ક્રિકેટ જગત / એવાં ચાર ખેલાડીઓ કે જેઓ અત્યાર સુધીમાં રમી ચૂક્યાં છે 400થી વધુ ODI મેચ, જાણો સૌથી મોટો રેકોર્ડ કોના નામે

• સૌથી વધુ વન ડે ઈન્ટરનેશન મેચ રમવાનો રેકોર્ડ કોના નામે?
• આ ખેલાડીઓએ 400થી વધુ વન ડે મેચ રમી
• ટોપ-4માં કયા ખેલાડીઓ શામેલ

ક્રિકેટ જગતમાં સચિન તેંડુલકરના નામે અલગ અલગ રેકોર્ડ નોંધાયેલ છે. સૌથી વધુ વન ડે ઈન્ટરનેશન મેચ રમવાનો રેકોર્ડ કોના નામે છે, તે અંગે અહીંયા જણાવવામાં આવ્યું છે. આ ખેલાડીઓએ 400થી વધુ વન ડે મેચ રમીને ઈતિહાસ રચી દીધો છે. 

સચિન તેંડુલકર- ભારતના પૂર્વ ક્રિકેટર સચિન તેંડુલકરના નામે સૌથી વધુ વન ડે ઈન્ટરનેશન મેચ રમવાનો રેકોર્ડ નોંધાયેલ છે. સચિને તેમના વન ડે કરિઅર દરમિયાન સૌથી વધુ 463 મેચ રમી છે. 463 વન ડે મેચમાં 18,426 રન ફટકાર્યા છે, જેમાં 49 સદી અને 96 અડધી સદી કરી છે. 

મહેલા જયવર્ધને- આ લિસ્ટમાં મહેલા જયવર્ધને બીજા નંબર પર છે. મહેલા જયવર્ધનેએ વન ડે કરિઅરમાં 448 મેચ રમી છે. જયવર્ધનેએ 448 મેચોમાં 12,650 રન ફટકાર્યા છે, જેમાં 19 સદી અને 77 અડધી સદી શામેલ છે.

સનથ જયસૂર્યા- આ લિસ્ટમાં શ્રીલંકાના સનથ જયસૂર્યા ત્રીજા નંબર પર છે. સનથ જયસૂર્યાએ વન ડે કરિઅરમાં 445 મેચ રમી છે. શ્રીલંકાના ક્રિકેટર સનથ જયસૂર્યાએ 445 વનડેની 433 ઇનિંગ્સમાં 270 છગ્ગા ફટકાર્યા હતા.

કુમાર સંગાકારા- આ લિસ્ટમાં કુમાર સંગાકારા ચોથા નંબર પર છે. કુમાર સંગાકારાએ વન ડે કરિઅરમાં 404 મેચ રમી છે. કુમાર સંગાકારાએ 404 વન ડે મેચમાં શ્રીલંકાનું પ્રતિનિધિત્વ કર્યું. જેમાં 25 સદી તેમજ 93 અડધી સદીની મદદથી 14,234 રન ફટકાર્યા છે.