દુઃખદ / અમરેલીના હનુમાન ખીજડિયા ગામે દીપડાનો હુમલો, 7 વર્ષના બાળકને ગંભીર ઈજા

અમરેલી જિલ્લાના હનુમાન ખીજડિયા ગામે દીપડાએ 7 વર્ષના બાળક પર હુમલો કરતાં ચકચાર મચી છે. ખેતરમાં પિતા સાથે રમતા સાયારામ નામના બાળક પર કપાસના વાવેતરમાંથી અચાનક બહાર આવેલા દીપડાએ હુમલો કર્યો હતો.

હુમલામાં બાળકને ચહેરા અને નાકના ભાગે ગંભીર ઈજાઓ થઈ

મળતી માહિતી મુજબ, બાળક ખેતરમાં પિતા સાથે રમતો હતો ત્યારે કપાસના પાકમાંથી અચાનક દીપડો બહાર આવ્યો અને બાળક પર હુમલો કર્યો. દીપડાના હુમલામાં બાળકના ચહેરા અને નાકના ભાગે ગંભીર ઈજાઓ પહોંચી હતી.

હોસ્પિટલમાં સારવાર હેઠળ

હુમલા સમયે બાળકના પિતાએ સમયસૂચકતા વાપરી બૂમાબૂમ કરતાં દીપડો ત્યાંથી નાસી છૂટ્યો હતો. ત્યારબાદ ઈજાગ્રસ્ત સાયારામને તાત્કાલિક સારવાર માટે ખસેડવામાં આવ્યો હતો. હાલ બાળક જૂનાગઢની હોસ્પિટલમાં સારવાર હેઠળ હોવાનું જાણવા મળ્યું છે.

આ પણ વાંચોઃ ‘તારા પિતા મકાન અને કાર આપશે તો જ લઈ જઈશ’, લગ્નના બીજા દિવસથી જ સાસરિયાંના ત્રાસનો પત્નીએ લગાવ્યો આક્ષેપ

ઘટનાથી સ્થાનિકોમાં ચિંતા ફેલાઈ

ગામ વિસ્તારમાં દીપડાના હુમલાની ઘટનાથી સ્થાનિકોમાં ચિંતા ફેલાઈ છે. ઘટનાને પગલે વન વિભાગ દ્વારા દીપડાની હિલચાલ અંગે તપાસ અને જરૂરી કાર્યવાહી હાથ ધરાય તેવી સ્થાનિકોમાં માંગ ઉઠી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ