ગુજરાત / સુરેન્દ્રનગર-બનાસકાંઠાની નર્મદા કેનાલમાં ગાબડું, હજારો લીટર પાણી વેડફાવાની સાથે ઉભા પાકને થયું નુકસાન

• રાજ્યમાં કેનાલોમાં ગાબડા પડવાનો સિલસિલો યથાવત
• સુરેન્દ્રનગરમાં સતત બીજા દિવસે નર્મદાની કેનાલમાં ગાબડું પડ્યું
• બનાસકાંઠાના વાવ પંથકમાં પણ કેનાલમાં ગાબડું પડ્યું

બનાસકાંઠામાં કેનાલમાં ફરી ગાબડું પડ્યું હતું. જેમાં વાવના જોડિયા ગોલમાલે માઇનોર કેનાલમાં ગાબડુ પડતાં હજારો લીટર પાણી ખેતરોમાં ફરી વળ્યું છે. જેના કારણે 10 એક ર જમીનમાં ઘઉંના પાકને મોટા નુકસાનની ભીતિ જોવા મળી છે.

ખેડૂતોના આક્ષેપ છે કે કોન્ટ્રાકટરની બેદરાકરી અને નબળી બાંધકામના કારણે કેનાલમાં ગાબડા પડે છે. આ અંગે વારંવાર રજૂઆત છતાં તંત્ર કોઇ યોગ્ય પગલા લેતું નથી. 

સુરેન્દ્રનગરમાં સતત બીજા દિવસે નર્મદાની કેનાલમાં ગાબડું પડ્યું હતું. નાની મજેઠીથી કામલપુર ગામ તરફ જતી કેનાલમાં ગાબડું પડતાં હજારો લીટર પાણી વેડફાયું છે. આગલા દિવસે કામલપુર ગામ તરફ જતી નર્મદાની માયનોર કેનાલમાં ગાબડુ પડતા આસપાસના ખેતરોમાં પાણી ફરી વળ્યાં હતા. કેનાલની હલકી ગુણવત્તાની કામગીરી સામે ખેડૂતોમાં રોષ ફેલાયો છે. 

કેનાલમાં ગાબડાંનો સિલસિલો યથાવત

• કેમ વારંવાર કેનાલોમાં ગાબડાં પડે છે?
• ખેડૂતોને નુકસાનનું વળતર કોણ ચૂકવશે?
• ક્યાં સુધી ખેડૂતો વહીવટી તંત્રના ભોગે નુકસાન વેઠતા રહેશે?
• કેનાલની નબળી-ગુણવત્તા માટે કોણ છે જવાબદાર?
• શું કેનાલની મરામત કરાવાની જવાબદારી નથી બનતી?