- બોર્નવિટા બનાવતી કંપનીને નોટિસ
- બોર્નવિટામાં ખાંડ-અન્ય તત્વોનું પ્રમાણ વધુઃ NCPCR
- બાળકના આરોગ્ય પર પ્રતિકૂળ અસર થઈ શકે: NCPCR
બોર્નવિટાને લઈને શરૂ થયેલો વિવાદ અટકવાનું નામ નથી લઈ રહ્યો. હવે નેશનલ કમિશન ફોર પ્રોટેક્શન ઓફ ચાઈલ્ડ રાઈટ્સ (NCPCR)એ બોર્નવિટાને નોટિસ ફટકારી છે. કમિશને બોર્નવિટા બનાવતી કંપની મોન્ડેલેઝ ઈન્ટરનેશનલ ઈન્ડિયાને કહ્યું છે કે તે તેની તમામ પ્રોડક્ટની તમામ ભ્રામક જાહેરાતો, પેકેજિંગ અને લેબલોની સમીક્ષા કરે. કંપની પર આરોપ છે તે તેના ઉત્પાદનમાં વધુ માત્રામાં ખાંડ ભેળવે છે, જે બાળકોના સ્વાસ્થ્ય પર નુકસાનકારક અસર કરી શકે છે.
NCPCRએ લખ્યો પત્ર
મોન્ડેલેઝ ઈન્ટરનેશનલ ઈન્ડિયાના પ્રેસિડેન્ટ દીપક અય્યરને લખેલા પત્રમાં NCPCRએ કહ્યું કે, તેને એક ફરિયાદ મળી છે જેમાં જણાવવામાં આવ્યું છે કે બોર્નવિટા, જે પોતાને હેલ્થ પાવડર અથવા હેલ્થ ડ્રિંક જણાવીને પ્રચાર કરે છે, તેમાં ખાંડનું પ્રમાણ વધુ હોય છે જે બાળકોના સ્વાસ્થ્ય પર હાનિકારક અસર કરી શકે છે.
ગ્રોહકોને ગેરમાર્ગે દોરી રહી છે જાહેરાતો
કંપનીને 21 એપ્રિલે ફટકારવામાં આવેલી નોટિસમાં કહેવામાં આવ્યું છે કે, 'કમિશનને જાણવા મળ્યું છે કે તમારી કંપનીમાં બનેલી પ્રોડક્ટ તેના પેકેજિંગ અને જાહેરાતોના માધ્યમથી ગ્રાહકોને ગેરમાર્ગે દોરી રહી છે. આ ઉપરાંત તમારી પ્રોડક્ટનું લેબલિંગ અને પેકેજિંગ પણ બોર્નવિટા પ્રોડક્ટ બનાવવામાં વપરાતી સામગ્રી વિશે સાચી માહિતી આપતું નથી.' વધુમાં જણાવવામાં આવ્યું છે કે, FSSAI અને ગ્રાહક સુરક્ષા કાયદાની માર્ગદર્શિકા અને નિયમો હેઠળ લેબલિંગમાં જે બાબતો ફરજિયાત રીતે જણાવવી જોઈએ, તે જણાવવામાં પણ કંપની નિષ્ફળ રહી છે. આયોગે બોર્નવિટાના બોક્સ પર ઉત્પાદનમાં વપરાતી માત્રા જણાવવા આવે છે, તેને લઈને પણ આયોગે સવાલો ઉઠાવ્યા છે અને કહ્યું છે કે, કંપની નિયમોનું પાલન નથી કરતી.
'પ્રથમ દ્રષ્ટિએ ગ્રાહક સુરક્ષા અધિનિયમ 2019નું ઉલ્લંઘન'
નોટિસમાં એવું પણ કહેવામાં આવ્યું છે કે પ્રોડક્ટમાં બાળકો પર આવા ફોર્મ્યુલાની હાનિકારક અસરો દર્શાવતી કોઈ ચેતવણી જારી કરવામાં આવી નથી, જે પ્રથમ દૃષ્ટિએ ગ્રાહક સુરક્ષા અધિનિયમ 2019નું ઉલ્લંઘન છે.
