સાવચેતી / શું તમને પણ આવ્યો છે પાર્ટ ટાઈમ જોબનો મેસેજ? તો એલર્ટ, નહીંતર બેંક એકાઉન્ટ થઇ જશે તળિયા ઝાટક

• આ સ્કેમમાં મહિલાઓ અને બેરોજગારોને સૌથી વધુ નિશાન બનાવવામાં આવી રહ્યા છે
• જો તમે વોટ્સએપ ડીપીને સાર્વજનિક કરી દીધું હોય તો તેની પ્રાઈવસી બદલી લેજો
• દરરોજ 2,500 થી 3,000 રૂપિયા કમાવવાની આપે છે લાલચ 

શું તમને પાર્ટ-ટાઈમ જોબ ઓફર કરવાનો દાવો કરતો કોઈ WhatsApp મેસેજ મળ્યો છે? આ પ્રશ્નનો જવાબ ગમે તે હોય, તમારે સાવચેત રહેવાની જરૂર છે. આજકાલ આવા મેસેજ ખૂબ જ ઝડપથી મોકલવામાં આવે છે. આ સંદેશાઓમાં, લોકોને તેમની ઉંમર પૂછવામાં આવે છે, પછી તે પ્રમાણે તેઓ ગોળગોળ વાતોમાં ફસાવવામાં આવે છે.

આ સ્કેમમાં મહિલાઓ અને બેરોજગારોને સૌથી વધુ નિશાન બનાવવામાં આવી રહ્યા છે. ઈન્સ્ટાગ્રામ, ટેલિગ્રામ, યુટ્યુબ, મીશો કે અન્ય કોઈ એપના બહાને આવા મેસેજ મોકલીને છેતરપિંડી કરવામાં આવી રહી છે. સામાન્ય રીતે યુઝર્સને લિંક લાઈક કરવા અથવા પેજને ફોલો કરવાનું કહેવામાં આવે છે. તેના બદલામાં પૈસા આપવાની ઓફર આપવામાં આવે છે.

લિંક લાઇક કરવાના બદલે મોટી કમાણીની લાલચ 
એક જાણીતી ટીવી ચેનલની ટીમના બે લોકોને પણ આવો જ વોટ્સએપ મેસેજ મળ્યો હતો. જેમાં ઈન્સ્ટાગ્રામ પેજને ફોલો કરવાને બદલે પૈસા આપવાનું કહેવામાં આવ્યું હતું. ઓફર કરનારે દાવો કર્યો છે કે આ રીતે દરરોજ 2,500 થી 3,000 રૂપિયા કમાઈ શકાય છે. જોકે અમને આ સ્કેમ વિશે પહેલેથી જ ખબર હતી, તેથી કોઈ નુકસાન થયું નથી. પરંતુ તમારે આવા સંદેશાઓ ટાળવાની જરૂર છે.

ભૂલથી પણ ક્લિક ના કરો આ લિંક 
આ સ્કેમમાં તમને ઘણી લિંક્સ મોકલવામાં આવશે. ભૂલથી પણ તેના પર ક્લિક ન કરો. નોંધનીય બાબત એ છે કે, છેતરપિંડી કરનારાઓ મેસેજની પેટર્ન બદલી શકે છે, પરંતુ તમારે અજાણ્યા નંબરથી આવતી લિંક પર ક્લિક ન કરવું જોઈએ. મહત્વની વાત તો એ છે કે આ દુનિયામાં કંઈ પણ મફતમાં મળતું નથી, આ સ્કેમને બદલે તમારું આખું બેંક ખાતું ખાલી થઈ શકે છે.

છોકરી બનીને કરવામાં આવી રહ્યો છે સ્કેમ 
એવા પણ  કિસ્સાઓ છે જેમાં સ્કેમર્સ છોકરીઓના બનીને વાત કરે  છે. તેના પ્રોફાઈલ ફોટોમાં છોકરીઓની તસવીર રાખે છે. સ્વાભાવિક છે કે, આ ફોટા નકલી છે, કારણ કે કોઈ પણ વ્યક્તિ પોતાની ઓળખ જાહેર કરીને છેતરપિંડી કરશે નહીં. આવી સ્થિતિમાં, જો તમે તમારા વોટ્સએપ ડીપીને સાર્વજનિક કરી દીધું હોય તો તેની પ્રાઈવસી બદલી લેજો. નહિંતર, આ પદ્ધતિ તમારા ફોટોની ચોરી કરીને પણ છેતરપિંડી કરી શકે છે.