જાણવા જેવું / માનો કે, ટ્રેન છૂટી ગઇ, તો શું એજ ટિકિટથી અન્ય ટ્રેનમાં ટ્રાવેલિંગ કરી શકાય? જાણો નિયમ

જો તમારે પણ ક્યાંક જવા માટે ટ્રેન પકડવાની હોય તો સ્વાભાવિક છે કે તમે સ્ટેશન માટે ઘરેથી વહેલા નીકળી જતાં હશો. રસ્તામાં ટ્રાફિક જામ અને અંતર વધારે હોવાને કારણે સમયસર નીકળવું પડે છે.

સાથે સાથે લોકોના મનમાં આ ભય પણ રહે છે કે તેમની ટ્રેન ચૂકી ન જાય. તેથી લોકો સમયસર નીકળી જાય છે પરંતુ ઘણા લોકો એવા પણ હોય છે કે કોઈ ને કોઈ કારણસર તેમની ટ્રેન ચૂકી જ જાય છે. તો આવી સ્થિતિમાં તમારા ટ્રેન ટિકિટનું શું થશે? શું તમે આ જ ટિકિટને બીજી ટ્રેનમાં ઉપયોગ કરી શકો?

શું ટ્રેનનું ટિકિટ બીજી ટ્રેનમાં ઉપયોગ કરી શકાય?

જો તમારી ટ્રેન ચૂકી જાય અને તમારી ટિકિટ જનરલ કેટેગરીની હોય તો તમે એ જ ટિકિટથી બીજી ટ્રેનમાં મુસાફરી કરી શકો છો.

પરંતુ ધ્યાન રાખવાનું છે કે ટિકિટની માન્યતા (વેલિડિટી) પૂરી ન થઈ હોય. સામાન્ય રીતે જનરલ ટિકિટ 3 કલાક સુધી અથવા પહેલી ઉપલબ્ધ ટ્રેન સુધી જ માન્ય હોય છે.

શું દરેક ટ્રેનમાં ટિકિટ ઉપયોગ કરી શકાય?

• ના, જો તમે ચૂકી ગયેલી ટ્રેનની ટિકિટ અલગ કેટેગરીમાં ઉપયોગ કરવા માંગો છો, તો નિયમો મુજબ એવું કરી શકતા નથી.
• બીજી ટ્રેનમાં મુસાફરી કરવા માટે તમારે નવી ટિકિટ લેવું પડશે.
• મેલ, એક્સપ્રેસ, સુપરફાસ્ટ, Rajdhani Express, Shatabdi Express અને Vande Bharat Express જેવી પ્રીમિયમ ટ્રેનોમાં જનરલ ટિકિટ માન્ય નથી.
• જો તમે કોઈ ટ્રેનમાં રિઝર્વેશન કરાવ્યું હોય અને તે ટ્રેન ચૂકી જાય તો તમે એ જ ટિકિટનો ઉપયોગ બીજી ટ્રેનમાં કરી શકતા નથી. બીજી ટ્રેનમાં મુસાફરી કરવા માટે તમારે તે ટ્રેનનું નવું ટિકિટ બુક કરાવવું પડશે.

આ પણ વાંચોઃ હવે ફ્રીમાં ચલાવો AC! સરકાર આપી રહી છે સબસિડી, લાઈટ બિલ થશે ઝીરો

જાણી લો શું છે નિયમ

• જો તમે ચૂકી ગયેલી ટ્રેનનું ટિકિટ લઈને બીજી ટ્રેનમાં મુસાફરી કરવાનો પ્રયત્ન કરો છો તો TTE (ટિકિટ ચેકર) તમારા પર દંડ લગાવી શકે છે.
• જો તમે દંડ નહીં ભરો તો રેલવે પોલીસ તમારા વિરુદ્ધ કાનૂની કાર્યવાહી કરી શકે છે અને જેલમાં પણ મોકલી શકે છે.
• અને જો ટ્રેન ચૂકી જાવ તો નિયમો અનુસાર તમને ટિકિટનો રિફંડ મળતું નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ