બોલિવુડ / ટાઈગર 3 ના સેટ પરથી તસવીરો લીક! તુર્કીમાં સુરંગ-નદીમાં એક્શન સીન શૂટ કરતો જોવા મળ્યો સલમાન ખાન

• ફિલ્મ ટાઈગર 3 નું હાલમાં શૂટિંગ ચાલી રહ્યું છે
• ફિલ્મના શેટ પરથી સલમાન ખાનના શૂટિંગની તસવીરો લીક થઈ
• ટાઈગર 3માં શાહરુખ ખાન કેમિયો કરતો જોવા મળશે

બોલિવૂડમાં લાંબા સમય બાદ યશ રાજ ફિલ્મ્સના બેનર હેઠળ બનેલી ફિલ્મ પઠાણ ખૂબ જ સુપરહિટ ગઈ   છે.   આ ફિલ્મને વિશ્વભરમાં ખૂબ જ પસંદ કરવામાં આવી છે. કમાણીના મામલે પણ આ ફિલ્મે ઘણા રેકોર્ડ બનાવ્યા છે. ફિલ્મે   1000 કરોડથી વધુની કમાણી કરી જે આ પહેલા શાહરૂખ ખાનની કોઈ ફિલ્મે નથી કરી. હવે યશ રાજ ફિલ્મ્સના બેનર હેઠળ સલમાન ખાનની   મોટી ફિલ્મ ટાઈગર 3 રિલીઝ થશે. હાલમાં આ ફિલ્મનું શૂટિંગ ચાલી રહ્યું છે. શૂટિંગ સીનની કેટલીક તસવીરો લીક થઈ છે જે સોશિયલ મીડિયા પર વાયરલ થઈ રહી છે.

હાલના સમયમાં ટાઈગર 3 ફિલ્મનું શૂટિંગ  તુર્કીમાં ચાલી રહ્યું છે. સલમાન ખાન ફિલ્મમાં એક એક્શન સીનના શૂટિંગમાં વ્યસ્ત છે. શૂટિંગ સેટના કેટલાક ફોટો સોશિયલ મીડિયા પર લીક થયા છે જેમાં સલમાન ખાન એક્શન સીન શૂટ કરતો જોવા મળી રહ્યો છે. તે   અલગ-અલગ લોકેશન પર શૂટિંગ કરી રહ્યા છે.   સલમાન ખાનની આ ફિલ્મમાં શાનદાર એક્શન સીન્સ જોવા મળશે. તે નદીની વચ્ચે, ઊંચી બિલ્ડિંગ પર,   અને ઊંડી ટનલની અંદર શૂટિંગ કરતો જોવા મળે છે. સોશિયલ મીડિયા પર વાયરલ થઈ રહેલી આ તસવીરો ફેન્સ માટે કોઈ ટ્રીટથી ઓછી નથી.

All I can say is that these leaked pictures from the sets of #Tiger3 is already giving an all time blockbuster vibes. Almost 80% of the movie is shot in the real locations. Unlike Sarook, #SalmanKhan is seen performing his own stunts. pic.twitter.com/XAGgaMmhH0

— 🔥UTKARSH🔥 (@BEINGRADHE2727) March 11, 2023

સલમાન સાથે હશે શાહરૂખનો કેમિયો 
જણાવી દઈએ કે યશ રાજ ફિલ્મ્સ દ્વારા પહેલાથી જ જાહેરાત કરવામાં આવી છે કે સલમાન ખાનની ટાઈગર 3માં શાહરૂખ ખાનનો કેમિયો હશે. બંને તેમાં એક્શન સીન શૂટ કરતા જોવા મળશે. આ ફિલ્મમાં સલમાન ભારતીય જાસૂસ એજન્ટ અવિનાશ સિંહ રાઠોડના રોલમાં જોવા મળશે, જ્યારે બીજી તરફ કેટરિના કૈફની વાત કરીએ તો તે પાકિસ્તાની જાસૂસ ઝોયા હુમૈમીના રોલમાં જોવા મળશે. આ સિવાય ઈમરાન હાશ્મી ફિલ્મમાં નેગેટિવ રોલમાં જોવા મળશે.

દિવાળી પર રિલીઝ થશે ટાઇગર 3 
સલમાન ખાન આ વખતે   ચાહકો માટે   બે મોટા તહેવારો પર ફિલ્મો લઈને આવી રહ્યો છે. એક તરફ તેની ફિલ્મ કિસી કા ભાઈ કિસી કી જાન ઈદના તહેવાર પર રિલીઝ થશે, તો બીજી તરફ તેની ફિલ્મ ટાઈગર 3 આ દિવાળી પર રિલીઝ થવાની છે. આ ફિલ્મમાં શાહરૂખ ખાન પણ એક દમદાર કેમિયો કરશે. ફિલ્મમાં સલમાન ખાન, કેટરિના કૈફ, ઇમરાન હાશિમી શાહરૂખ ખાન, હૃતિક રોશન, કુમુદ મિશ્રા અને દાનિશ હુસૈન જેવા કલાકારો મહત્વની ભૂમિકામાં હશે. આ ફિલ્મ પહેલા 21 એપ્રિલે રિલીઝ થવાની હતી, જે હવે દિવાળીના તહેવાર પર રિલીઝ થશે.