મેઘાલય / VIDEO : પહાડોમાં શું બન્યું? કપલનું રહસ્યમયી હનીમૂન, ખાઈમાંથી મળી હસબંડની લાશ, વાઈફ હજુ પણ ગુમ

હનીમૂન પરથી ગુમ થયેલ મધ્યપ્રદેશના ઈન્દોરના કપલ રાજા રઘુવંશી અને સોનમને લઈને એક મોટા સમાચાર સામે આવ્યાં છે. મેઘાલયના શિલોંગમાં 23 મેથી ગુમ થયેલ આ કપલમાંથી હસબંડ રાજા રઘુવંશીની લાશ મળી છે જ્યારે તેની પત્ની સોનમ હજુ પણ લાપત્તા છે. આશંકા છે કે પહાડી વિસ્તારમાં કપલની હત્યા કરીને લાશ ફેંકી દેવાઈ છે અથવા તો તેમની સાથે બીજી કોઈ દુર્ઘટના બની હોઈ શકે છે.

23મેના દિવસે ગુમ થયું હતું કપલ

મધ્યપ્રદેશના ઈન્દોરના નવ પરિણીત યુગલ મેઘાલયના શિલોંગમાં 23 મેથી ગુમ થયું હતું. રાજા રઘુવંશી અને તેમની પત્ની સોનમ રઘુવંશી નામનું આ કપલ લગ્ન કરીને હનીમૂન મનાવવું આ કપલ અચાનક પહાડોમાં ગુમ થઈ ગયું હતું. પોલીસે તેમની શોધખોળ માટે 5 ટીમો બનાવી છે જેણે મેપિંગ કરીને સર્ચ ઓપરેશન શરુ કરી દીધું છે જેમાં ઝાડીઓ પાસેના ખાડામાં બે બેગ પડી હોવાનું મળી આવ્યું હતું. એવું કહેવામાં આવી રહ્યું છે કે તે કપલની બેગ છે.

શું હતો મામલો

રાજા રઘુવંશી અને સોનમ રઘુવંશીના લગ્ન 11મી મેના રોજ થયા હતા. આ પછી, તેઓ તેમના હનીમૂન ઉજવવા માટે બહાર ગયા. તે 20 મેના રોજ ઇન્દોરથી બેંગલુરુ પહોંચ્યાં અને ત્યાંથી ગુવાહાટી અને કામાખ્યા દેવીના દર્શન કર્યા. આ પછી, 23 મેના રોજ, તેઓ મેઘાલયની રાજધાની શિલોંગ જવા રવાના થયા. રાજા અને સોનમ શિલોંગ પહોંચ્યા ત્યાં સુધી તેમના પરિવારના સંપર્કમાં રહ્યા. પરંતુ 23 મે પછી તેમનો સંપર્ક તૂટી ગયો હતો.

શું બોલ્યાં એસપી વિવેક સિમ

એસપી વિવેક સિમના જણાવ્યા અનુસાર, રાજા અને સોનમ જ્યાં ગયા હતા તે સ્થળોનું સંપૂર્ણ મેપિંગ કરવામાં આવ્યું હતું. એવું બહાર આવ્યું કે આ દંપતી એક પ્રવાસી માર્ગદર્શક સાથે નોંગરિયાટ ગામમાં 'લિવિંગ રૂટ્સ બ્રિજ' ની મુલાકાતે ગયું હતું. તેણે ત્યાં રાત વિતાવી હતી. મંગળવાર, 27 મેના રોજ સૂર્યાસ્ત પછી શોધ અને બચાવ કામગીરી બંધ કરી દેવામાં આવી છે. બુધવાર, 28 મેના રોજ વધુ લોકો સાથે શોધ હાથ ધરવામાં આવશે. અધિકારીઓએ અપીલ કરી છે કે જો કોઈ વ્યક્તિ પાસે કોઈ માહિતી હોય તો તેણે તાત્કાલિક આગળ આવવું જોઈએ.

વધુ વાંચો : VIDEO : લીલું મરચું કાપતાં જ નીકળ્યો ઝેરીમાં ઝેરી જીવતો વીંછી, ચપ્પાં વડે દૂર ખસેડતાં થયો 'ચમત્કાર'

મામલો અમિત શાહ સુધી પહોંચ્યો

કપલના અચાનક ગાયબ થવાનો મામલો ગંભીર બની ગયો છે. મધ્યપ્રદેશના મુખ્યમંત્રી મોહન યાદવથી લઈને ગૃહમંત્રી અમિત શાહ સુધી, બધાએ આ મામલાની નોંધ લીધી છે. મધ્યપ્રદેશના મુખ્યમંત્રી મોહન યાદવે આ મામલે મેઘાલયના સીએમ કોનરાડ સંગમા સાથે વાત કરી છે. દરમિયાન, ભાજપના નેતા કૈલાશ વિજયવર્ગીયએ કહ્યું કે તેમણે આ મામલો ગૃહમંત્રી અમિત શાહના ધ્યાન પર લાવ્યો છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ