- અયોધ્યામાં આગામી 22 જાન્યુઆરીના રોજ રામમંદિરની પ્રાણ પ્રતિષ્ઠા મહોત્સવ
- જગદગુરુ રામભદ્રાચાર્યએ અમદાવાદની મુલાકાતે આવ્યા
- જગદગુરુ રામભદ્રાચાર્યએ VTV સાથે ખાસ વાતચીત કરી
- રામ મંદિર એક ઇતિહાસ બનવા જઈ રહ્યું છે: જગદગુરુ રામભદ્રાચાર્ય
Ayodhya Ram Mandir : અયોધ્યામાં આગામી 22 જાન્યુઆરીના રોજ રામમંદિરની પ્રાણ પ્રતિષ્ઠા મહોત્સવ યોજાનાર છે. આ તરફ રામ મંદિર પ્રાણ પ્રતિષ્ઠાની તૈયારી વચ્ચે જગદગુરુ રામભદ્રાચાર્યએ અમદાવાદની મુલાકાતે આવ્યા હતા. આ દરમિયાન જગદગુરુ રામભદ્રાચાર્યએ VTV સાથે ખાસ વાતચીત કરી હતી. મહત્વનું છે કે, રામભદ્રાચાર્યએ પ્રતિજ્ઞા લીધી હતી કે જ્યાં સુધી અયોધ્યામાં રામમંદિર નહીં બને ત્યાં સુધી અયોધ્યામાં રામકથા નહીં કરે. જોકે હવે આજે જ્યારે અયોધ્યામાં ભવ્ય રામમંદિર બની રહ્યું છે ત્યારે રામભદ્રાચાર્ય 14 જાન્યુઆરીથી અયોધ્યામાં રામકથા કરશે.
રામ મંદિર પ્રાણ પ્રતિષ્ઠાની તૈયારી વચ્ચે અમદાવાદ પહોંચેલા જગતગુરુ રામભદ્રાચાર્યએ VTV ન્યૂઝ સાથે ખાસ વાતચીતમાં અનુભવો જણાવ્યા હતા. જગતગુરુ રામભદ્રાચાર્યએ કહ્યું કે, રામ મંદિર એક ઇતિહાસ બનવા જઈ રહ્યું છે. આ રામમંદિર નહીં ભારતના મંગલ મંદિરની પ્રતિષ્ઠા થવા જઈ રહી છે. આ સાથે તેમણે ઉમેર્યું કે, મોટા સંઘર્ષ પછી આ સફળતા મળી છે. લગભગ બે લાખ હિન્દુઓનું બલિદાન થયું પછી આ વરદાન આ સફળતા મળી છે. આ સાથે તેમણે ઉમેર્યું કે, હું જેલ ગયો, પોલીસના દંડા ખાધા, નજર બંધ થયો, આખી યાત્રા સહિત લોકોને મારવા માટે ઘણા પ્રયત્નો કર્યા પણ ભારતમાતાનું પુણ્ય છે કે હું જીવુ છું.
વધુ વાંચો: સમયનું પૈડું ફર્યું... PM મોદીએ 1992માં રામ મંદિર માટે લીધી હતી આ પ્રતિજ્ઞા, 22મી જાન્યુઆરીએ પૂર્ણ થશે સંકલ્પ
શું કહ્યું જગતગુરુ રામભદ્રાચાર્યએ?
જગતગુરુ રામભદ્રાચાર્યએ કહ્યું કે, 1984માં 6 ઓક્ટોબરના દિવસે અંતિમ આંદોલન પ્રારંભ થયું હતું. આંદોલન અત્યંત ઉત્તેજક અને આક્રમક હતું. તેમણે કહ્યું કે, આંદોલન વચ્ચે ગામડે ગામડે ગયા બે લાખ ગામડા ફર્યા, રામજીની ઈંટની પૂજા કરાવડાવી જનતાનું સમર્થન પ્રાપ્ત કરાવ્યું. આ બધામાં ભાજપે સહયોગ કર્યો હતો. ભાજપની પહેલા 88 પછી 120 પછી 150 સીટો થઈ હતી. તેમણે કહ્યું કે, રામ મંદિરના આંદોલનના કારણે જ ભાજપને આ સત્તા મળી છે. તેમણે કહ્યું કે, મને વિશ્વાસ હતો કે આ પ્રતિષ્ઠા થશે, જનતાના આશીર્વાદથી આ બધું થઈ રહ્યું છે.
વધુ વાંચો: PM લોકાર્પણ કરશે અને હું ત્યાં શું તાળીઓ પાડું? પુરીના શંકરાચાર્યએ અયોધ્યા ન જવાનું એલાન કર્યું, જુઓ શું કહ્યું
રામજીની ઈચ્છાથી થઈ રહ્યું છે: જગતગુરુ રામભદ્રાચાર્ય
જગતગુરુ રામભદ્રાચાર્યએ કહ્યું કે, રામજીની ઈચ્છાથી અને જનતાના સહયોગથી આ બધું થઈ રહ્યું છે. આ સાથે કહ્યું કે, અયોધ્યામાં ભવ્યતમ મંદિર બની રહ્યું છે અને પવિત્રતમ મંદિર બની રહ્યું છે. આ સનાતન ધર્મના ઉત્કર્ષનો અને હિન્દુત્વના સ્વાભિમાનની જાગૃતિનો સમય છે. હું પોતે જઈ રહ્યો છું મારો અમૃત મહોત્સવ ત્યાં ઉજવાય રહ્યો છે. હું પ્રત્યેકને કહું છું કે બધા રામમય થઈ જાઓ. આ સાથે તેમણે કહ્યું કે, જીવનમાં રામજીની નૈતિકતા લઈ આવો, રાષ્ટ્ર માટે સમર્પિત થઈ જાવ અને રામ જેવું પોતાનું વર્તન કરો. આ સાથે ઉમેર્યું કે, રામજી માતા પિતાનું ગુરુનું સન્માન કરતા તે રીતે તમે પણ સન્માન કરો. રાષ્ટ્ર માટે સમર્પિત થાઓ અને ભારતની વિકસિત બનાવો. છેલ્લે જગતગુરુ રામભદ્રાચાર્યએ કહ્યું કે, જેટલું આવશ્યક જીવનમાં શ્વાસ છે તેટલું જ આવશ્યક સનાતન છે.
