6 ફોટો ગેલેરી

ટેક ટિપ્સ / ફોનમાં અચાનક ‘No Service’ દેખાય તો આ સેટિંગ્સ તરત ચેક કરો!

Last Updated: 10:20 AM, 15 September 2026

FOLLOW ON

શેર કરો

જો તમારા ફોન પર અચાનક No Service એવો મેસેજ દેખાય, તો ગભરાવાની જરૂર નથી. ફોનની કેટલીક સરળ સેટિંગ્સ તપાસીને તમે જાણી શકો છો કે સમસ્યા નેટવર્કની છે કે ફોનની...

1/6

1. ફોનમાં સમસ્યા હોય તેવુ જરુરી નથી

ઘણીવાર ફોનનો ઉપયોગ કરતી વખતે અચાનક નેટવર્ક જતું રહે છે અને સ્ક્રીન પર No Service લખેલું આવે છે. પરિણામે, ન તો કોઈ કોલ આવી શકે છે કે કરી શકાય છે, અને ઇન્ટરનેટ પણ કામ કરતું બંધ થઈ જાય છે. આવી સ્થિતિમાં લોકો ઘણીવાર એમ માની લે છે કે તેમનો ફોન ખરાબ છે, પરંતુ વાસ્તવમાં સમસ્યા હંમેશાં ફોનમાં જ હોય તે જરૂરી નથી. ઘણી વાર સિમ કાર્ડ, નેટવર્ક કવરેજ અથવા ફોનની ચોક્કસ સેટિંગ્સને કારણે ઊભી થઈ શકે છે. જો તમારા ફોનમાં અચાનક No Service એવો મેસેજ દેખાય, તો ગભરાયા વિના કેટલીક બાબતો તપાસો. ઘણીવાર, માત્ર કોઈ નાની સેટિંગ બદલવાથી અથવા ફોન રીસ્ટાર્ટ કરવાથી નેટવર્ક પાછું આવી જાય છે.

આ તસવીર શેર કરો

2/6

2. સૌથી પહેલા Airplane Mode ચેક કરો

જો તમારા ફોનનું નેટવર્ક કનેક્શન અચાનક જતું રહે, તો સૌથી પહેલાં Airplane Mode ચેક કરો. ઘણીવાર ભૂલથી તે ચાલુ થઈ જતું હોય છે, જેનાથી મોબાઈલ નેટવર્ક બંધ થઈ જાય છે. તમારી સ્ક્રીન પર તપાસો કે એરપ્લેન મોડ ચાલુ છે કે નહીં. જો તે ચાલુ હોય, તો તેને બંધ કરવાથી સામાન્ય રીતે ફોન ફરીથી નેટવર્ક સાથે જોડાઈ જાય છે. જો એરપ્લેન મોડ પહેલેથી જ બંધ હોય, તો તેને લગભગ 10 સેકન્ડ માટે ચાલુ કરીને ફરીથી બંધ કરવાનો પ્રયાસ કરો. આ ટ્રિકથી ઘણીવાર નેટવર્ક કનેક્શન પાછું આવી જાય છે.

આ તસવીર શેર કરો

3/6

3. SIM કાર્ડને પણ જરુર જુઓ

No Service મેસેજ આવવાનું એક કારણ SIM કાર્ડની સમસ્યા હોઈ શકે છે. જો SIM યોગ્ય રીતે નાખવામાં ન આવ્યું હોય અથવા તેમાં કોઈ ખામી હોય, તો ફોન નેટવર્ક સાથે કનેક્ટ થશે નહીં. આવી સ્થિતિમાં, ફોન બંધ કરો, SIM બહાર કાઢો અને તેને ફરીથી નાખો. જો તમારી પાસે બીજો ફોન હોય, તો તમે તપાસવા માટે તેમાં તે SIM નાખીને જોઈ શકો છો. જો બીજો ફોન પણ નેટવર્ક સાથે કનેક્ટ ન થઈ શકે, તો સમસ્યા SIM અથવા નેટવર્કમાં છે. જોકે, જો બીજો ફોન સફળતાપૂર્વક કનેક્ટ થઈ જાય, તો સમસ્યા તમારા ફોનમાં હોઈ શકે છે.

આ તસવીર શેર કરો

4/6

4. નેટવર્ક સેટિંગને એક વાર ચેક કરો

ફોનના નેટવર્ક સેટિંગ્સમાં સમસ્યાને કારણે પણ No Service એવો મેસેજ આવી શકે છે. Settingsમાં જાઓ, Network અથવા SIM સેટિંગ્સ ખોલો અને તપાસો કે તમારું SIM એક્ટિવ છે કે નહીં. નેટવર્ક ઓપરેટરને ઓટોમેટિક પર સેટ કરવાથી ફોન નેટવર્ક શોધી શકે છે. જો તમે તાજેતરમાં કોઈ નેટવર્ક સેટિંગ્સ બદલ્યા હોય, તો તેને ફરીથી તપાસો. જો તેમ છતાં નેટવર્ક ન દેખાય, તો તમારા ફોનને રીસ્ટાર્ટ કરવાનો પ્રયત્ન કરો.

આ તસવીર શેર કરો

5/6

5. ક્યાંક નેટવર્ક કવરેજની સમસ્યા તો નથી

ઘણીવાર તમારા ફોન પર No Service એવો મેસેજ દેખાય છે કારણ કે તમે નબળા મોબાઇલ નેટવર્ક કવરેજવાળા વિસ્તારમાં હોવ છો. આવું બેઝમેન્ટ, લિફ્ટ, પહાડી વિસ્તારો અથવા બંધ જગ્યાઓમાં થઈ શકે છે. આવી સ્થિતિમાં, ખુલ્લી જગ્યાએ જાઓ અને થોડીવાર રાહ જુઓ. જો નજીકમાં તે જ નેટવર્કનો ઉપયોગ કરતા અન્ય લોકોને પણ સિગ્નલ ન મળતું હોય, તો સમસ્યા નેટવર્ક અથવા સર્વિસ પ્રોવાઇડરની હોઈ શકે છે.

આ તસવીર શેર કરો

6/6

6. પછી પણ નેટવર્ક ન આવે તો શું કરવું?

જો સિમ અને સેટિંગ્સ યોગ્ય હોય, તેમ છતાં અલગ જગ્યાએ ગયા પછી પણ No Service સમસ્યા યથાવત રહેતી હોય, તો તમારા નેટવર્ક પ્રોવાઇડરનો સંપર્ક કરવો એ બેસ્ટ ઓપ્શન છે. જો સમસ્યા તમારા ફોનને લગતી હોય, તો તેને સર્વિસ સેન્ટરમાં તપાસ કરાવવી જોઈએ. ખાસ કરીને જો ફોન પડી ગયો હોય, પાણીના સંપર્કમાં આવ્યો હોય અથવા અન્ય કોઈ અકસ્માતનો ભોગ બન્યો હોય અને ત્યારબાદ નેટવર્ક જતું રહ્યું હોય, તો હાર્ડવેરની તપાસ કરાવવી અત્યંત મહત્વપૂર્ણ છે.

આ તસવીર શેર કરો

સંકળાયેલા મુદ્દાઓ

phone showing no service check these things mobile phone