આદેશ / નડિયાદનો ચેક રિટર્ન કેસ; નાયબ મામલતદાર જી સી બારીયાને એક વર્ષની સજા, ડબલ રકમ ચૂકવવા આદેશ

• નડિયાદના ના.મામલતદારને 1 વર્ષની સજા 
• ચેક રિટર્ન કેસમાં થઈ એક વર્ષની સજા
• ફરિયાદીને રકમ ચૂકવવા કોર્ટનો આદેશ 

રાજ્યમાં ચેક રિટર્નને લઈ ઘણીબધી ઘટના  સામે આવી રહી છે થોડા દિવસ પહેલા ગાંધીનગરનો ચેક રિટર્નનો કેસ સામે આવ્યો હતો તો વળી આજે ખેડામાં કેસ રિટર્નનો કેસ સામે આવ્યો છે. નડિયાદના નાયબ મામલતદારને ડાકોર કોર્ટે સજા ફટકારી છે. ચેક રિટર્ન કેસમાં જી સી બારિયાને એક વર્ષની ડાકોર કોર્ટે સજા ફટકારી છે. 

શું છે સમગ્ર ચેક રિટર્નનનો કેસ? 

નડિયાદના નાયબ મામલતદાર જી સી બારીયા જે તે સમયે ઠાસરાના મામલતદાર હતા તે સમય મકાન બનાવવા માટે મિત્ર પાસેથી રૂપિયા 3.50 લાખ ઉછીના લીધા હતા. ફરિયાદી મિત્ર ઉછીના આપેલા પૈસા માટે અવાર-નવાર પૈસાની માગણી કરી હતી પરંતુ જી સી બારિયા આપી શક્યો નહી અને તેના બદલામાં ફરિયાદી મિત્રને બેંકનો ચેક આપવામાં આવ્યો હતો.     ફરિયાદી મિત્રને કેસ નાણાના બદલે બેંકનો ચેક આપવામાં આવ્યો હતો તે ચેક બેંકમાં ભરવામાં આવતા ચેક રિટર્ન થયો હતો. ચેક રિટર્નને લઈ જી સી બારિયા વિરૂદ્ધ કેસ કરવામાં આવ્યો હતો

ચેક રિટર્ન કેસમાં સજા ફટકારાઈ

જી સી બારીયાનો ચેક રિટર્ન થતા મિત્ર ન્યાય માટે કોર્ટના શરણે પહોંચ્યો હતો. જે સમગ્ર બાબતે ડાકોર કોર્ટે તમામ પુરાવાના આધારે જી સી બારીયાને એક વર્ષની સજા ફટકારી હતી. તેમજ ફરિયાદીને ડબલ રકમ ચૂકવવા જી સી બારીયાને કોર્ટે આદેશ પણ કર્યો છે.