જાણવા જેવું / ઓનલાઈન પૈસા ટ્રાન્સફર કરવા પર લાગશે ચાર્જ, SBI સહિત આ બેંકોના ગ્રાહકોને ઝટકો

જો તમે ઇન્ટરનેટ અથવા મોબાઇલ બેંકિંગ દ્વારા પૈસા મોકલો છો, તો તમારા માટે આ મહત્વપૂર્ણ સમાચાર છે. દેશની ઘણી મોટી બેંકોએ હવે તાત્કાલિક ચુકવણી સેવા એટલે કે IMPS પર ચાર્જ લાદવાનો નિર્ણય લીધો છે. IMPS વ્યવહારો કરતી આ બેંકોના ગ્રાહકોએ હવે નિશ્ચિત મર્યાદા અનુસાર ફી ચૂકવવી પડશે. પહેલા મોટાભાગની બેંકો આ સુવિધા સંપૂર્ણપણે મફત પૂરી પાડતી હતી. દેશની સૌથી મોટી સરકારી બેંક, સ્ટેટ બેંક ઓફ ઈન્ડિયા (SBI) એ તેના કરોડો ગ્રાહકોને મોટો ઝટકો આપ્યો છે. વાસ્તવમાં, SBI એ રિટેલ ગ્રાહકો માટે તેના IMPS ટ્રાન્ઝેક્શન ચાર્જમાં ફેરફારની જાહેરાત કરી છે. નવા ફેરફારો 15 ઓગસ્ટ, 2025 થી અમલમાં આવશે.

SBI ના નવા ચાર્જ

૫,૦૦૦ રૂપિયા સુધી - કોઈ શુલ્ક નહીં

૨૫,૦૦૦ થી ૧ લાખ રૂપિયા - ૨ રૂપિયા + GST

૧ લાખ થી ૨ લાખ રૂપિયા – ૬ રૂપિયા + જીએસટી

૨ લાખ રૂપિયાથી ૫ લાખ રૂપિયા - ૧૦ રૂપિયા + જીએસટી

કેનેરા બેંકના નવા ચાર્જ

૧,૦૦૦ રૂપિયા સુધી: કોઈ શુલ્ક નહીં

રૂ 1,000 - રૂ 10,000: રૂ 3 + GST

રૂ. 10,000 – રૂ. 25,000: રૂ 5 + GST

રૂ. 25,000 - રૂ. 1,00,000: રૂ 8 + GST

રૂ 1,00,000 – રૂ 2,00,000: રૂ 15 + GST

રૂ 2,00,000 - રૂ 5,00,000: રૂ 20 + GST

પંજાબ નેશનલ બેંકના નવા ચાર્જ

૧,૦૦૦ રૂપિયા સુધી: કોઈ શુલ્ક નહીં

૧,૦૦૧ થી ૧,૦૦,૦૦૦ રૂપિયા: શાખા તરફથી: ૬ રૂપિયા + GST, ઓનલાઈન: ૫ રૂપિયા + GST

૧,૦૦,૦૦૦ થી વધુ: શાખા તરફથી: ૧૨ રૂપિયા + GST, ઓનલાઈન: ૧૦ રૂપિયા + GST

HDFC બેંકના નવા શુલ્ક (1 ઓગસ્ટ 2025 થી અમલમાં)

૧,૦૦૦ રૂપિયા સુધી: સામાન્ય ગ્રાહકો: ૨.૫૦ રૂપિયા, વરિષ્ઠ નાગરિકો: ૨.૨૫ રૂપિયા

૧,૦૦૦ થી ૧,૦૦,૦૦૦ રૂપિયા: સામાન્ય ગ્રાહકો: ૫ રૂપિયા, વરિષ્ઠ નાગરિકો: ૪.૫૦ રૂપિયા

૧,૦૦,૦૦૦ થી વધુ: સામાન્ય ગ્રાહકો: ૧૫ રૂપિયા, વરિષ્ઠ નાગરિકો: ૧૩.૫૦ રૂપિયા

HDFC બેંક ગોલ્ડ અને પ્લેટિનમ ખાતાધારકોએ કોઈ ચાર્જ ચૂકવવો પડશે નહીં.

વધુમાં વાંચો: ભારતીય વિદ્યાર્થીઓ માટે ખુશખબર, આ દેશમાં મફત ભણતરની સાથે મળશે અનેક સુવિધા

IMPS શું છે?

તમને જણાવી દઈએ કે ઇમિડિયેટ પેમેન્ટ સર્વિસ એટલે કે IMPS એક રીઅલ ટાઇમ પેમેન્ટ સર્વિસ છે. આ સર્વિસ 24 કલાક ઉપલબ્ધ છે. તે નેશનલ પેમેન્ટ્સ કોર્પોરેશન ઓફ ઇન્ડિયા (NPCI) દ્વારા સંચાલિત છે. આ સર્વિસ દ્વારા ગ્રાહકો ગમે ત્યારે તાત્કાલિક પૈસા મોકલી અને પ્રાપ્ત કરી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ