સ્પેસ / અંતરિક્ષમાં યુદ્ધ ક્ષમતા ભારત સરકારનો મહત્વનો નિર્ણય, જાણો શું છે નવી તૈયારી

ગયા મહિને જ એન્ટિ મિસાઈલ ASATનું સફળ પરિક્ષણ થયા બાદ હવે ભારત અંતરિક્ષમાં દુશ્મનોના ઈરાદાને ચકનાચૂર કરવાની ક્ષમતા વિકસિત કરવા માટે અન્ય વિકલ્પો પર ઝડપથી આગળ વધી રહ્યું છે. તેમાં ડાયરેક્ટ એનર્જી વેપન્સ અને કો-ઓર્બિટલ કિલર્સની હાજરી સાથે પોતાના ઉપગ્રહોને ઈલેક્ટ્રોનિકસ કે ફિઝીકલ અટેક્સથી બચાવવાની ક્ષમતા ઉભી કરવાના ઉપાય પણ સામેલ છે.

DRDOના પ્રમુખ જી.સતીષ રેડ્ડીએ કહ્યું કે, અમે ડાયરેક્ટ એનર્જી વેપન્સ અને લેઝર્સ ઈલેક્ટ્રોમેગ્નેટ પલ્સ અને કો-ઓર્બિટલ વેપન્સ સહિત અનેક ટેકનોલોજી પર કામ કરી રહ્યા છીએ. 
આ અંગે વિસ્તૃત જાણકારી આપી શકાય તેમ નથી પણ અમે ઝડપથી આ દિશામાં આગળ વધી રહ્યા છીએ. અંતરિક્ષમાં 1 હજાર કિલોમીટર સુધી દૂર ત્રિસ્તરીય ઈન્ટરસેપ્ટર મિસાઈલની એક સાથે અનેક લોન્ચિંગથી ઉપગ્રહોને તોડી પાડી શકાશે. 
 
પ્રાપ્ત વિગતો મુજબ, ભારત પ્રતિસ્પર્ધકોને ટક્કર આપવાની સાથે LEO અને GEO સિંક્રોનસ ઓર્બિટ્સમાં તૈનાત ઉપગ્રહો વિરૂદ્ધ ASAT વેપન્સ વિકસિત કરવાના લક્ષ્ય પર કામ કરી રહ્યું છે. જેથી અંતરિક્ષમાં પોતાની શંકાસ્પદ ગતિવિધિઓ પર નજર રાખી શકાય. જેના માટે ભારત અંતરિક્ષમાં ફુલફ્લેઝ્ડ એરસ્પેસ મિલિટ્રી કમાન્ડ બનાવવાનો પણ નિર્ણય લઈ શકે છે.

DRDOના ચીફ રેડ્ડીએ એવું પણ કહ્યું કે, એન્ટિ સેટેલાઈટ સિસ્ટમના શસ્ત્રીકરણ કે ફૂલફ્લેઝ્ડ એરોસ્પેસ મિલિટ્રી કમાન્ડ બનાવવા જેવા મુદ્દા પર સરકારને અંતિમ નિર્ણય લેવાનો છે. સૈન્યની ક્ષમતાના ભાગરૂપે અંતરિક્ષમાં મહત્વ વધી ગયુ છે. સુરક્ષા નિશ્ચિત કરવા માટે સૌથી ઉત્તમ ઉપાય પ્રતિરોધક ક્ષમતા વધારવાની છે. જોકે, હાલ નવા એન્ટિ સેટેલાઈટ મિસાઈલ પરિક્ષણ પર કામ થઈ રહ્યું નથી.