કાર્યવાહી / ભાજપ નેતાની કારમાંથી ઝડપાયું રૂ. 5 કરોડનું ડ્રગ્સ, ખુલી શકે છે ચોંકાવનારા નામ!

Madhya Pradesh : મધ્યપ્રદેશના આગર માલવા જિલ્લામાં ગેરકાયદેસર ડ્રગ્સના ધંધા સામે કડક કાર્યવાહી હાથ ધરતાં પોલીસ દ્વારા અત્યાર સુધીની સૌથી મોટી કામગીરી કરવામાં આવી છે. પોલીસે બે કારમાંથી કુલ ₹5.08 કરોડથી વધુ કિંમતના ડ્રગ્સ, રાસાયણિક પદાર્થો અને લેબ સાધનો જપ્ત કર્યા છે. સમગ્ર ઓપરેશનમાં શંકાસ્પદ લોકો સામે કાર્યવાહી કરવામાં આવી છે જેમાં ભાજપ મંડળના ઉપપ્રમુખ અને સરપંચ પ્રતિનિધિ રાહુલ આંજના મુખ્ય આરોપી તરીકે બહાર આવ્યા છે.

બાતમીદાર પાસેથી મળી માહિતી અને પછી...

વાસ્તવમાં પોલીસને એક વિશ્વસનીય બાતમીદાર તરફથી માહિતી મળી કે, આગર-બરોડ રોડ પર ગણેશ ગૌશાળા પાસે પાર્ક કરેલી એક અર્ટિગા કાર (MP-13-CE-6055) અને એક ઇગ્નિસ કાર (MP-13-CD-4006) માં મોટા પ્રમાણમાં માદક દ્રવ્યોનો જથ્થો ભરેલો છે. માહિતી મળતાં જ તાત્કાલિક નાકાબંધી કરવામાં આવી હતી.

પોલીસને જોઈ અને રાહુલ અંજના ભાગી ગયો પણ...

પોલીસને જોઈને અર્ટિગા કારનો ડ્રાઈવર રાહુલ અંજના (ભાજપ મંડળ ઉપપ્રમુખ, થડોડા) ઘટનાસ્થળેથી ભાગી ગયો. જ્યારે ઇગ્નિસ કારમાં મુસાફરી કરી રહેલા ઈશ્વર માલવિયા અને દૌલત સિંહ અંજનાને કસ્ટડીમાં લેવામાં આવ્યા. બંને વાહનોની તપાસ દરમિયાન, માદક દ્રવ્યો, રસાયણો અને લેબ સાધનો મળી આવ્યા. કોતવાલી પોલીસ સ્ટેશનમાં NDPS એક્ટ હેઠળ કેસ નોંધવામાં આવ્યો હતો અને આરોપીઓની ધરપકડ કરવામાં આવી હતી.

જપ્ત કરાયેલા ડ્રગ્સ અને સાધનો:

• ડ્રગ્સ : 9.250 કિલો કેટામાઇન (કિંમત: ₹ 4.62 કરોડ), 12.100 કિલો એમોનિયમ ક્લોરાઇડ પાવડર અને 35 લિટર આઇસોપ્રોપીલ આલ્કોહોલ (કિંમત: ₹ 25 લાખ), 6 ગ્રામ એમડી ડ્રગ્સ (કિંમત: ₹ 7,800).
• પ્રયોગશાળાના સાધનો : ઇલેક્ટ્રિક કોમ્પેક્ટ સ્કેલ, ગરમ પ્લેટ સાથેનું ચુંબકીય સ્ટિરર, વેક્યુમ ઓવન, વેક્યુમ પંપ, ટેસ્ટ ટ્યુબ, ફ્લાસ્ક, જાર, કાચના વાસણો અને ગ્રામ પંચાયત થડુડાની સીલ.
• વાહન : એર્ટિગા કાર (કિંમત: 12લાખ), ઇગ્નિસ કાર (કિંમત: 8 લાખ).
• અન્ય : 4 મોબાઇલ ફોન (વિવો, કિંમત: 50,000 રૂપિયા).
• કુલ કિંમત : ₹ 5,08,07,800 (અંદાજે).

આ પણ વાંચો : હોટ એર બલૂનમાં બેસતાં જ આગ લાગી, મુખ્યમંત્રી માંડ-માંડ બચ્યા, જુઓ VIDEO

શું કહ્યું SPએ ?

આ સમગ્ર ઓપરેશન મધ્યપ્રદેશ પોલીસ મુખ્યાલય ભોપાલના વિશેષ અભિયાનના ભાગરૂપે હાથ ધરાયું હતું. જિલ્લા પોલીસ અધિક્ષક વિનોદ કુમાર સિંહ, ADG ઉમેશ જોગા (ઉજ્જૈન ઝોન) અને DIG *નવનીત ભસીન (ઉજ્જૈન રેન્જ)ના માર્ગદર્શન હેઠળ આ સફળતા હાંસલ કરવામાં આવી. એસપીએ જણાવ્યુ કે, અગર માલવા જિલ્લામાં ડ્રગ્સ વિરુદ્ધની અત્યાર સુધીની સૌથી મોટી કાર્યવાહી છે. આપણે ડ્રગ રેકેટના મૂળ સુધી જઈને કામગીરી કરીશું. ટીમના હિમ્મતભર્યા પ્રયત્નો બદલ તેમને ઇનામ પણ અપાશે.

ઝડપાયેલ આરોપીઓ

ઈશ્વર માલવીયા (ઉ.વ.33 ) રહે. થડોડા

દૌલતસિંહ અંજના (ઉ.વ.35) ગુરડિયા બારોડ

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ