નેશનલ / VIDEO : એક્ઝોસ્ટ ફેનના હોલમાં ફસાયો ચોર, પોલીસે આવી રીતે બહાર કાઢ્યો, વીડિયો વાયરલ

Rajasthan News: રાજસ્થાનના કોટામાં એક ઘરમાંથી ચોરી કરવાનો ચોરનો પ્રયાસ તેના માટે મોંઘો સાબિત થયો. ચોરી કરવા ઘરમાં ઘૂસ્યો પરંતુ જે જગ્યાએ તે પ્રવેશ્યો તે જ જગ્યાએ તેના માટે સમસ્યારૂપ બની જતા તે ફસાઇ ગયો હતો. એક્ઝોસ્ટ પંખાની જગ્યામાં એવી રીતે ફસાઇ ગયો કે નીકળી શક્યો ન હતો.

કોટામાં એક ઘરમાં ચોરી કરવાનો તસ્કરનો મનસુબો અધુરી રહી ગયો છે એટલુ જ નહી ચોરી કરવા ઘરમાં ઘુસવા જતા તેનો કિમિયો મુસીબત બની ગયો છે. એક્ઝોસ્ટ પંખામાં કાણાએ ઘરમાંથી લાખો રૂપિયાની ચોરી કરવાની ચોરની યોજના પર પાણી ફેરવી દીધુ છે. ચોર ઘરમાં ઘુસવા જતા કાણામાં ફસાઈ ગયો, નીકળી શક્યો નહીં. બાદમાં પરિવારના સભ્યોએ પોલીસને ફોન કરીને તેને કાણામાંથી બહાર કાઢ્યો હતો. હવે આ અસામાન્ય ચોરીની ઘટના સોશિયલ મીડિયા પર વાયરલ થઈ છે.

સમગ્ર ઘટના વિશે જાણીએ

હવે ઘટના વિશે વિગતવાર જાણીએ. કોટાના રહેવાસી સુભાષ કુમાર રાવતે મીડિયાને જણાવ્યું કે તેઓ અને તેમની પત્ની 3 જાન્યુઆરીએ ખાટુ શ્યામજીના દર્શન કરવા ગયા હતા અને 4 જાન્યુઆરીની રાત્રે ઘરે પાછા ફર્યા. જ્યારે સુભાષ પોતાના સ્કૂટર પર ઘરે પરત ફરી રહ્યો હતો, ત્યારે રસોડાના એક્ઝોસ્ટ પાઇપમાંથી પ્રકાશ પડતાં એક માણસ રસોડાના એક્ઝોસ્ટ પાઇપમાં ફસાયેલો દેખાયો. ત્યારબાદ તેણે બૂમો પાડવાનું શરૂ કર્યું.

આ પણ વાંચોઃ JNU PM મોદી-અમિત શાહ પર વિવાદીત નારેબાજી, દિલ્હી પોલીસને આપી ફરીયાદ

હંગામો સાંભળીને એક ચોર ઘટનાસ્થળેથી ભાગી ગયો પરંતુ તેનો સાથી એક્ઝોસ્ટ પાઇપમાં ફસાઈ ગયો. પોલીસ સ્ટીકરવાળી એક કાર પણ બહાર પાર્ક કરવામાં આવી હતી. હંગામો સાંભળીને પડોશીઓ જાગી ગયા અને ઘરમાં ઘુસી અને ચોરને રંગેહાથ પકડી લીધો. સ્થાનિક લોકોનું કહેવું છે કે શંકાસ્પદ વ્યક્તિઓ વારંવાર આ વિસ્તારમાં ફરતા જોવા મળે છે. બોરખેડા પોલીસ સ્ટેશનમાં ફરિયાદ દાખલ કરવામાં આવી છે, અને પોલીસે કેસ નોંધીને તપાસ શરૂ કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ