કામની વાત / હવે મજૂરોને પણ મળશે પેન્શન! જાણો શું છે કેન્દ્ર સરકારની આ ફાયદાકારક યોજના

PM Shram Yogi Mandhan Yojana: ભારતમાં મોટી સંખ્યામાં એવા લોકો છે જેમનું ભવિષ્ય તેમની વર્તમાન આવકના આધારે નક્કી થાય છે. આવા લોકો માટે સરકારે 2019 માં પ્રધાનમંત્રી શ્રમ યોગી માનધન યોજના શરૂ કરી. આ યોજના દ્વારા કામદારોને દર મહિને 3000 રૂપિયા સુધીનું પેન્શન આપવામાં આવે છે. આ યોજના માટે કામદારોએ દર મહિને અંશદાન જમા કરાવવાનો હોય છે. સરકાર પણ કામદારો દ્વારા આપવામાં આવતા યોગદાન જેટલી જ રકમનું યોગદાન આપે છે.

કેન્દ્ર સરકાર વિવિધ વર્ગના લોકો માટે કલ્યાણકારી યોજનાઓ ચલાવે છે. દેશભરના અસંગઠિત મજૂરો માટે એક મોટા સારા સમાચાર છે. ભારતમાં મોટી સંખ્યામાં એવા લોકો છે જેમનું ભવિષ્ય તેમની વર્તમાન આવકના આધારે નક્કી થાય છે. આવા લોકો માટે, સરકારે 2019 માં પ્રધાનમંત્રી શ્રમ યોગી માનધન યોજના શરૂ કરી. આ યોજના દ્વારા કામદારોને દર મહિને પેન્શન આપવામાં આવે છે. અહીં અમે તમને જણાવીશું કે આ યોજનાનો લાભ કયા મજૂરોને મળશે અને આ યોજના માટે કેવી રીતે અરજી કરવી.

તમને 3000 રૂપિયા સુધીનું પેન્શન મળશે

પ્રધાનમંત્રી શ્રમ યોગી માનધન યોજનાનો લાભ મુખ્યત્વે દેશમાં અસંગઠિત ક્ષેત્રમાં કામ કરતા મજૂરોને મળે છે. આ યોજના દ્વારા કામદારોને દર મહિને 3000 રૂપિયા સુધીનું પેન્શન આપવામાં આવે છે. આ યોજના માટે કામદારોએ દર મહિને ફાળો જમા કરાવવાનો રહે છે. સરકાર પણ કામદારો દ્વારા આપવામાં આવતા યોગદાન જેટલી જ રકમનું યોગદાન આપે છે.

કોને મળશે લાભ

પ્રધાનમંત્રી શ્રમ યોગી માનધન યોજનાનો લાભ મુખ્યત્વે દુકાનદારો, રિક્ષાચાલકો, મોચી, દરજી, ધોબી અને વાળંદ જેવા વ્યવસાયોમાં કામ કરતા લોકોને મળશે. તમને જણાવી દઈએ કે યોજનાનો લાભ મેળવવા માટેની વય મર્યાદા 18 થી 40 વર્ષ નક્કી કરવામાં આવી છે. આ યોજનામાં ઓછામાં ઓછા 20 વર્ષ માટે ફાળો જમા કરાવવો પડશે. કરેલા રોકાણના આધારે લોકોને 60 વર્ષની ઉંમર પૂર્ણ કર્યા પછી દર મહિને પેન્શન આપવામાં આવે છે.

આ પણ વાંચોઃ જાણવા જેવું / ભારતના આ વિસ્તારોમાં છે સૌથી વધારે ધરતીકંપનો ખતરો, જાણો ભૂકંપ આવે તો શું કરવું?

કેવી રીતે અરજી કરવી?

પ્રધાનમંત્રી શ્રમ યોગી માનધન યોજના માટે અરજી કરવા માટે તમારે તમારા નજીકના કોમન સર્વિસ સેન્ટર (CSS) પર જવું પડશે. આ યોજના માટે અરજી ફક્ત કોમન સર્વિસ સેન્ટરમાં જઈને જ કરી શકાય છે. અરજી કરવા માટે લોકોએ આધાર કાર્ડ, પાન કાર્ડ અને બેંક ખાતાની પાસબુક અથવા ચેકબુક જેવા જરૂરી દસ્તાવેજો સાથે રાખવા પડશે. અરજી સફળ થયા પછી તમને શ્રમ યોગી કાર્ડ આપવામાં આવશે. યાદ રાખો દર મહિને યોજના માટેની નિશ્ચિત રકમ તમારા બેંક ખાતામાંથી કાપવામાં આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ