લસણનો ઉપયોગ વિવિધ વાનગીઓમાં થાય છે. તેનાથી વાનગી સ્વાદિષ્ટ બને છે. પરંતુ કેટલીકવાર ખાવાનું બનાવતી વખતે લસણ ફોલવું કંટાળાજનક લાગે છે. કેમ કે તે કામ જલ્દી જલ્દી પુરુ નથી થતું સાથે નખના ભાગે બળે પણ છે. પરંતુ આજે અમે તમને એવી ટ્રિક વિશે જણાવીશું જેનાથી તમને હાથમાં બળશે પણ નહીં અને જલ્દી લસણ પણ ફોલાઈ જશે.
લસણને ફટાફટ ફોલવા માટે આ છે કામની ટિપ્સ
- સૌ પહેલા તો તમારે જેટલું લસણ ફોલવું છે તેને એક કઢાઈમાં લો. હવે ગેસ ચાલુ કરીને આ લસણને થોડું શેકી લો.
- હવે તે થોડું શેકાઈ જાય એટલે ગેસ બંધ કરી લો અને તેને ઠંડું થવા દો. તે ઠંડુ થશે ત્યારે તેના છોતરા સરળતાથી ઉતારી શકાશે.
- આ સિવાય તમે લસણને 10 મિનિટ માટે પાણીમાં પલાળીને પણ રાખી શકો છો. આ પછી તેના છોતરા ફટાફટ ઉતરી જશે.
- લસણના છોતરા હટાવવા માટે કોઈ વાસણમાં 5-10 મિનિટ માટે તેને ઢાંકીને રાખો અને પછી આ વાસણને જોર જોરથી હલાવો. લસણ ઝડપથી ફોલાઈ જશે.
- લસણને ક્રશ કરીને પણ સરળતાથી ફોલી શકાય છે. તેના માટે તમે વેલણની મદદ લઈ શકો છો. વેલણની મદદથી લસણને થોડું દબાવી લો અને પછી તેને ફોલવાની કોશિશ કરો. તમારું કામ ઝડપથી થઈ જશે.
- લસણને ગરમ કરીને તેને ફોલવામાં સરળતા રહે છે. આ માટે તમે માઈક્રોવેવની મદદ પણ લઈ શકો છો. માઈક્રોવેવમાં 30 સેકંડ માટે તેને રાખ્યા બાદ તેને ફોલી લો. તમારું કામ સરળ બની જશે.
