- ચાર વર્ષનો ગ્રેજ્યુએટ કોર્સ તૈયાર કરવામાં આવ્યો
- આ વિદ્યાર્થીઓ તેમની મરજી પ્રમાણે કરી શકે છે કોર્સ
- આ નવા સત્રથી શરૂ થશે આ કોર્સ
ચાર વર્ષના અંડરગ્રેજ્યુએટ કોર્સ (FYUP)ની નવી રૂપરેખા તૈયાર કરવામાં આવી છે અને એ 12મી ડિસેમ્બરે એટલે કે સોમવારે રિલીઝ કરવામાં આવશે અને આ પછી શૈક્ષણિક સત્ર 2023-24થી દરેક યુનવર્સિટીમાં 4-વર્ષના અંડરગ્રેજ્યુએટ અભ્યાસક્રમો (BA, B.Com, B.Sc.) વગેરેમાં રજીસ્ટ્રેશન શરૂ થશે. જણાવી દઈએ કે યુજીસીએ 4 વર્ષના અંડરગ્રેજ્યુએટ કોર્સ માટે તમામ જરૂરી નિયમો અને માર્ગદર્શિકા તૈયાર કરી છે અને સોમવારે આ 4-વર્ષના અંડરગ્રેજ્યુએટ કોર્સ માટેના આ નિયમો દેશની તમામ યુનિવર્સિટીઓ સાથે શેર કરવામાં આવશે.
ચાર વર્ષનો ગ્રેજ્યુએટ કોર્સ તૈયાર કરવામાં આવ્યો
દેશભરની કેન્દ્રીય યુનિવર્સિટીઓમાં આવનાર સત્રથી 4 વર્ષના અંડરગ્રેજ્યુએટ કોર્સ લાગુ કરવામાં આવશે આ સાથે જ કેન્દ્રીય યુનિવર્સિટીઓ મોટાભાગની રાજ્ય અને ખાનગી યુનિવર્સિટીઓ પણ 4 વર્ષના અંડરગ્રેજ્યુએટ કોર્ષ લાગુ કરશે. આ સિવાય દેશભરની 'ડીમ્ડ ટુ બી યુનિવર્સિટીઝ' પણ આ 4 વર્ષના અંડરગ્રેજ્યુએટ પ્રોગ્રામને લાગુ કરવા માટે સહમતી આપવામાં આવશે. UGCના અધ્યક્ષ પ્રોફેસર એમ જગદીશ કુમારના જણાવ્યા અનુસાર 2023-24થી જ્યાં તમામ નવા વિદ્યાર્થીઓ પાસે ચાર વર્ષના અંડરગ્રેજ્યુએટ કોર્સનો વિકલ્પ હશે અને આ સાથે જ જૂના વિદ્યાર્થીઓ માટે પણ 4 વર્ષના અંડરગ્રેજ્યુએટ કોર્સની સ્કીમને મંજૂરી મળી શકે છે.
વિદ્યાર્થીઓ તેમની મરજી પ્રમાણે કરી શકે છે કોર્સ
એટલે કે તેનો સીધો અર્થ એ છે કે જે વિદ્યાર્થીઓએ આ વર્ષે ત્રણ વર્ષના અંડરગ્રેજ્યુએટ કોર્ષમાં પ્રવેશ લીધો છે એમને પણ આવતા સત્રમાં ચાર વર્ષના ડિગ્રી પ્રોગ્રામમાં જોડાવાની તક મળી શકે છે. આ સાથે જ યુનિવર્સિટી ગ્રાન્ટ્સ કમિશન અનુસાર તમામ વિદ્યાર્થીઓ માટે 4 વર્ષનો અંડરગ્રેજ્યુએટ કોર્સનો જ કરવો પડશે. હાલણઆ વિદ્યાર્થીઓને આ કોર્સમાં પ્રવેશ માટે ફરજ પાડવામાં આવશે નહીં જો વિદ્યાર્થીઓ ઈચ્છે તો પહેલાથી જ ચાલી રહેલા 3-વર્ષના અંડરગ્રેજ્યુએટ અભ્યાસક્રમો ચાલુ રાખી શકે છે.
આ નવા સત્રથી શરૂ થશે આ કોર્સ
પ્રોફેસર જગદીશ કુમારના જણાવ્યા અનુસાર યુનિવર્સિટીઓમાં પહેલાથી નોંધાયેલા વિદ્યાર્થીઓને પણ 4-વર્ષના અંડરગ્રેજ્યુએટ કોર્સનો ભાગ બનવાની તક મળશે. આવા વિદ્યાર્થીઓ કે જેઓ પ્રથમ કે બીજા વર્ષમાં છે, તેઓ ઈચ્છે તો તેમને 4 વર્ષના અંડરગ્રેજ્યુએટ કોર્સનો વિકલ્પ પણ પ્રદાન કરી શકાય છે. જો કે, તે આવતા વર્ષે એટલે કે 2023-24થી શરૂ થતા નવા સત્રથી જ શરૂ થશે.
