અર્થ વ્યવસ્થા / ચિદમ્બરમે કસ્ટડી દરમ્યાન અર્થતંત્ર પર એવો ઈશારો કર્યો કે મોદી સરકારને લાગશે ઝટકો

GDP ના ઘટાડા અંગે કર્યો ઇશારો

સરકારના આંકડા અનુસાર જીડીપી દર પ્રથમ ક્વાર્ટરમાં 5.8 ટકાથી ઘટીને 5 ટકા પહોંચી ગયો છે. જે 6 વર્ષમાં તેનું સૌથી નીચું સ્તર હતું. જ્યારે પી ચિદમ્બરમ (P Chidambaram)  કોર્ટ રૂમમાંથી બહાર નીકળ્યા હતા, ત્યારે પત્રકારોએ તેમને પૂછ્યું હતું કે તેમની સીબીઆઈ કસ્ટડી વિશે તમારે શું કહેવું છે, ત્યારે પૂર્વ નાણાં પ્રધાને કહ્યું, "પાંચ ટકા." શું તમે જાણો છો 5 ટકા શું છે? પાંચેય આંગળીઓ બતાવવા પણ તેમણે પોતાના હાથ ઉંચા કર્યા. ત્યારબાદ સીબીઆઈએ તેને કસ્ટડીમાં લીધા હતા. કોંગ્રેસે પણ તેના ટ્વિટર હેન્ડલથી તેનો વીડિયો શેર કર્યો છે.

A quick reminder by @PChidambaram_IN on why he's feared by the BJP govt. #ModiMadeEconomicCrisis pic.twitter.com/9XOdVf6saT

— Congress (@INCIndia) September 3, 2019

અર્થતંત્ર ઊંડી મંદી તરફ જઈ રહ્યું છે :  ડો. મનમોહનસિંહ

નોંધનીય છે કે, આ પહેલા પૂર્વ પ્રધાનમંત્રી ડો. મનમોહનસિંહે(Manmohan Singh) પણ દેશની ઘટતી અર્થવ્યવસ્થા પર ચિંતા વ્યક્ત કરી હતી. તેમણે કહ્યું કે છેલ્લા ત્રિમાસિક ગાળામાં જીડીપીના 5% બતાવે છે કે અર્થતંત્ર ઊંડી મંદી તરફ જઈ રહ્યું છે. 

તેમણે વધુમાં કહ્યું કે ભારતમાં ઝડપથી વિકાસની સંભાવના છે, પરંતુ મોદી સરકારના ગેરવહીવટને કારણે મંદી આવી છે. તેમણે કહ્યું કે તે પરેશાન કરે છે કે ઉત્પાદન ક્ષેત્રમાં વિકાસ દર 0.6 ટકાના સ્તરે છે. આ સ્પષ્ટપણે બતાવે છે કે આપણી અર્થવ્યવસ્થા હજી પણ નોટબંધી અને ઉતાવળમાં લાગુ કરવામાં આવેલ GST થી બહાર આવી શકી નથી. 

આઈએનએક્સ મીડિયા કેસમાં પૂર્વ નાણા મંત્રીની કરાઇ છે ધરપકડ

ઉલ્લેખનીય છે કે, સુપ્રીમ કોર્ટ હવે ગુરુવારે પૂર્વ કેન્દ્રીય પ્રધાન પી. ચિદમ્બરમના આઈએનએક્સ મીડિયા કેસ(INX Media Case) મામલે સુનાવણી કરશે. ત્યાં સુધી સ્થિતિ યથાવત્ રહેશે. હાલમાં પી.ચિદમ્બરમ ગુરુવાર સુધી એટલે કે 5 સપ્ટેમ્બર સુધી સીબીઆઈની કસ્ટડીમાં રહેશે. કોર્ટમાં સીબીઆઈ વતી દલીલ કરી રહેલા S.G તુષાર મહેતાએ કહ્યું હતું કે પી.ચિદમ્બરમ જેલમાં જવાની ઇચ્છા નથી, પરંતુ કાયદો તેનું કામ કરશે.

એનએક્સ મીડિયા કેસમાં પી.ચિદમ્બરમના વચગાળાના જામીન પર મહેતાએ વધુમાં કહ્યું હતું કે આ અરજી સુનાવણી યોગ્ય નથી છે. આ અંગે ચિદમ્બરમ વતી કોર્ટમાં દલીલ કરી રહેલા કપિલ સિબ્બલે કહ્યું કે, જો તે બન્યું હોત તો કોર્ટે તેને ફગાવી દીધી હોત.