પ્રયત્નો ફળ્યા / સાબરકાંઠાવાસીઓ માટે આનંદના સમાચાર, ખેડબ્રહ્માથી અંબાજી માટે નવી રેલવે લાઈનને મંજૂરી

સાબરકાંઠા જિલ્લાવાસીઓ માટે આનંદના સમાચાર છે. ખેડબ્રહ્મા-હડાદ-અંબાજી રેલવે લાઇનને લઇને લોકસભા સાંસદ શોભનાબેન બારૈયાએ કરેલા પ્રયાસ રંગ લાવ્યા છે. ખેડબ્રહ્મા નાના અંબાજીથી મોટા અંબાજી સુધીની રેલવે લાઇન માટે રૂપિયા1.15 કરોડ મંજુર થયા છે. આ પ્રોજેક્ટ અંતર્ગત લગભગ 46 કિલોમીટરનો રેલવે ટ્રેક તૈયાર થશે. 46 કિલોમીટરના આ રેલવે ટ્રેકથી ઉત્તર ગુજરાતને મોટો ફાયદો થશે.

શોભનાબેન બારૈયાએ રેલેવ મંત્રી અશ્વીની વૈષ્ણવ સમક્ષ રજુઆત કરી હતી. આ રજુઆતના પગલે કેન્દ્ર સરકારે ફાઇલ લોકેશન સર્વે અને વિગતવાર પ્રોજેક્ટ રિપોર્ટ માટે 1.15 કરોડ રૂપિયા મંજુર કર્યા છે.

હવે રેલેવે લાઇનના નક્શા અને સ્થળ સ્થિતિનો સર્વે કરવામાં આવશે. નવો DPR તૈયાર કરવામાં આવશે. અને વિગતવાર ખર્ચનો અહેવાલ તૈયાર કરી રેલવે વિભાગને મોકલી આપવામાં આવશે.

આ પણ વાંચોઃ તો હું MLA પદેથી રાજીનામું...' ગોપાલ ઈટાલિયા સામે વધુ એક ધારાસભ્યએ બાંયો ચઢાવી

આ રેલવે લાઇનથી સાબરકાંઠા અને અરવલ્લીના મુસાફરોને તો લાભ થશેજ સાથે દિલ્હી અને આબુરોડ તરફ જતા મુસાફરોને પણ લાભ થશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ