નેશનલ / અયોધ્યા-કાશીમાં 2 કિમી લાંબી લાઈન, વૃંદાવન-બાંકે બિહારીમાં મહાકુંભ, નવા વર્ષ પહેલાં માનવ મહેરામણ

Ayodhya: ઉત્તર પ્રદેશના કાશી, મથુરા અને અયોધ્યાથી લઈને મધ્ય પ્રદેશના ઉજ્જૈન સુધી, 2025 ના વર્ષને વિદાય આપવા અને 2026 ના નવા વર્ષનું સ્વાગત કરવા માટે દરેક જગ્યાએ મંદિરોમાં દર્શન માટે લોકોનો જન સૈલાવ ઉમટી રહ્યો છે. ભારે ભીડને ધ્યાનમાં રાખીને વહીવટીતંત્રે કડક સુરક્ષા અને ટ્રાફિક વ્યવસ્થા કરી છે. નવા વર્ષ પહેલા કાશી, મથુરા અને અયોધ્યામાં ભક્તોનો પ્રવાહ ઉમટી પડ્યો છે. લાખો ભક્તોના આગમનથી મહાકુંભની યાદ અપાવે તેવી પરિસ્થિતિ સર્જાઈ છે. અયોધ્યામાં કાશી વિશ્વનાથ અને રામ મંદિરોની બહાર 2 કિલોમીટર લાંબી કતાર લાગી ગઈ છે.

અયોધ્યામાં રામ મંદિર અને હનુમાનગઢીની આસપાસ દોઢ લાખ ભક્તો જોવા મળે છે કાશીમાં 3 લાખ શ્રદ્ધાળુઓ બાબા બાબાના દર્શન કરવા પહોંચ્યા હતા. એક અઠવાડિયામાં 20 લાખથી વધુ ભક્તોએ કાશી વિશ્વનાથ ધામની મુલાકાત લીધી હતી. સ્થાનિક લોકો કહે છે કે આવો નજારો ફક્ત શ્રાવણ મહિનામાં અથવા મહાકુંભ દરમિયાન જોવા મળતો હતો. ભારે ભીડને કારણે ભક્તોને કાશી વિશ્વનાથ મંદિરના ચાર દરવાજા દ્વારા પ્રવેશ આપવામાં આવી રહ્યો છે. ગર્ભગૃહમાં પ્રવેશ પર પ્રતિબંધ છે. મંદિરની 2 કિમીની ત્રિજ્યામાં આવતા તમામ વાહનોની એન્ટ્રી રોકી દેવાઇ છે.

મથુરા-વૃંદાવનમાં ભારે ભીડ

મથુરા-વૃંદાવનના રસ્તાઓ પર પગ રાખવાની જગ્યા પણ નથી રહી. મથુરામાં પણ બે લાખ શ્રદ્ધાળુઓ પહોચ્યા છે. 29 ડિસેમ્બરથી 5 જાન્યુઆરી સુધી વૃંદાવનમાં ભારે ભીડ થવાની ધારણા છે. મંદિર વહીવટીતંત્ર અને સ્થાનિક પોલીસે ભક્તોને અપીલ કરી છે કે તેઓ આરોગ્ય, સલામતી અને ટ્રાફિક જામને ધ્યાનમાં રાખીને ખૂબ જરૂરી હોય ત્યારે જ વૃંદાવનની મુલાકાત લેવાનું આયોજન કરે. ઘણા મુખ્ય મંદિરોએ ખાસ સલાહ જારી કરી છે અને વીઆઇપી દર્શન પર પ્રતિબંધ મૂક્યો છે.

આ પણ વાંચોઃ આર્મીમાં ફરજ બજાવતા જવાનના પુત્રની હત્યા પર દેશભરમાં રોષ, રાહુલ ગાંધીનો ભાજપ પર હુમલો

10 લાખ ભક્તોના આવવાની અપેક્ષા

આ વર્ષે ધાર્મિક પર્યટનમાં ઐતિહાસિક વધારો જોવા મળી રહ્યો છે. એવો દાવો કરવામાં આવી રહ્યો છે કે દેશના ચાર મુખ્ય તીર્થસ્થળોની મુલાકાત લગભગ 10 લાખ ભક્તો લેશે. 31 ડિસેમ્બર અને 1 જાન્યુઆરીએ ફક્ત કેટલાક પ્રમુખ કેન્દ્રો પર 2 લાખથી વધુ લોકો એકઠા થવાની ધારણા છે. ભીડ એટલી તીવ્ર છે કે વારાણસી અને મથુરા જેવા શહેરોમાં લગભગ 150 મોટી હોટલો 3 જાન્યુઆરી સુધી બુક થઈ ગઈ છે. 80 થી વધુ ધર્મશાળાઓ પણ હવે શ્રદ્ધાળુઓને રાખી શકે તેટલી જગ્યા નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ