- યુક્રેનનીર રાજધણી કિવમાં બોમ્બરો
- યુદ્ધની વચ્ચે જન્મ્યું આશાનું કિરણ
- 23 વર્ષની યુવતીએ આપ્યો બાળકીને જન્મ
યુક્રેનની રાજધાની કિવમાં એક તરફ બોમ્બમારો થઈ રહ્યો હતો તો બીજી તરફ એક યુવતીને અચાનક લેબર પેઇન ઉપડ્યું હતું. એક તરફ દહેશતની વચ્ચે આ યુવતીએ એક બાળકીને જન્મ આપ્યો હતો. આ બાળકીને હાલ યુદ્ધગ્રસ્ત દેશમાં આશાનું કિરણ માનવામાં આવી રહી છે.
'આશાનું કિરણ'
રશિયાએ યુક્રેન પર હુમલો કરવાનું ચાલુ રાખ્યું છે અને સામાન્ય નાગરિકો પણ ખૂબ મોટી સમસ્યાઓનો સમનો કરી રહ્યા છે. કેટલાય લોકો દેશ છોડીને ભાગ્યા છે તો કેટલાય લોકો બંકરોમાં પુરાઈ રહ્યા છે. પણ આ તમામની વચ્ચે એક યુવતીએ બાળકીને જન્મ આપ્યો હતો. 23 વર્ષની આ ગર્ભવતી યુવતીને પ્રસવની પીડા શરૂ થતાં જ અસામાન્ય સ્થિતિઓની વચ્ચે તેણીએ બાળકને જન્મ આપ્યો હતો.
યુક્રેનના વિદેશ મંત્રાલયે કરી ટ્વિટ
યુક્રેનના વિદેશ મંત્રાલય દ્વારા શનિવારે આ સમાચાર આપવામાં આવ્યા હતા. ટ્વિટરના માધ્યમથી તેમણે દુનિયાને આ સમાચાર આપ્યા હતા. આ યુવતી અંડરગ્રાઉન્ડ મેટ્રો સ્ટેશનમાં શરણ લીધેલી હતી. તેને પ્રસવની પીડા ઊપડતાં તેને પોલીસ અધિકારીઓની મદદથી ડિલિવરી કરવામાં આવી હતી. હાલ માતા અને બાળક મિયા બંને સ્વસ્થ હોવાની જાણકારી આપવામાં આવી હતી.
યુદ્ધ રોજ ભયાનક સ્વરૂપ લઈ રહ્યું છે
રશિયા અને યુક્રેન વચ્ચે હવે યુદ્ધ વધારે ભયંકર બની ગયું છે. રશિયાની સેનાએ યુક્રેનના મોટા શહેર ખાર્કીવમાં ઘુસીને ત્યાની ગેસની પાઈપલાઈનને બોમ્બથી ઉડાવી દીધી છે. આ મામલે યુક્રેનના રાષ્ટ્રપતિ કાર્યાલયથી માહિતી મેળવવામાં આવી છે. રાજધાની કિવ સહિત ઘણા બધા શહેરોમાં રશિયાની સેના દ્વારા કાર્યવાહી કરવામાં આવી રહી છે.
એવી માહિતી સામે આવી છે કે યુક્રેનમાં અત્યાર સુધીમાં 200 લોકોના મોત થયા છે. જ્યારે યુક્રેને પણ એવો દાવો કર્યો છે કે રશિયાના પણ ઘણા સૈનિકો આ યુદ્ધમાં માર્યા ગયા છે. ગેસ પાઈપલાઈન ઉડાવ્યા બાદ સ્ટેટ સર્વિસ ઓફ સ્પેશિયલ કોંમ્યુનિકેશન એંન્ડ ઈન્ફોર્મેશન પ્રોટેકશન દ્વારા કહેવામાં આવ્યું કે આને કારણે પર્યાવરણને ભારે નુકસાન થઈ શકે છે.
કીવમાં રશિયા અને યુક્રેનની સેના સામસામે
આપને જણાવી દઈએ રશિયાની સેના કીવ પર કબ્જો જમાવાની તૈયારી કરી રહી છે. જેથી કીવમાં સોમવાર સવાર સુધી કર્ફ્યું લગાવી દેવામાં આવ્યો છે. સાથેજ લોકોને તેમના ઘરમાં રહેવા માટે જ સૂચના આપવામાં આવી છે. કારણકે રશિયન સેના કિવમાં ઘુસીને યુદ્ધ કરી રહી છે. જેમા સામાન્ય લોકોને પણ નુકશાન તો થઈજ રહ્યું છે.
યુક્રેનમાં મોટા પ્રમાણમાં નુકશાન
ઉલ્લેખનીય છે કે શનિવારની સાંજે કીવના મધ્ય ભાગમાં શાતિ હતી. જોકે આ યુદ્ધને કારણે કિવમાં રહેતા લોકો ઘણા ભયમાં જીવી રહ્યા છે. રશિયાના હુમલાને કારણે પુલ, સ્કૂલ અને એપાર્ટમેન્ટોમાં ભારે નુકશાન થયું છે.
