જબરી કરી / OMG! કાર ચલાવતી વખતે ડ્રાઈવરે માથું ખંજોળ્યું તો 33 હજારનો દંડ, AI કેમેરાએ ખેલ કર્યો

• કાર ચલાવતા માથુ ખંજવાળી રહ્યો હતો વ્યક્તિ
• કેમેરામાં જણાયું કે તે ફોન પર વાત કરી રહ્યો છે 
• દંડના વિરોધમાં કારચાલકે કર્યો કોર્ટનો સંપર્ક 

નેધરલેન્ડમાં રહેતા એક વ્યક્તિ સાથે ટ્રાફિક કેમેરાએ મોટો ખેલ કરી દીધો, તે વ્યક્તિ કાર ચલાવી રહ્યો હતો અને કેમેરાએ તેનો ફોટો કેપ્ચર કર્યો ત્યારે તે માથું ખંજવાળતો હતો , પરંતુ જણાયું એવું કે તે ફોન પર વાત કરી રહ્યો છે  તે વ્યક્તિને લગભગ 33 હજાર રૂપિયાનો દંડ ફટકારવામાં આવ્યો છે.

માત્ર કાર ખરીદવી એ મોટી વાત નથી, પરંતુ તેને રસ્તા પર યોગ્ય રીતે ચલાવવી એ પણ એક મોટી જવાબદારી છે. જો સાવધાનીથી વાહન ચલાવવામાં ન આવે તો અકસ્માત થવાની સંભાવના રહે છે. તેનાથી બચવા માટે ટ્રાફિક સંબંધિત નિયમોનું પાલન કરવું જરૂરી છે, જેમ કે ડ્રાઇવિંગ કરતી વખતે સીટ બેલ્ટ પહેરવો, ફોન પર વાત ન કરવી વગેરે. જો કે હવે ઘણી જગ્યાઓ પર કેમેરા લગાવવામાં આવ્યા છે, જે ટ્રાફિકના નિયમો તોડનારાઓને રેકોર્ડ કરે છે અને પછી તેમના ઘરે ચલણ મોકલવામાં આવે છે, પરંતુ આનાથી સંબંધિત એક એવો કિસ્સો આ દિવસોમાં વાયરલ થઈ રહ્યો છે, જેણે લોકોને આશ્ચર્યમાં મુકી દીધા છે 

AI-સંચાલિત કેમેરામાં રેકોર્ડિંગ

આ ઘટનામાં કારચાલક પોતાની કાર ચલાવી રહ્યો હતો અને આ દરમિયાન તેણે માથું ખંજવાળ્યું, કેમેરામાં જણાયું કે તે ફોન પર વાત કરી રહ્યો છે અને  તેને 400 ડોલર એટલે કે લગભગ 33 હજાર રૂપિયાનો દંડ ફટકારવામાં આવ્યો. વાસ્તવમાં, ડ્રાઇવિંગ કરતી વખતે, તે AI-સંચાલિત કેમેરામાં રેકોર્ડ કરવામાં આવ્યો હતો, જેનાથી એવું લાગતું હતું કે તે ફોન પર વાત કરી રહ્યો હતો, પરંતુ આ કિસ્સામાં, વ્યક્તિનો દાવો છે કે તે માત્ર માથું ખંજવાળતો હતો, ફોન પર વાત કરી રહ્યો ન હતો. તેમનો દાવો છે કે સિસ્ટમે ભૂલ કરી છે.

આ પણ વાંચોઃ  27 વર્ષના છોકરાએ 3 વર્ષમાં ઉભી કરી દીધી 9840 કરોડની કંપની, બિલિયનરની લિસ્ટમાં સામેલ દેશનો આ યંગસ્ટર્સ

દંડનું ચલણ જારી કરવામાં આવ્યું 

ઓડિટી સેન્ટ્રલ નામની વેબસાઈટના રિપોર્ટ અનુસાર આ ઘટના ગયા વર્ષે નવેમ્બરમાં બની હતી. ટિમ હેન્સન નામની વ્યક્તિ એ જોઈને ચોંકી ગઈ હતી કે તેને ડ્રાઈવિંગ દરમિયાન મોબાઈલ ફોન પર કથિત રીતે વાત કરવા બદલ દંડનું ચલણ જારી કરવામાં આવ્યું હતું. તેણે કહ્યું કે જ્યાં સુધી તેને યાદ છે, તે દિવસે ડ્રાઇવિંગ કરતી વખતે તેણે તેના ફોનનો ઉપયોગ કર્યો ન હતો. તેથી, તેણે વાંધાજનક ફોટાની તપાસ કરાવવા માટે સેન્ટ્રલ જ્યુડિશિયલ કલેક્શન એજન્સી પર દાવો કર્યો.

કોર્ટના ચૂકાદા માટે 26 સપ્તાહ રાહ જોવી પડશે 

રિપોર્ટ્સ અનુસાર, પહેલી નજરે એવું લાગતું હતું કે તે ફોન પર વાત કરી રહ્યો હતો, પરંતુ નજીકથી તપાસ કરવા પર ખબર પડી કે તેના હાથમાં ખરેખર કંઈ નથી. તે માત્ર માથું ખંજવાળતો હતો અને કેમેરાએ તેની ક્રિયા કેદ કરી લીધી કારણ કે તેને લાગ્યું કે તે ફોન પર વાત કરી રહ્યો છે. આવી સ્થિતિમાં, વ્યક્તિએ દંડનો વિરોધ કર્યો છે અને કોર્ટનો સંપર્ક કર્યો છે, પરંતુ નિર્ણય માટે તેણે 26 અઠવાડિયા સુધી રાહ જોવી પડશે. જોકે, ટિમને આશા છે કે નિર્ણય તેની તરફેણમાં આવશે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો