ક્રિકેટ / ઈરફાન પઠાણ અને ગાવસ્કરની પર્ફેક્ટ ફોર્મ્યુલા, બસ આ બે કામ અને ટી 20 વર્લ્ડ ભારતને નામે

• ઈરફાન પઠાણ અને સુનિલ ગાવસ્કરે ભારતને આપ્યો ટી 20 વર્લ્ડ કપ જીતનો મંત્ર
• ભારતને બોલિંગ મજબૂત કરવાની જરુર, બોલિંગ વગર મોટી ટૂર્નોમેન્ટ જીતવી અઘરી 
• ગાવસ્કરે પણ ઈરફાની વાતમાં ટાપશી પૂરાવી 

આઈસીસી ટી-20 વર્લ્ડ કપ 2024ની શરૂઆત 1 જૂનથી થશે. આ વખતે ટી-20 વર્લ્ડ કપનું આયોજન વેસ્ટ ઈન્ડિઝ અને અમેરિકા કરી રહ્યું છે. પ્રથમ ટી-20 વર્લ્ડ કપ 2007માં રમાયો હતો. મહેન્દ્ર સિંહ ધોનીની કેપ્ટનશિપમાં ભારતે સાઉથ આફ્રિકામાં રમાયેલા પ્રથમ ટી-20 વર્લ્ડ કપનો ખિતાબ પોતાના નામે કર્યો હતો. ત્યારથી ભારતે ફરી કોઈ ટ્રોફી જીતી નથી. આ વખતે ભારત સામે ટી 20 વર્લ્ડ કપ જીતવાની તક આવી છે. 

The schedule of ICC men's T-20 World cup 2024 #T20WorldCup pic.twitter.com/41tXfKyN9J

— सुनिल कुमार (@sunil14801901) January 5, 2024

મજબૂત બોલિંગ વગર મોટી ટુર્નામેન્ટ જીતવી મુશ્કેલ 
પૂર્વ ભારતીય ક્રિકેટર સુનીલ ગાવસ્કર અને ઈરફાન પઠાણે બે એવી વાતો શેર કરી છે જેના પર કામ કરવાથી ભારત ટી 20 ટ્રોફી જીતી શકે છે. ગાવસ્કર 1983ના વર્લ્ડ કપની ટીમમાં સામેલ હતા, જેણે કપિલ દેવની કેપ્ટન્સી હેઠળ વર્લ્ડ કપ અપાવ્યો હતો, જ્યારે ઈરફાન પઠાણ 2007ના ટી-20 વર્લ્ડ કપની ટીમમાં સામેલ હતો. ઇરફાન પઠાણે કહ્યું કે, ટી-20 ફોર્મેટ બેટ્સમેનોનું ફોર્મેટ હોઇ શકે છે, પરંતુ મજબૂત બોલિંગ વગર મોટી ટુર્નામેન્ટ જીતવી મુશ્કેલ છે. ઇરફાન પઠાણે કહ્યું, "ટી20 ક્રિકેટ તમને વધુ જોખમો લેવાની તક આપે છે, તમારે તે માનસિકતામાં રહેવું પડશે, જ્યાં તમે નિર્ભયતાથી બેટિંગ કરી શકો છો. પરંતુ વધુ મહત્ત્વની વાત એ છે કે, છેલ્લા કેટલાક વર્ષોમાં મારા પર જે છવાઈ ગયું છે તે ભારતીય ક્રિકેટને લઈને છે, ખાસ કરીને ટી-20 ક્રિકેટમાં, પછી તે દુબઈમાં રમાયેલી ભારત વિરુદ્ધ પાકિસ્તાનની મેચ હોય કે પછી ઓસ્ટ્રેલિયા ટી-20 વર્લ્ડ કપની સેમિ ફાઈનલ હોય. બોલિંગને મજબૂત બનાવવી ખૂબ જ જરૂરી છે. જો આપણે આપણી બોલિંગને મજબૂત નહીં બનાવીએ તો મોટી ટુર્નામેન્ટ નહીં જીતી શકીએ અને પરંતુ જો તમારી પાસે પાંચ બોલર અને પાંચમાંથી ત્રણ બોલર હોય જે કોઇ પણ પરિસ્થિતિમાં વિકેટ લેવાનું જાણતા હોય તો વર્લ્ડકપ બહુ દૂર નથી. 

Who is excited for the T 20 world cup 2024
Pakistan and India are in the same group.#T20WorldCup2024 #PAKvsAUS pic.twitter.com/w5WEl6pyfK

— Atif khan (@atifmanzoor105) January 5, 2024

ગાવસ્કરે ઇરફાન પઠાણ સાથે સહમતી દર્શાવી 
ગાવસ્કરે ઇરફાન પઠાણ સાથે સહમતી દર્શાવી હતી પરંતુ એમ પણ કહ્યું હતું કે આવી સ્થિતિમાં ટીમ માટે ઓલરાઉન્ડર્સ હોવા પણ જરૂરી છે. ગાવસ્કરે કહ્યું, "જો તમારા કોઈ બોલરનો દિવસ સારો ન હોય અને તેને ઘણા બધા રન મળે અને બેટ્સમેન પોતાના ક્વોટાની એક કે બે ઓવર બાકી રાખે તો તેનાથી વધુ સારું શું છે.

1 જુનથી વેસ્ટ ઈન્ડીઝ અને અમેરિકામાં ટી 20 વર્લ્ડ કપ
ઉલ્લેખનીય છે કે 1 જુનથી 30 જુન એમ આખો મહિના ટી 20 વર્લ્ડ કપ વેસ્ટ ઈન્ડીઝ અને અમેરિકામાં રમાશે જેને માટે 20 ટીમો નક્કી થઈ છે. ભારતની પહેલી મેચ આયરલેન્ડ સામે છે.