ઘટના / અમેરિકાના ન્યૂજર્સીમાં ગુજરાતી વૃદ્ધાનું મર્ડર, રૂપિયા માટે ભાડુઆતે હત્યા કરી નાખી, સામે આવ્યું વડોદરા કનેક્શન

અમેરિકાના ન્યુ જર્સીમાં હત્યાની ઘટના બની હતી. જેમાં વડોદરાના વૃદ્ધાની હત્યા ગાંધીનગરના ભાડુઆતે જ કરી હતી. ગાંધીનગરના યુવક કિશન શેઠે વૃદ્ધાની હત્યા કર્યા બાદ તેમનું ડેબિટ કાર્ડ અને વાહન ચોરી લીધા હતા. ડેબિટ કાર્ડ દ્વારા કિશન શેઠે 4500 ડોલર ઉપાડી લીધા હતા. ત્યારે નાસભાગમાં ત્યાની પોલીસે કિશનને ઝડપી પાડ્યો હતો. આ ઘટનાથી અમેરિકાના ગુજરાતી પરિવારોમાં ખળભળાટ મચ્યો છે. વૃદ્ધાના મોતથી વડોદરા, રાજકોટ અને મુંબઈમાં રહેતા તેમના પરિવારજનોમાં શોક ફેલાયો છે.

પુરાવાના આધારે પોલીસે કિશન શેઠને ઝડપી લીધો

પોલીસ વેલફેર ચેક માટે જ્યારે રીટાબેનના ઘરે પહોંચી ત્યારે આ ઘટનાની જાણ થઈ હતી. પોલીસે ઘરમાંથી કોઈ રિસ્પોન્સ ન મળતા ઘરમાં પ્રવેશી તપાસ કરી હતી. એ સમયે રીટાબેન આચાર્ય તેમના પલંગ પર લોહીલુહાણ હાલતમાં મૃત અવસ્થામાં મળી આવ્યા હતા. સીસીટીવી કેમેરા અને ઘરમાંથી મળેલા કેટલાક પુરાવાના આધારે પોલીસે કિશન શેઠને ઝડપી લીધો હતો.

વધુ વાંચો : ના અમેરિકા, ના બ્રિટન, તો કયા દેશનો પાસપોર્ટ છે સૌથી શક્તિશાળી? જાણો ભારતનું સ્થાન કયા નંબરે

ઘટનાની જાણ થયા બાદ ન્યૂ જર્સી ઇન્સ્ટિટ્યૂટ ઑફ ટેક્નોલોજીએ એક નિવેદનમાં જણાવ્યું હતું કે, "અમે તાજેતરમાં કિશન શેઠને સંડોવતી ખૂબ જ ગંભીર પરિસ્થિતિ વિશે જાણ્યું. તેની ધરપકડ કરવામાં આવી છે અને બર્ગન કાઉન્ટી, એનજેમાં કેમ્પસની બહાર બહુવિધ ગુનાઓ અંગે આરોપ મૂકવામાં આવ્યો છે, જેમાં હત્યાનો પણ સમાવેશ થાય છે. કિશન શેઠને આથી વચગાળાના સસ્પેન્શન પર મૂકવામાં આવે છે આવ્યો છે."

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ