મનોરંજન / 'મારો સંસાર ભાંગી રહ્યો છે...' ગોવિંદાના અફેરની ચર્ચાઓ વચ્ચે પત્ની સુનિતાનો ભાવુક વીડિયો વાયરલ

બોલિવૂડના જાણીતા એક્ટર ગોવિંદા અને તેમની પત્ની સુનિતા આહૂજાનું વિવાહિત જીવન ફરી એકવાર સોશિયલ મીડિયા પર ચર્ચાનો વિષય બન્યું છે. ગોવિંદા અને તેમની આગામી ફિલ્મની કો-એક્ટ્રેસ કોમલરાની વચ્ચે અફેર હોવાની અફવાઓ વહેતી થતાં જ સુનિતા આહૂજાએ એક અત્યંત ભાવુક વીડિયો જાહેર કરીને પોતાનું દર્દ વ્યક્ત કર્યું છે.

View this post on Instagram

A post shared by Durgesh Tiwari (@durgeshtiwari_freelancer)

વિવાદની શરૂઆત કેવી રીતે થઈ?

ગોવિંદા લગભગ 7 વર્ષના લાંબા સમય બાદ 'રૂપા' ફિલ્મ દ્વારા બોલિવૂડમાં વાપસી કરી રહ્યો છે. આ ફિલ્મથી ડેબ્યૂ કરનાર એક્ટ્રેસ કોમલરાની અને ગોવિંદા તાજેતરમાં મુંબઈના પ્રખ્યાત લાલબાગચા રાજાના દર્શન કરવા સાથે પહોંચ્યા હતા. ત્યારથી જ બંનેના રિલેશનશિપને લઈને બોલિવૂડમાં જાતજાતની અફવાઓ શરૂ થઈ ગઈ હતી.

કાલી મંદિરથી સુનિતાની ભાવુક અપીલ

આ તમામ ચર્ચાઓ વચ્ચે સુનિતા આહૂજાએ ફેમસ દક્ષિણેશ્વર કાલી મંદિરથી એક વીડિયો શેર કર્યો છે. આ વીડિયોમાં પોતાની વ્યથા ઠાલવતા તેમણે કહ્યું કે, "મા કાલી જેમ રાક્ષસોનો નાશ કરે છે, તેમ મારા જીવનમાં આવી ગયેલા રાક્ષસોનો પણ સંહાર થાય. માત્ર પબ્લિસિટી મેળવવા માટે કેટલાક લોકો મારા વગર વાંકે હસતા-રમતા ઘરને તોડી રહ્યા છે."

મીડિયા અને Gen-Z પાસે મદદની ગુહાર

સુનિતાએ મીડિયાને હાથ જોડીને વિનંતી કરી છે કે માત્ર પબ્લિસિટી માટે બીજાના ઘર સાથે રમત રમતા લોકોને હાઈલાઈટ કે સપોર્ટ ન કરે. તેમણે આજની યુવા પેઢી અને મહિલાઓને તેમની પડખે ઊભા રહેવા અને આ મુશ્કેલ સમયમાં સપોર્ટ કરવા માટે હાકલ કરી છે.

વધુ વાંચો : અમારું અફેર...’ પત્ની સુનીતાને છોડીને રાની સાથે બાપ્પાના દર્શન કરતાં ગોવિંદા ટ્રોલ થયા, અભિનેતાએ ચર્ચા પર તોડ્યું મૌન

ગોવિંદાનો આ વિવાદ પર જવાબ

બીજી તરફ, આ અફેરની ચર્ચાઓ પર ગોવિંદાએ સ્પષ્ટતા કરતા જણાવ્યું હતું કે તેમની પર્સનલ લાઈફ અને અંગત બાબતો સાથે કોઈને પણ કંઈ લેવાદેવા હોવી ન જોઈએ.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ