વાહ / VIDEO: દોઢ કરોડથી વધારે લોકોએ જોયો! કંપનીએ એવી દિવાળી ગિફ્ટ આપી કે વીડિયો વાયરલ

દિવાળીની સિઝન આવતા જ સોશિયલ મીડિયા પર એક વીડિયો ધૂમ મચાવી રહ્યો છે. વીડિયોમાં એક કંપનીના ઓફિસમાં દરેક કર્મચારીની ડેસ્ક પર ગિફ્ટ રાખેલા દેખાય છે — અને આ જ વીડિયોએ ઈન્ટરનેટ પર ધમાલ મચાવી છે. આ વીડિયો એક ઓફિસની અંદરનો છે, જ્યાં દરેક ડેસ્ક પર એક મોટો ટ્રોલી બેગ અને સાથે એક ગિફ્ટ બોક્સ રાખેલો દેખાય છે. એવું લાગે છે કે આ ગિફ્ટ્સ રાત્રે જ સજાવી રાખવામાં આવ્યા છે જેથી સવારે કર્મચારી ઓફિસ પહોંચે ત્યારે સરપ્રાઈઝ મળે. વીડિયો જોઈને સ્પષ્ટ થાય છે કે કંપનીએ આ વખતે કર્મચારીઓને ખુશ કરવા માટે ખરેખર ખાસ તૈયારી કરી છે.

View this post on Instagram

A post shared by Arushi Singh (@itsmeee_arushi)

આ વીડિયો Instagram પર itsmeee_arushi નામના અકાઉન્ટ પરથી પોસ્ટ થયો છે. આ વીડિયો 14.9 મિલિયનથી વધુ વ્યૂઝ મેળવી ચૂક્યો છે. હવે તો લોકોની કમેન્ટ્સ જ ન્યૂઝ બની ગયા છે. એક યુઝરે લખ્યું, ભાઈ બસ કંપનીનું નામ કહી દે, હવે તો જ્વાઈન કરીને જ રહીશ. બીજાએ પૂછ્યું. વેકન્સી હોય તો જણાવજો યાર. ત્રીજા યુઝરે લખ્યું, કઈ કંપની છે? મારે પણ કામ કરવું છે ત્યાં. એક એક યુવતીએ લખ્યું, દિદી, રેફરન્સ આપશો? તો કેટલાક મજાકમાં લખી રહ્યા છે, મારો મેનેજર આ વીડિયો જોઈને બોલ્યો કે આ બધું AI છે.

વધુ વાંચો: '...તો આખેઆખું પાકિસ્તાન તબાહ થઈ જાત' ઓપરેશન સિંદૂર પર ચોંકાવનારો ખુલાસો

દિવાળીની પરંપરા અને કંપનીઓનો ઉત્સાહ

દર વર્ષે દિવાળી પર ઘણી કંપનીઓ પોતાના કર્મચારીઓને ગિફ્ટ આપે છે — ક્યાંક મીઠાઈના ડબ્બા, ક્યાંક કેશ બોનસ, તો ક્યાંક ગિફ્ટ કાર્ડ. પણ આ કંપનીએ જે રીતે કર્મચારીઓને સરપ્રાઈઝ આપ્યું છે તેનાથી બીજા લોકો પણ બોલી ઉઠ્યા છે, કંપની છે ક્યાં? એપ્લાય તો કરીએ!

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ