- પાકિસ્તાન અને ઈરાન વચ્ચે તણાવ
- ઈરાને પાક.ના બલુચિસ્તાનમાં આતંકી ઠેકાણા કરી એર સ્ટ્રાઈક
- 5 બાળકોના મોત, પાકિસ્તાને ગંભીર પરિણામો ભોગવવાની આપી ચીમકી
ભારતના પડોશી પાકિસ્તાનનો એક નવો દુશ્મન ઊભો થયો છે. ઈરાને કોઈ પણ જાતની ઉશ્કેરણી વગર પાકિસ્તાનની એરસ્પેસમાં ઘૂસીને હુમલા કર્યા હતા, જેમાં બે બાળકો માર્યા ગયા હતા અને અન્ય ત્રણ ઘાયલ થયા હતા. ઈરાનના રિવોલ્યુશનરી ગાર્ડે બલુચિસ્તાનમાં આતંકી ઠેકાણા પર એરસ્ટ્રાઈક કરી હતી.
જૈશ અલ-અદલના ઠેકાણા નષ્ટ કર્યાં
ઈરાનની સેનાએ પાકિસ્તાનમાં જૈશ અલ-અદલ સાથે જોડાયેલા બે લક્ષ્યોને નિશાન બનાવ્યા છે. આ ઠેકાણાઓ પર મિસાઈલ અને ડ્રોનથી હુમલો કરવામાં આવ્યો અને તેને નષ્ટ કરવામાં આવ્યો. દાવો કર્યો હતો કે હુમલો કરાયેલા ઠેકાણા બલુચિસ્તાનમાં આવેલા છે. જૈશ અલ-અદલ એક આતંકવાદી સંગઠન છે જે પાકિસ્તાનથી ઓપરેટ થાય છે. આ જૂથ પર ઈરાન સરહદ પર આતંકવાદી હુમલા કરવાનો આરોપ છે. ઈરાને પણ આ હુમલાઓને લઈને પાકિસ્તાન સામે સખત વાંધો વ્યક્ત કર્યો છે. ગત મહિને ઈરાનના સિસ્તાન-બલુચિસ્તાનમાં એક પોલીસ સ્ટેશન પર આતંકી હુમલો થયો હતો, ત્યારબાદ બંને દેશો વચ્ચે તણાવ વધી ગયો હતો. આ હુમલાઓ બાદ બંને દેશો વચ્ચે ફરી એકવાર તણાવ વધવાની શક્યતા છે.
ઈરાને કેમ કર્યાં મિસાઈલ હુમલા
જૈશ અલ-અદલ પાકિસ્તાની ધરતીમાંથી ઓપરેટ થતું આતંકી સંગઠન છે અને તેણે તાજેતરમાં ઈરાનની બોર્ડરમાં હુમલા કર્યાં હતા જેમાં ઈરાની સેનાના 11 જવાન માર્યાં હતા. 11 જવાનોનો બદલો લેવા માટે ઈરાને એરસ્ટ્રાઈક કરીને આતંકી ઠેકાણા નષ્ટ કર્યાં હતા.
જૈશ અલ-અદલ એક આતંકવાદી સંગઠન
જૈશ અલ-અદલ પાકિસ્તાની ધરતીમાંથી ઓપરેટ થતું આતંકી સંગઠન છે અને તેણે તાજેતરમાં ઈરાનની બોર્ડરમાં હુમલા કર્યાં હતા જેનો બદલો લેવા માટે ઈરાને એરસ્ટ્રાઈક કરીને આતંકી ઠેકાણા નષ્ટ કર્યાં હતા.
