ચોમાસું / લો આવી ગઈ નવરાત્રી પર વરસાદની આગાહી! જાણો ગરબે રમવા દેશે કે નહીં? સપ્ટેમ્બરમાં કેવી રહેશે સ્થિતિ

હવામાન વિભાગ (IMD) એ ઘણા રાજ્યોમાં ભારે વરસાદની ચેતવણી જારી કરી છે, જેનો અર્થ એ છે કે આ વર્ષે ચોમાસુ હજુ સુધી વિદાય લીધું નથી. ઘણા રાજ્યોમાં હજુ પણ ભારે વરસાદ પડી રહ્યો છે. IMD અનુસાર, અરુણાચલ પ્રદેશ, આસામ, મેઘાલય, નાગાલેન્ડ, મણિપુર, મિઝોરમ અને ત્રિપુરામાં વરસાદી મોસમ ચાલુ રહેવાની છે. ગુરુવારથી અરુણાચલ પ્રદેશમાં વરસાદી ગતિવિધિઓ વધુ તીવ્ર બનવા જઈ રહી છે. આગામી કેટલાક દિવસો માટે રાજ્યમાં ભારે વરસાદ અને વાવાઝોડાની ચેતવણી જારી કરવામાં આવી છે. IMD અનુસાર, 12 થી 14 સપ્ટેમ્બર દરમિયાન સમગ્ર અરુણાચલમાં છૂટાછવાયા સ્થળોએ ભારેથી અતિ ભારે વરસાદની આગાહી છે અને આ સમયગાળો ઓછામાં ઓછો 15 સપ્ટેમ્બર સુધી ચાલુ રહી શકે છે.

22 સપ્ટેમ્બરથી નવરાત્રી

ઉલ્લેખનીય છે કે 22 સપ્ટેમ્બરથી નવરાત્રીનું પર્વ શરુ થઈ રહ્યું છે. હવામાન વિભાગની આગાહી અનુસાર, નવરાત્રીમાં વરસાદની કોઈ શક્યતા નથી જોકે છૂટોછવાયો વરસાદ વરસી શકે છે પરંતુ ભારે વરસાદની કોઈ શક્યતા નથી.

ભૂસ્ખલન, અચાનક પૂરની શક્યતા

IMD એ ચેતવણી આપી છે કે ભારે વરસાદને કારણે ભૂસ્ખલન, અચાનક પૂર અને નીચાણવાળા વિસ્તારોમાં પાણી ભરાઈ શકે છે. તેણે કહ્યું છે કે આ વિસ્તારોમાં ટ્રાફિક અવરોધ, વૃક્ષો પડવાથી વીજળી અને સંદેશાવ્યવહાર લાઈનોને નુકસાન અને હોર્ડિંગ્સ અને તંબુ જેવા નબળા માળખાના વિનાશની સંભાવના છે.

વધુ વાંચો : ભારતના મોટા નેતાની ગોળી મારીને હત્યા કરાતાં ચકચાર, બદમાશોએ દોડતાં મારી 6 ગોળીઓ

12 થી 15 સપ્ટેમ્બરે કેવું રહેશે હવામાન?

12 સપ્ટેમ્બર સુધી આકાશ આંશિક રીતે વાદળછાયું રહેશે, પરંતુ કોઈપણ પ્રકારના ભારે વરસાદની શક્યતા નથી. 13 સપ્ટેમ્બરે આકાશ સામાન્ય રીતે વાદળછાયું રહેશે, જોકે તે પછી એટલે કે 14 અને 15 સપ્ટેમ્બરે હવામાન સ્વચ્છ રહેવાની શક્યતા છે. હવામાન વિભાગે સ્પષ્ટતા કરી છે કે આ સમયગાળા દરમિયાન કોઈ ચેતવણી જારી કરવામાં આવી નથી, એટલે કે ભારે વરસાદ કે વાવાઝોડાની કોઈ શક્યતા નથી. હવામાન નિષ્ણાતોનું કહેવું છે કે સપ્ટેમ્બરના મધ્ય સુધીમાં ચોમાસાની અસર નબળી પડી જાય છે અને આ વખતે પણ આવી જ સ્થિતિ જોવા મળી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ