ભારતીય ક્રિકેટર શિખર ધવન અને આયશાની વચ્ચે છૂટાછેડા થઈ ચૂક્યાં છે અને હાલમાં તેમનાં 9 વર્ષીય બાળકની કસ્ટડીને લઈને કેસ ચાલી રહ્યો છે જેમાં કોર્ટે ધવનની તરફેણમાં નવો આદેશ આપ્યો છે.
Share
શિખર ધવન અને આયશા વચ્ચે ચાલી રહેલા કેસમાં આવ્યો વળાંક
શિખર ધવન હાલમાં ટીમ ઈન્ડિયાથી બહાર છે. ટીમ ઈન્ડિયાનાં અનુભવી ઓપનર શિખર ધવન અને આયશાનાં છૂટાછેડા થઈ ચૂક્યાં છે. હાલમાં બંને પોતાના 9 વર્ષીય બાળકની કસ્ટડીને લઈને કોર્ટનાં ચક્કર કાપી રહ્યાં છે. કોર્ટે આદેશ આપ્યો છે કે 28 જૂન સુધીમાં બાળકને દિલ્હીમાં ધવનનાં પરિવારને સોંપવામાં આવે. અત્રે ઉલ્લેખનીય છે કે શિખર ધવન 3 વર્ષ બાદ પોતાના બાળકને મળી શકશે.
shikhar dhawan with his kid
બાળક પર એકલી માંનો અધિકાર નથી હોતો- કોર્ટ
પટિયાલા હાઉસ કોર્ટે બંનેનાં કેસને લઈને કહ્યું કે તેઓ પોતાના 9 વર્ષનાં બાળકને પરિવાર સાથે મુલાકાત કરાવવા ભારત લઈને આવે. કોર્ટે કહ્યું કે ઓગસ્ટ 2020 પછીથી શિખર ધવનનો પરિવાર બાળકને મળી નથી શક્યો. બાળક પર એકલી માંનો અધિકાર નથી હોતો. જો શિખર ધવન એક સારા પિતા સાબિત થયાં છે તો માતા બાળકને પરિવાર સાથે મળવા કેમ નથી દેતી? શિખર ધવન પરમેનેન્ટ કસ્ટડી નથી માંગી રહ્યાં, તે માત્ર પોતાના બાળકને મળવા ઈચ્છે છે.'
28 જૂન સુધીમાં બાળકની કસ્ટડી ધવનનાં પરિવારને સોંપાઈ
કોર્ટે આયશાને આદેશ આપ્યો છે કે તે ધવનનાં પરિવાર સાથે મુલાકાત કરાવવા માટે બાળકને સાથે લઈને ભારત આવે અથવા તો વિશ્વસનીય વ્યક્તિની સાથે બાળકને ભારત મોકલે. 28 જૂન 10 વાગ્યા સુધીમાં બાળકની કસ્ટડી દિલ્હીમાં ધવનનાં પરિવારને સોંપવામાં આવે.
