ઉત્તરાખંડ / આર્મીમાં ફરજ બજાવતા જવાનના પુત્રની હત્યા પર દેશભરમાં રોષ, રાહુલ ગાંધીનો ભાજપ પર હુમલો

Uttarakhand News : ઉત્તરાખંડના દેહરાદૂનમાં ત્રિપુરાના વિદ્યાર્થી એન્જલ ચકમાની હત્યાના મામલે લોકસભામાં વિપક્ષના નેતા રાહુલ ગાંધીએ કેન્દ્ર સરકાર અને ભાજપ પર આકરા પ્રહારો કર્યા છે. સોશિયલ મીડિયા પ્લેટફોર્મ એક્સ પર પોતાની પ્રતિક્રિયા આપતા રાહુલ ગાંધીએ આ ઘટનાને 'હેટ ક્રાઈમ' ગણાવી ચિંતા વ્યક્ત કરી હતી.

ગત 9 ડિસેમ્બરના દેહરાદૂનના સેલાકુઈ બજારમાં ત્રિપુરાના ઉનાકોટી જિલ્લાના વતની એન્જલ ચકમા અને તેના ભાઈ માઈકલનો કેટલાક લોકો સાથે ઝઘડો થયો હતો. આ દરમિયાન આરોપીઓએ ચપ્પુ અને પીતળના નકલથી જીવલેણ હુમલો કર્યો હતો. ગંભીર રીતે ઘવાયેલા એન્જલનું 26 ડિસેમ્બરના હોસ્પિટલમાં સારવાર દરમિયાન મોત નીપજ્યું હતું. એન્જલના પિતા તરુણ ચકમા જેઓ બીએસએસમાં ફરજ બજાવે છે, તેમણે આક્ષેપ કર્યો છે કે હુમલાખોરોએ તેમના પુત્રને 'ચાઇનીઝ મોમો' કહીને નસ્લીય ગાળો આપી હતી. જ્યારે એન્જલે પોતે ભારતીય હોવાનું કહી વિરોધ કર્યો, ત્યારે તેના પર હુમલો કરવામાં આવ્યો હતો. પોલીસે અત્યાર સુધીમાં બે સગીર સહિત પાંચ આરોપીઓની ધરપકડ કરી છે. મુખ્ય આરોપી યજ્ઞરાજ અવસ્થી (નેપાળી મૂળનો) હજુ પણ ફરાર છે.

દેહરાદૂનમાં ત્રિપુરાના બે ભાઈઓ પર થયેલા વંશીય હુમલાને લઈને રાજકારણ વધુ ગરમાયું છે, જેમાં એકનું મોત થયું છે. કોંગ્રેસના નેતા રાહુલ ગાંધીએ તેને "હેટ ક્રાઇમ" ગણાવ્યો અને ભાજપ નેતૃત્વ પર નફરત ફેલાવવાનો આરોપ લગાવ્યો. આ ઘટનાથી દેશભરમાં આક્રોશ ફેલાયો છે.

આ પણ વાંચોઃ કુલદીપ સેંગરને જેલમાં જ રહેવું પડશે, હાઇકોર્ટના આદેશ પર સુપ્રીમ કોર્ટે લગાવ્યો સ્ટે

સોશિયલ મીડિયા પોસ્ટમાં રાહુલ ગાંધીએ જણાવ્યું હતું કે એન્જલ ચકમા અને તેમના ભાઈ માઈકલ સાથે જે બન્યું તે અચાનક બન્યું ન હતું. તેમણે કહ્યું કે નફરત રાતોરાત પેદા થતી નથી, પરંતુ વર્ષો સુધી જેરીલા કંટેંટ અને ગેર જીમ્મેદાર બયાનબાજીથી ખાસકરીને યુવાનોના મગજમાં ભરવામાં આવે છે. તેમણે ભારપૂર્વક જણાવ્યું હતું કે ભારત પ્રેમ, સમ્માન અને વિવિધતાનો દેશ છે, ડર અને ગાળા ગાળી કરવાનો નહીં.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ