલમાં, 25 લોકો અને સાધનોના પાંચ એકમો મોકલવામાં આવ્યા છે અને ક્રૂ સાથે ચાર વિમાન સ્ટેન્ડબાય પર છે . રશિયાના કટોકટી મંત્રાલયે જણાવ્યું હતું કે તેમને વિમાનનો "સળગતો ભાગ" મળી આવ્યો છે, પ્રાદેશિક ગવર્નર વેસિલી ઓર્લોવે જણાવ્યું હતું કે An-24 પેસેન્જર વિમાનમાં પાંચ બાળકો સહિત 43 મુસાફરો અને છ ક્રૂ સભ્યો હતા.

વધુ વાંચો : શોર્ટ કટ મોંઘો પડ્યો! નબળો પાસવર્ડ રાખતાં 700 લોકોએ નોકરી ગુમાવી, ફટાફટ મજબૂત કરી દેજો!

ક્રેશ થયાંનો વીડિયો સામે આવ્યો

ટેકરીઓમાં પ્લેન ક્રેશનો ખૌફનાક વીડિયો સામે આવ્યો છે જેમાં જોઈ શકાય છે કે નીચે ઉડતું વિમાન ટેકરીઓ સાથે ટકરાયું હતું અને ક્રેશ થઈને તૂટી પડ્યું હતું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ