બિહાર / VIDEO : પાટા પર સુઈ ગઈ બે મહિલાઓ, ઉપરથી પસાર થઈ ગઈ માલગાડી, હૈયું કંપી જાય તેવો વીડિયો

'રામ રાખે તેને કોણ ચાખે', કહેવત વધુ એક વાર સાચી પડી છે. બિહારના બેગુસરાય રેલ્વે સ્ટેશન પર બે મહિલાઓ ઉપરથી એક ટ્રેન પસાર થઈ ગઈ, પરંતુ તેમને એક પણ ઘસરકો પણ ન લાગ્યો. તેનો વીડિયો સોશિયલ મીડિયા પર પણ વાયરલ થઈ રહ્યો છે. આ ઘટના દરમિયાન ત્યાં હાજર ડઝનબંધ લોકોના શ્વાસ અધ્ધર થઈ ગયા. પરંતુ જ્યારે તેમણે બંને મહિલાઓને જીવતી જોઈ, ત્યારે બધા ખુશીથી ઉછળી પડ્યા.

પુલને બદલે પાટો ક્રોસ કરતાં જ આવી માલગાડી

આ ઘટના મંગળવારે બની હતી. એક મહિલા અને એક યુવતી રાજ્યરાણી એક્સપ્રેસ પકડવા માટે બેગુસરાય રેલ્વે સ્ટેશન પર પહોંચ્યા હતા. તેમને પ્લેટફોર્મ નંબર એકથી બે સુધી જવું પડ્યું. ઉતાવળમાં, બંને પુલ પરથી જવાને બદલે રેલ્વે ટ્રેક પરથી બીજા પ્લેટફોર્મ પર જવા લાગ્યા. એક માલગાડી પહેલાથી જ ટ્રેક પર ઉભી હતી. બંનેએ ટ્રેક નીચે જઈને ટ્રેક ક્રોસ કરવાનું શરૂ કર્યું. પછી માલગાડીને લીલો સિગ્નલ મળ્યો અને તે આગળ વધવા લાગી.

જવાને બૂમ પાડી- ગાડી આવે છે પાટા પર સુઈ જાવ

આ જોઈને, પ્લેટફોર્મ નંબર એક પર તૈનાત સૈનિકે તરત જ બંને મહિલાઓને તરત પાટા પર સુઈ જવાનું

બોલાવી. સૈનિકે તેમને એક જ જગ્યાએ સૂવા કહ્યું. બંને મહિલાઓ પાટા પર સૂઈ ગઈ. આ પછી, માલગાડી તેમના પરથી પસાર થઈ ગઈ. આ દરમિયાન, બેગુસરાય સ્ટેશન પર અંધાધૂંધી મચી ગઈ. બંને બાજુ મુસાફરોની ભીડ એકઠી થઈ ગઈ. જ્યારે માલગાડી ત્યાંથી પસાર થઈ, ત્યારે બંને મહિલાઓ તેમની જગ્યાએથી ઊભી થઈ ગઈ. લોકો તેમને જીવતા જોઈને ખૂબ ખુશ થયા.

વધુ વાંચો : દરોડા વખતે પોલીસમાં હાથમાં આવ્યાં યુવતીના અંડરગારમેન્ટ્સ-સેક્સ ટોય, પછી કર્યું ચોંકાવનારુ

પાટો ક્રોસ ન કરો, પુલનો ઉપયોગ કરો

સ્ટેશન પર મુસાફરોને માઈક દ્વારા સતત સૂચના આપવામાં આવી રહી હતી કે તેઓ રેલ્વે ટ્રેક પર ન ઉતરે. મુસાફરોને પુલનો ઉપયોગ કરીને ટ્રેક પાર કરવા માટે સતત અપીલ કરવામાં આવી રહી હતી. તેમ છતાં, આ ઘટના બની. આ સમાચાર મળ્યા બાદ રેલ્વે અધિકારીઓમાં ગભરાટ ફેલાયો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ