નેશનલ / VIDEO : લોકસભામાં કેમ ન આવ્યાં PM મોદી? મંત્રીએ મહિલા સાંસદોના હોબાળાનો વીડિયો શેર કર્યો

Parliament Session : કોંગ્રેસના સાંસદ મણિકમ ટાગોરે ભાજપની ટીકા કરી છે અને કહ્યું છે કે વીડિયોમાં ફક્ત મહિલા સાંસદો જ જોવા મળી રહી છે, જેઓ પીયૂષ ગોયલ, અશ્વિની વૈષ્ણવ અને કિરન રિજિજુ વગેરેની નજીક ભેગા થયા હતા, તો પીએમ પર હુમલાની વાત કેવી રીતે થઈ શકે?

તાજેતરમાં પ્રધાનમંત્રી નરેન્દ્ર મોદી સુરક્ષા કારણોસર લોકસભામાં હાજર ન રહેવાને કારણે રાષ્ટ્રપતિના અભિભાષણ પર આભાર પ્રસ્તાવ પર ચર્ચાનો જવાબ આપી શક્યા ન હતા. ત્યારબાદ આરોપ લગાવવામાં આવ્યા હતા કે વિપક્ષી મહિલા સાંસદોએ ગૃહમાં પ્રધાનમંત્રી પર હુમલો કરવાનું કાવતરું ઘડ્યું હતું, જેના કારણે તેઓ હાજર ન રહ્યા. ત્યારથી વિપક્ષ પ્રધાનમંત્રી પર હુમલો કરી રહ્યું છે.

દરમિયાન કેન્દ્રીય સંસદીય બાબતોના મંત્રી કિરન રિજિજુએ મંગળવારે સોશિયલ મીડિયા પર એક વીડિયો શેર કર્યો હતો, જે 4 ફેબ્રુઆરીના લોકસભાની અંદરથી લેવામાં આવ્યો હતો, જેમાં કોંગ્રેસના મહિલા સાંસદો પ્રધાનમંત્રી નરેન્દ્ર મોદીના ભાષણની થોડી મિનિટો પહેલા તેમની બેઠક પાસે ભેગા થયા હતા. તે દિવસે સત્ર અચાનક બંધ કરી દેવામાં આવ્યું હતું અને પ્રધાનમંત્રીનું ભાષણ મુલતવી રાખવામાં આવ્યું હતું. આ ઘટના અંગે શાસક પક્ષ અને વિપક્ષ હવે આમને સામને છે.

રિજિજુ દ્વારા એક્સ પર શેર કરાયેલા વિડિયો અનુસાર મંત્રીઓની વારંવાર વિનંતીઓ છતાં મહિલા સાંસદો જગ્યાએથી હટવા તૈયાર ન હતા. બેનરમાં લખ્યું હતું, "તમને જે યોગ્ય લાગે તે કરો." રિજિજુએ આરોપ લગાવ્યો હતો કે જો ભાજપના સાંસદોને રોકવામાં ન આવ્યા હોત, તો પરિસ્થિતિ વધુ ખરાબ થઈ શકી હોત. તેમણે કોંગ્રેસ પાર્ટી પર સંસદની ગરિમાને નબળી પાડવાનો આરોપ લગાવતા કહ્યું કે મહિલાઓ વચ્ચે ઘર્ષણ થઈ શકે છે. રિજિજુએ ટ્વીટ કર્યું, "કોંગ્રેસ પાર્ટીને તેના સાંસદોના સૌથી અભદ્ર વર્તન પર ગર્વ છે! જો અમે બધા ભાજપના સાંસદોને રોક્યા ન હોત અને અમારા મહિલા સાંસદોને કોંગ્રેસના સાંસદોનો સામનો કરવાની મંજૂરી આપી હોત તો સીન કઇ બીજા હોત.સંસદની ગરિમા અને પવિત્રતાનું રક્ષણ કરવું એ આપણી મોટી જવાબદારી છે."

સ્પીકરે પોતે પીએમને ગૃહમાં આવવાની મનાઈ ફરમાવી હતી

અગાઉ લોકસભા સ્પીકર ઓમ બિરલાએ ખુલાસો કર્યો હતો કે તેમણે સુરક્ષા કારણોસર વડા પ્રધાનને ગૃહમાં ન આવવાની સલાહ આપી હતી, કારણ કે વિપક્ષી સાંસદો દ્વારા કોઈ અનિચ્છનીય ઘટના બને છે. આ વિવાદ ભૂતપૂર્વ આર્મી ચીફ જનરલ (નિવૃત્ત) એમ.એમ. નરવણેના અપ્રકાશિત પુસ્તક, "ફોર સ્ટાર્સ ઓફ ડેસ્ટિની" સંબંધિત ટિપ્પણીમાં મૂળ હોવાનું કહેવાય છે. આ નિવેદનનો ઉલ્લેખ તાજેતરમાં કોંગ્રેસ સાંસદ રાહુલ ગાંધીએ સંસદમાં કર્યો હતો, જેનાથી રાજકીય તોફાન ઉભું થયું હતું.

કોંગ્રેસ આરોપોને નકારે છે

બીજી બાજુ કોંગ્રેસ પાર્ટીએ ભાજપના આરોપોને સંપૂર્ણપણે નકારી કાઢ્યા છે. પાર્ટીના સાંસદ મણિકમ ટાગોરે કહ્યું કે વીડિયોમાં વડાપ્રધાન ક્યાંય દેખાતા નથી અને મહિલા સાંસદો વડા પ્રધાનની બેઠક પર નહીં, પરંતુ અન્ય મંત્રીઓની નજીક ઊભી હતી. ટાગોરે કટાક્ષમાં કહ્યું, "રિજિજુનો વીડિયો પોતે જ સ્પીકરના દાવાને નબળી પાડે છે."

આ પણ વાંચોઃ નવસારીમાં નવ નિયુક્ત 4 હોદ્દેદારોના ભાજપને રામ-રામ, સંગઠન જાહેર થતાં જ રાજીનામાવાળી!

હવે ભાજપના મહિલા સાંસદો સ્પીકરને પત્ર લખ્યો

દરમિયાન ભાજપના મહિલા સાંસદોએ લોકસભા સ્પીકરને પત્ર લખીને વિપક્ષી સાંસદો સામે કડક કાર્યવાહીની માંગ કરી છે. તેમનું કહેવું છે કે આવી ઘટનાઓ લોકશાહી સંસ્થાઓની છબીને નુકસાન પહોંચાડે છે. આ સમગ્ર ઘટનાએ ફરી એકવાર સંસદની શિષ્ટાચાર, વિરોધની પદ્ધતિઓ અને શાસક અને વિપક્ષી પક્ષો વચ્ચે વધતા સંઘર્ષ પર પ્રશ્નો ઉભા કર્યા છે. સત્ય શું હતું - સાવધાની કે અતિશયોક્તિ - હવે રાજકીય ચર્ચાનો વિષય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ