યુપી / VIDEO : 'બધા કેતા મરી જા એટલે મરી ગઈ' ફાંસી પહેલા પરિણિતાનો વીડિયો વાયરલ, દિલ વલોવી જશે

ઉત્તર પ્રદેશના મુરાદાબાદની એક યુવતીએ સાસરિયાના ત્રાસથી આપઘાત કરી લીધો હતો. અંતિમ પગલા પાછળનું કારણ આપતાં યુવતીએ એક વીડિયો રેકોર્ડ કર્યો હતો જેમાં તેણે પોતાની વ્યથા વ્યક્ત કરી હતી. તેના લગ્નને માત્ર ચાર મહિના થયા હતા. પતિએ તેના પરિવારનો વિરોધ કરીને તેના લગ્ન પ્રેમ લગ્નમાં કરાવ્યા હતા.

વીડિયોમાં શું બોલી યુવતી

વીડિયોમાં યુવતી એવું કહેતી સાંભળી શકાય છે કે તેણીનો ગર્ભપાત થયો છે અને ત્યારથી તેના સાસરિયાઓ - ખાસ કરીને તેના સાળા અને સસરા - તેણીને હેરાન કરી રહ્યા હતા. ક્યારેક તેણીને ખાવાનું આપવામાં આવતું ન હતું, અને ક્યારેક તેના રૂમમાં લાઈટ પણ કાપી નાખવામાં આવી હતી. તેણે કહ્યું કે હું ખૂબ જ પરેશાન છું. મારા ગર્ભપાત પછી, તેઓ વીજળી કાપી નાખતા રહે છે અથવા મારા ભોજન વિશે પણ ખોટી કોમેન્ટ કરતાં હતા. વીડિયોમાં, અમરીન તેના મૃત્યુ માટે તેની ભાભી અને સસરાને જવાબદાર ઠેરવે છે, અને કહે છે કે, "જો કોઈ મારા મૃત્યુ માટે જવાબદાર હોય, તો તે મારી ભાભી ખાતીજા અને મારા સસરા શાહિદ છે - અને અમુક અંશે મારા પતિ પણ દોષિત છે. તે બધા મારા મૃત્યુ માટે જવાબદાર છે. તેઓ મને સમજી શકતા નથી; તેઓ દરેક વસ્તુ માટે મને દોષ આપે છે. મારા સસરા અને ભાભી મારા પતિના મનમાં મારા વિરુદ્ધ ઝેર ઓકતા રહે છે.

વધુ વાંચો : 'પતિનું કામ 20 વર્ષની છોકરીઓને નેતાઓ પાસે સુવડાવાનું છે' નેતાની પત્નીનો ઘટસ્ફોટ, રાજનીતિમાં ચકચાર

'અબ્બાં જલદી આવો' પછી પડી લાશ

અમરીનના પિતાએ ખુલાસો કર્યો કે તેના મૃત્યુ પહેલાં, તેણીએ તેને એક વિડિઓ કૉલ કર્યો હતો, જેમાં તે રડતી હતી અને કહેતી હતી, "અબ્બા, મારા સાસરિયાં મને મારી રહ્યા છે. મને બચાવો." પિતાએ કહ્યું કે તેમની પુત્રીની હાલત જોઈને, તેઓ તરત જ કેટલાક લોકો સાથે તેના સાસરિયાંના ઘરે દોડી ગયા, પરંતુ તેમને અમરીનનો મૃતદેહ પહેલેથી જ ખાટલા પર પડેલો જોવા મળ્યો. પોલીસે જણાવ્યું હતું કે આ મામલે હજુ સુધી કોઈ ફરિયાદ નોંધાઈ નથી. જોકે, અમરીનના પિતાનો દાવો છે કે તેણીએ આત્મહત્યા કરી નથી પરંતુ તેના સાસરિયાઓ દ્વારા ભારે ત્રાસ ગુજારવામાં આવ્યો હોવાથી તેણીને આત્મહત્યા કરવા માટે મજબૂર કરવામાં આવી હતી. "તેણીની હત્યા કરવામાં આવી હતી.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ