બહિષ્કાર / પાકિસ્તાન UAE સામે આજની મેચ નહીં રમે, હેન્ડશેક વિવાદ પછી એશિયા કપનો બહિષ્કાર

એશિયા કપનો 10મો મુકાબલો આજે દુબઈમાં પાકિસ્તાન અને યજમાન યુએઈ વચ્ચે રમવાનો હતો. જોકે, આ મેચ પહેલા પાકિસ્તાને યુએઈ સામે રમવાનો ઇનકાર કરી દીધો હતો. આ સાથે, પાકિસ્તાન એશિયા કપ ટુર્નામેન્ટમાંથી બહાર થઈ ગયું છે. હવે, યુએઈને વોકઓવર મળ્યો છે, અને બે પોઈન્ટ સાથે, યજમાન ટીમ સુપર ફોર માટે ક્વોલિફાય થઈ ગઈ છે.

નોંધનીય છે કે રવિવારે ભારત-પાકિસ્તાન મેચ બાદ ટીમ ઈન્ડિયાના ખેલાડીઓએ પાકિસ્તાની ખેલાડીઓ સાથે હાથ મિલાવવાનો ઇનકાર કર્યો હતો. પાકિસ્તાની ટીમે આ માટે મેચ રેફરી એન્ડી પાયક્રોફ્ટને જવાબદાર ઠેરવ્યા હતા. પાકિસ્તાન ક્રિકેટ બોર્ડ (PCB) એ આ અંગે ICC માં ફરિયાદ નોંધાવી હતી. પાકિસ્તાને મેચ રેફરીને હટાવવાની માંગ કરી હતી. જોકે, ICC એ આમ કરવાનો ઇનકાર કર્યો હતો. આ પછી, એવી અટકળો ચાલી રહી હતી કે પાકિસ્તાન UAE સામે મેચ નહીં રમે.

વધુ વાંચો: સ્મૃતિ મંધાનાની તોફાની બેટિંગ, ઓસ્ટ્રેલિયા સામે ફટકારી સૌથી ઝડપી સદી, બનાવ્યો ખાસ રેકોર્ડ

કેવી રીતે શરૂ થયો વિવાદ

હકીકતમાં, ભારત-પાકિસ્તાન મેચ દરમિયાન હાથ મિલાવવાના વિવાદ બાદ, PCB એ દાવો કર્યો હતો કે પાયક્રોફ્ટે કેપ્ટન સલમાન અલી આગાને કહ્યું હતું કે ટોસ સમયે કોઈ હાથ મિલાવવામાં આવશે નહીં, જે MCC નિયમોની વિરુદ્ધ છે. ICC જનરલ મેનેજર વસીમ ખાનને કરેલી ફરિયાદમાં, PCB એ જણાવ્યું હતું કે પાયક્રોફ્ટના કાર્યો MCC નિયમોનું ઉલ્લંઘન કરે છે અને ક્રિકેટની ભાવનાની વિરુદ્ધ છે.

પીસીબીએ આગ્રહ કર્યો છે કે પાયક્રોફ્ટને એશિયા કપની બાકીની મેચોમાંથી દૂર કરવામાં આવે . પીસીબી કે તેના ચેરમેન મોહસીન નકવી, જેમણે પોતે પાયક્રોફ્ટ અને ભારતીય ટીમ બંનેની ટીકા કરી છે, તેમણે સત્તાવાર રીતે આ વાત કહી નથી. જોકે, એવા અહેવાલો બહાર આવ્યા છે કે જો આ માંગણી પૂરી નહીં થાય તો પાકિસ્તાન ટુર્નામેન્ટમાંથી ખસી જવાનો વિચાર કરી રહ્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ