તમારા કામનું / શું દરેક વ્યક્તિ ઓપન કરાવી શકે છે જન ધન બેંક એકાઉન્ટ? જાણો યોગ્યતા સાથે ફાયદા

પ્રધાનમંત્રી જન ધન યોજના હેઠળ શહેરથી લઈને ગ્રામીણ વિસ્તારના લાયકાત ધરાવતા લોકોના બેંકખાતા વિવિધ બેંકમાં ખોલવામાં આવ્યા હતા. આ યોજના અંતર્ગત હવે નવા બેંકએકાઉન્ટ કઈ રીતે ઓપન કરવા, તેની લાયકાત અને પ્રક્રિયા શું છે તે અંગે જાણીશું. જો તમે જનધન ખાતું ખોલાવવા માગતા હોય તો તો શું તમે ખાતું ખોલાવવાની યોગ્યતા ધરાવો છો કે કેમ ? કારણ કે દરેક વ્યક્તિ આ યોજનાનો લાભ લઈ શકતી નથી તથા આમાં જોડાવવાથી કયા પ્રકારના ફાયદા મળે છે.

દરેક વ્યક્તિ આ યોજનાનો લાભ લઈ શકતી નથી

કોઈ સરકારી નોકરી ધરાવતા વ્યક્તિ એટલે કે કેન્દ્ર અથવા રાજ્ય સરકારમાં હોય તો તે વ્યક્તિ, સરકારી નોકરીમાંથી રિટાયર્ડ હોય તેવા લોકો, જો તમે ટેક્સ ભરો છો અથવા તમે આર્થિક રીતે સધ્ધર છો તો તમે આ યોજનાનો લાભ લઈ શકતા નથી.

લાયકાત અને લાભ

જેની ઉંમર 10 વર્ષથી વધુ છે તેઓ જન ધન ખાતું ખોલાવી શકે છે, પરંતુ એક વાતનું ખાસ ધ્યાન રાખજો કે વીમાનો લાભ ફક્ત 18થી 59 વર્ષની વચ્ચેની વયના લોકોને મળે છે. આ ખાતાધારકોને એક લાખ રૂપિયાનો દુર્ઘટના વીમો અને મરણ થતાં 30 હજાર રૂપિયાનો જીવન વીમાનો લાભ આપવાની જોગવાઈ કરવામાં આવી છે.

આ પણ વાંચો : UPIમાં 31 જુલાઇ સુધી બેલેન્સ ચેક કરવું આસાન, પછી બદલાઈ જશે ઘણા નિયમ

જનધન ખાતું ખોલવાની પ્રક્રિયા

1 જો તમે આ ખાતું ખોલાવવા લાયકાત ધરાવો છો તો તમારે નજીકની બેંકમાં જવાનું છે. ત્યાં જઈને તમારે સંબધિત કર્મચારી પાસેથી જન ધન ખાતું ખોલાવવાનું ફોર્મ લેવું. આ ફોર્મમાં માગવામાં આવેલી વિગતો ભરી દેવી.

2 આ ભરેલા ફોર્મની સાથે તમારે ઓરિજિનલ ડોક્યુમેન્ટ્સની ઝેરોક્ષ અટેચ કરવાની છે. જેમાં તમે આધાર કાર્ડ અને એડ્રેસપ્રૂફ માટેની કોઈ પણ ઝેરોક્ષ લગાવી શકો છો.

ઓરિજિનલ ડોક્યુમેન્ટ્સ જરૂર સાથે રાખવા કારણ કે સંબંધિત કર્મચારી આ ઓરીજનલ ડોક્યુમેન્ટ્સ જોયા બાદ તમારું ફોર્મ સ્વીકારશે. ત્યારબાદ તમારું જન ધન ખાતું ખૂલી જશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ