રાજનીતિ / લોકસભા ચૂંટણીની તૈયારીઓ શરૂ: અમદાવાદમાં યોજાઇ કાર્યશાળા, જાણો બેઠકમાં શું એક્શન પ્લાન તૈયાર કરાયો

• લોકસભાની ચૂંટણીને લઈ ભાજપની તૈયારી
• નારણપુરા સ્થિત GSC બેંક ખાતે કાર્યશાળા
• સંગઠનના આગેવાનો અને કાર્યકરો હાજર

Politics news: લોકસભા 2024ની ચૂંટણીને લઈ ભાજપે તૈયારીઓ શરૂ કરી દીધી છે. ત્યારે અમદાવાદના નારણપુરા GSC બેંક ખાતે ભાજપ પક્ષની કાર્યશાળા યોજાઈ છે. વિકસિત ભારત એમ્બેસેડર અભિયાન અંતર્ગત પ્રદેશ બેઠકનું આયોજન કરાયું હતું.

ચૂંટણી પ્રચારને લઈ સંગઠનને મજબૂત કરવાના પ્રયાસ
આ નમો એપની કાર્યશાળામાં રાષ્ટ્રીય સંયોજક કુલજીતસિંહ ચેહલ અને સંગઠન મહામંત્રી રત્નાકરની વિશેષ ઉપસ્થિતિ યોજાઈ હતી. ભાજપ 2024માં ગ્રાઉન્ડ મજબુત કરવા મોટા પાયે પ્રચાર કરશે તેમજ સોશિયલ મીડિયા અને ફોન એપ્લિકેશનથી લોકો સુધી પહોંચવાનો સપૂર્ણ પ્રયત્ન કરશે. લોકસભાની ચૂંટણીને ધ્યાને લઈ ભાજપ દ્વારા મોટા પાયે તૈયારીઓ શરૂ કરવામાં આવી છે, ફરી એકવાર પ્રદેશ કાર્યાલયમાં બેઠકોનો ધમધમાટ શરૂ થયો છે.

વાંચવા જેવું: આજે દેશભરમાં કેમ ભાજપનો ડંકો વાગી રહ્યો છે? જગતગુરુ રામભદ્રાચાર્યએ કર્યો VTV પર કર્યો ખુલાસો, જુઓ શું કહ્યું

બેઠકોનો ધમધમાટ
લોકસભાની ચૂંટણી જાહેરાત પહેલા રાજ્યના રાજકારણમાં ફરી એકવાર ગરમાવો આવ્યો છે.  ભાજપ-કોંગ્રેસ અને અન્ય પક્ષો સહિત તમામે તૈયારીઓ આરંભી દીધી છે. એક તરફ બેઠકોનો ધમધમાટ શરૂ થઈ ગયો છે, તો બીજી તરફ નિવેદનબાજી પણ શરૂ થઈ છે. જેની સાથો સાથ પક્ષ પલટાના મામલા પણ જોવા મળી રહ્યાં છે.