વાયરલ / VIDEO : લગ્નમાં જિલ્લા પ્રમુખ આશીર્વાદ આપવા પહોંચ્યા ને સ્ટેજ તૂટી પડ્યું, વરરાજા સહિત બધા ગબડી પડ્યા

ઉત્તર પ્રદેશના બલિયા જિલ્લામાં યોજાયેલા એક ભવ્ય લગ્ન રિસેપ્શનમાં થયું મોટો હાસ્યાસ્પદ ઘટનાક્રમ હવે સોશિયલ મીડિયા પર વાયરલ થઈ રહ્યો છે. બલિયા નગરપાલિકા વિસ્તારના રામલીલા મેદાનમાં બુધવારે રાત્રે રિસેપ્શનનું આયોજન કરાયું હતું, જ્યાં દુલ્હા–દુલ્હન સ્ટેજ પર શાનથી બેઠા મહેમાનોનું સ્વાગત કરતા હતા. આ રિસેપ્શન સ્થાનિક નેતા ના ભાઈનું હતું, તેથી જિલ્લાના અગત્યના રાજનેતાઓ પણ મોટા પ્રમાણમાં હાજર રહ્યા હતા.

સ્ટેજ પર દુલ્હા–દુલ્હનને આશીર્વાદ આપવા માટે જિલ્લામાં વિવિધ રાજકીય હોદ્દેદાર—જિલ્લા અધ્યક્ષ, પૂર્વ જિલ્લામહામંત્રી સહિત અનેક લોકો સ્ટેજ પર ચઢ્યા. આ દરમિયાન સ્ટેજ પર તોળાઈ રહેલું વજન કદાચ તેની ક્ષમતાથી વધારે થઈ ગયું હતું. વીડિયોમાં સ્પષ્ટ દેખાય છે કે દુલ્હાએ નમન કરી આશીર્વાદ લીધા બાદ જ્યારે બધા ફોટા માટે પાછળ ગયા ત્યારે અચાનક એક જ પળમાં ધડામ કરીને આખું સ્ટેજ ધડાધડ તૂટી પડ્યું હતુંં.

લોકો, નેતાઓ, દુલ્હા–દુલ્હન, કાર્યકરો એક સાથે નીચે પડતાં દ્રશ્યે પહેલા થોડું નિષ્કળંક મૌન પેદા થયું, ત્યારબાદ ચારે તરફથી લોકો દોડી આવ્યા અને ઝડપથી સૌને ઊભા કરવામાં આવ્યા. સદભાગ્યે આ ઘટનામાં કોઈને ગંભીર ઇજા થવાની નોબત આવી નહીં. દુલ્હા–દુલ્હનને પણ માત્ર નાનાં ઝટકાં અને ડરનો અનુભવ થયો પરંતુ તેમની સલામતી નિશ્ચિત થતા થોડા જ સમયમાં સમગ્ર વાતાવરણ ફરીથી સામાન્ય થઈ ગયું અને કાર્યક્રમ યથાવત ચાલુ રહ્યો.

જિલ્લાધ્યક્ષે બાદમાં સ્પષ્ટતા કરી કે સ્ટેજ પહેલેથી જ થોડું નબળું બનાવવામાં આવ્યું હતું અને એકસાથે ઘણા લોકો ચઢી ગયા હોવાથી ભાર ઝેલી શક્યું નહીં. લોકોએ પણ કહ્યું કે આ ઘટના અચાનક થયેલી હતી એટલે થોડી સેકન્ડ માટે ભય ફેલાયો હતો, પરંતુ બાદમાં સ્થિતિ સ્થિર થઈ ગઈ.

વધુ વાંચો : VIDEO : લગ્નના ફોટોશૂટમાં બાળક અચાનક આવ્યો વચ્ચે, વરરાજાએ ચોંટાડી દીધો લાફો, વીડિયો વાયરલ

વીડિયો પર નેટિઝન્સે મોજભરી પ્રતિક્રિયાઓ આપી છે. કોઈએ તેને 'ઓવરલોડેડ સ્ટેજ થિયરી' કહી તો કોઈએ મજાકમાં લખ્યું, આશીર્વાદના ભારમાં સ્ટેજ પણ ન બચી શક્યું. બીજી તરફ ઘણા યુઝર્સે એ સલાહ આપી કે લગ્નોનું આયોજન કરતી વખતે સ્ટેજની મજબૂતાઈ અને ક્ષમતા તરફ ખાસ ધ્યાન રાખવું જરૂરી છે. સમગ્ર ઘટનાક્રમે ફરી એકવાર સાબિત કર્યું કે ભારતમાં લગ્ન કે હોય તો થોડી મજાક, થોડી નવાઈ અને ઘણા વાયરલ ક્ષણો વગર પૂરાં થવાના નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ