લોકસભા ચૂંટણીને લઈને અમદાવાદ એરપોર્ટની સુરક્ષામાં વધારો કરાશે. CISFના 500થી વધુ જવાનો એરપોર્ટ પર સુરક્ષામાં તૈનાત રહેશે. હાલ એરપોર્ટ પર 1 હજાર જવાનો ફરજ પર છે.
લોકસભાની ચૂંટણી જાહેરાત થઇ ચુકી છે. ગુજરાતમાં ત્રીજા તબક્કામાં મતદાન થવાનું છે ત્યારે અમદાવાદ એરપોર્ટ પર ઘસારો વધુ રહેશે. પ્રચાર માટે અમદાવાદ અને ગુજરાતમાં રાજકીય પક્ષોના નેતાઓ આવી શકે છે. ત્યારે અમદાવાદ એરપોર્ટ પર સુરક્ષામાં વધારો કરવામાં આવ્યો છે. આ ઉપરાંત પ્રચાર માટે ગુજરાતમાં સેલીબ્રીટીઓનો જમાવડો પણ રહેશે. આ તમામ લોકો ફ્લાઇટમાં અમદાવાદ આવી શકે છે. જેને ધ્યાને લઈને અમદાવાદના એરપોર્ટની સુરક્ષામાં વધારો કરાશે. હાલ એરપોર્ટ પર 1 હજાર જવાનો તૈનાત છે. ત્યારે CISFના 500થી વધુ જવાનો એરપોર્ટ પર સુરક્ષામાં રહેશે. ચૂંટણી પહેલા આ પ્રક્રિયા કરવામાં આવશે.
ઉચ્ચ સ્તરીય બેઠક પણ મળી
અમદાવાદમાં લોકસભા ચૂંટણીને લઈ એરપોર્ટ સિક્યોરિટીમાં વધારો કરવામાં આવશે.જ્યાં CISFના વધારાના 500 થી વધુ જવાનો ગોઠવવાની વિચારણા ચાલી રહી છે.જે અંગે ઉચ્ચ સ્તરીય બેઠક પણ મળી હતી.ચૂંટણી પહેલા આ પ્રક્રિયા કરવામાં આવી શકે છે. હાલ એરપોર્ટ પર 1 હજાર જવાનો ફરજ બજાવી રહ્યા છે.જ્યાં નવો સ્ટાફ આવતા ચૂંટણી સંદર્ભે નવા જવાનો ઉમેરાતા કાળા નાણાં..નાણાં કે અન્ય વસ્તુની હેરફેર સહિતની બાબતો પર સીધી નજર રહેશે.
અમદાવાદ એરપોર્ટ પર વર્ષ 2023 માં 1.01 કરોડ મુસાફરની અવર જવર
અમદાવાદ એરપોર્ટનાં સૂત્રોના જણાવ્યા મુજબ અમદાવાદ એરપોર્ટ નાણાંકીય વર્ષમાં 8 ફેબ્રુઆરી 2024 સુધી 10 મિલિયનથી વધુ મુસાફરોને સેવા આપી છે. ત્યારે આ નોંધપાત્ર સિદ્ધિ બદલ ગત વર્ષની સરખામણીમાં આ વર્ષે 29 માર્ચ 2023 ના રોજ મુસાફરોની સંખ્યા 10 મિલિયને પહોંચવા પામી છે. એરપોર્ટ પર 240 થી વધુ દૈનિક ફ્લાઈટનું આવન જાવન થાય છે. તેમજ બે ટર્મિનલ 32000 સ્થાનિક અને આંતરરાષ્ટ્રીય મુસાફરોને સેવા પૂરી પાડે છે. 20 નવેમ્બરે 2023 નાં રોજ એરપોર્ટ પર એક જ દિવસમાં કુલ 42224 મુસાફરોએ સેવાનો લાભ લીધો હતો. જ્યારે 19 નવેમ્બરનાં રોજ 40801 મુસાફરો, 18 નવેમ્બર 38723, 19 નવેમ્બરે 359 ફ્લાઈટની આવન જાવન રેકોર્ડ કરવામાં આવી હતી. અમદાવાદ એરપોર્ટ પર 42 સ્થાનિક સ્થળોને સાત એરલાઈન્સ સાથે અને 15 ઈન્ટરનેશનલ સ્થળોને 18 એરલાઈન્સ સાથે જોડે છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
