નેશનલ / VIDEO : શિમલામાં ડોક્ટરે બેડ પર સુતેલા દર્દીને ધબેડી નાખ્યો, મારી-મારીને લાલચોળ કરી નાખ્યો

હિમાચલ પ્રદેશના શિમલામાં આવેલી ઇન્દિરા ગાંધી મેડિકલ કોલેજ હોસ્પિટલમાં ડોક્ટરની ક્રુરતાનો વીડિયો સામે આવતા લોકો રોષે ભરાયા છે. હોસ્પિટલના પલંગ પર પડેલા દર્દીની સારવાર કરવાને બદલે એક ડોક્ટરે તેને બેરહેમીથી માર માર્યો હતો. જેના કારણે દર્દીના સંબંધીઓ અને સ્થાનિક રહેવાસીઓએ હોસ્પિટલમાં વિરોધ પ્રદર્શન કર્યું છે. તેમણે દર્દી પર હુમલો કરનાર ડોક્ટરને તાત્કાલિક બરતરફ કરવાની માંગ કરી છે.

આ ઘટના ગયા રવિવારે બની હતી. રાજ્યના આરોગ્ય મંત્રીએ આ ઘટના પર પ્રતિક્રિયા આપતા આરોપી ડોક્ટર સામે કડક કાર્યવાહીનું આશ્વાસન આપ્યુ છે. પીડિત દર્દીના જણાવ્યા અનુસાર ડોક્ટરે તેની સાથે અભદ્ર વર્તન કર્યું હતું. જ્યારે દર્દીએ તેમને માનથી બોલવાનું કહ્યું ત્યારે ડોક્ટરે તેના પર હુમલો કર્યો હતો. દર્દી સાથે હાજર લોકોએ કહ્યું કે આ ઘટના વીડિયોમાં રેકોર્ડ કરવામાં આવી છે અને હવે સોશિયલ મીડિયા પર વાયરલ થઈ રહી છે.

વીડિયો વાયરલ થતાં જ દર્દીના પરિવાર અને તેમના સમર્થકો હોસ્પિટલ પરિસરમાં ભેગા થઈ ગયા હતા અને આરોપી ડોક્ટરની તાત્કાલિક ધરપકડ અને સસ્પેન્ડ કરવાની માંગ કરી હતી. આરોગ્ય મંત્રી ધની રામ શાંડિલે જણાવ્યું હતું કે ડોકટરો દ્વારા આવું વર્તન અસહ્ય છે અને તબીબી વ્યવસાયના નૈતિક મૂલ્યોની વિરુદ્ધ છે. દર્દી પર ક્રૂરતાથી હુમલો કરનાર ડોક્ટરની ઓળખ ફેફસાના નિષ્ણાત ડોક્ટર સાર તરીકે કરવામાં આવી છે. હોસ્પિટલના વરિષ્ઠ અધિકારીઓએ જણાવ્યું હતું કે તેમને આ ઘટનાના સંદર્ભમાં સમન્સ પાઠવવામાં આવ્યા છે.

આ પણ વાંચોઃ 'અતિ જરુરી સિવાય નવી માઈનિંગ લીઝ નહીં' અરવલ્લી વિવાદ પર્યાવરણ મંત્રીનું મોટું એલાન

સરકારી કાર્યવાહીના ભાગ રૂપે આ ​​મામલે IGMCના મેડિકલ સુપરિન્ટેન્ડેન્ટ અને પ્રિન્સિપાલને સચિવાલયમાં સમન્સ પાઠવવામાં આવ્યા છે. દરમિયાન ભૂતપૂર્વ મુખ્યમંત્રી અને વિપક્ષના નેતા જય રામ ઠાકુરે આ ઘટનાને દુર્ભાગ્યપૂર્ણ અને ચિંતાજનક ગણાવી હતી. તેમણે કહ્યું કે આવી ઘટનાઓ સરકારી આરોગ્યસંભાળ સંસ્થાઓમાં વ્યાવસાયિક વર્તણૂક અંગે ગંભીર ચિંતાઓ ઉભી કરે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ