ફોર્બ્સ / મુકેશ અંબાણીની સંપત્તિમાં થયો વધારો, જાણૉ વિશ્વના અબજોપતિઓની યાદીમાં કયા નંબર પર

ફોર્બ્સે જાહેર કરેલી વિશ્વના અબજોપતિઓની યાદીમાં અંબાણી ટોપ-10 અમીર વ્યક્તિમાં સામેલ થયા છે. રિલાયન્સ ઈન્ડસ્ટ્રીઝ લિમિટેડના માલીક મુકેશ અંબાણી સૌથી અમીર ભારતીય છે. અંબાણી વિશ્વના નવમાં નંબરના અમીર વ્યક્તિ છે. ફોર્બ્સ અનુસાર, મુકેશ અંબાણીની કુલ સંપત્તિ ગત વર્ષે 83.4 બિલિયન ડોલર હતી જે અત્યારે વધીને 116 બિલિયન ડોલરે પહોંચી ગઈ છે.

ભારતીય બિલિયોનરની સંખ્યા 200એ પહોંચી ગઈ

આ વર્ષેના ફોર્બ્સના વર્લ્ડ બિલિયોનર લિસ્ટમાં લગભગ 25 ભારતીયોનો ઉમેરો થયો છે. જેથી ભારતીય બિલિયોનરની સંખ્યા 200એ પહોંચી ગઈ છે. ઉલ્લેનીય છે કે, ગતવર્ષે ભારતીય અબજોપતિઓની સંપત્તિ 675 બિલિયન ડોલર હતી, જે આ વર્ષે વધીને 954 બિલિયન ડોલરે પહોંચી ગઈ છે. ટોપ ભારતીય અબજોપતિઓની યાદીમાં મુકેશ અંબાણી બાદ ગૌતમ અદાણીનું નામ સામેલ છે. જેમાં મુકેશ અંબાણી નવમાં નંબરે અને ગૌતમ અદાણી 17માં ક્રમે છે.

વિશ્વના ટોપ 10 ધનિકો

બર્નાર્ડ આર્નોલ્ટ વિશ્વના પ્રથમ નંબરના અમીર વ્યક્તિ છે. તેમની પાસે 233 બિલિયન ડોલરની સંપત્તિ છે. બીજા ક્રમે 195 બિલિયન ડોલર સાથે ટેસ્લાના માલિક ઈલોન મસ્કનું નામ આવે છે. ત્રીજા ક્રમે 194 બિલિયન ડોલર સાથે જેફ બેઝોસ છે. 177 બિલીયન ડોલર સાથે માર્ક ઝકરબર્ગ ચોથા નંબરે છે.  લેરી એલિસન પાંચમા નંબરે છે. તો છઠ્ઠા નંબરે વોરેન બફેટ છે. પ્રસિદ્ધ ઉદ્યોગપતિ બિલ ગેટ્સ આ લિસ્ટમાં સાત ક્રમે છે. સ્ટીવ બાલ્મર આઠમા ક્રમે છે.

વર્ષ 2024ની ફોર્બ્સની અમિરોની લિસ્ટમાં અંબાણી 116 બિલિયન ડોલર સાથે નવમાં ક્રમે છે. મુકેશ અંબાણી બાદ 10માં નંબરે લેરી પેજ છે.

 

આ પણ વાંચોઃ  રાહુલ ગાંધી પાસે છે 24 કંપનીના શેર, જાણો શેરબજાર સિવાય ક્યાં અને કેટલું રોકાણ કર્યું છે

 

ભારતના ટોપ ટેન ધનિકોનું લિસ્ટ 

• મુકેશ અંબાણી ભારતના પહેલા નંબરના સૌથી ધનિક વ્યક્તિ છે.
• અંબાણી બાદ ગૌતમ અદાણીનું નામ આવે છે, અદાણી પાસે કુલ સંપત્તિ 84 બિલિયન ડોલર છે.
• ત્રીજા નંબરે 36.9 બિલિયન ડોલર સંપત્તિ સાથે HCL કંપનીના સ્થાપક શિવ નાદર છે.
• ચોથા સ્થાને 33.5 બિલિયન ડોલર સાથે જિંદાલ ગ્રૂપની માલિક સાવિત્રી જિંદાલ છે. સાવિત્રી જિંદાલ દેશના સૌથી ધનિક મહિલા છે.
• પાંચમાં નંબરે સન ફાર્માસ્યુટિકલ્સના સ્થાપક દિલીપ સંઘવી છે. સંઘવી પાસે 26.7 બિલિયન ડોલરની સંપત્તિ છે. છઠ્ઠા નંબરે 21.3 અબજ ડોલર સાથે સાયરસ પૂનાવાલા આવે છે
• 20.9 બિલિયન ડોલરની સંપત્તિ ધરાવતા ડી.એલ. એફ. લિમિટેડના ચેરમેન કુશલ પાલ સિંહ સાતમાં ક્રમે   છે. 
• 19.7 બિલિયન ડોલરની સંપત્તિ ધરાવતા આદિત્ય બિરલા ગ્રુપના ચેરમેન કુમાર મંગલમ બિરલા આઠમાં નંબરે છે.
• નવમાં નંબરે ડી-માર્ટના સ્થાપક રાધાકિશન દામાણી છે. જેમની પાસે કુલ 17.6 બિલિયન ડોલરની સંપત્તિ છે.
• લક્ષ્મી મિત્તલ આ લિસ્ટમાં 10માં ક્રમે છે. મિત્તલ કુલ 16.4 બિલિયન ડોલરની સંપત્તિ ધરાવે છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો