World Cup 2023 / વર્લ્ડકપની ફાઇનલ મેચ પહેલાં જ મોહમ્મદ શમી પર કરોડો રૂપિયાનો વરસાદ, જાણૉ સમગ્ર મામલો

• આજે અમદાવાદમાં ભારત અને ઓસ્ટ્રેલિયા વચ્ચે ફાઇનલ મેચ રમાશે
• બોલર મોહમ્મદ શમી પર ફાઈનલ પહેલા જ પૈસાનો વરસાદ થઈ રહ્યો છે
• શમીએ તેની એન્ડોર્સમેન્ટ ફી વધારી દીધી છે

વર્લ્ડ કપ 2023નો અંતિમ તબક્કો આવી ગયો છે. આજે અમદાવાદમાં ભારત અને ઓસ્ટ્રેલિયા વચ્ચે ફાઇનલ મેચ રમાશે. ટીમ ઈન્ડિયા આ વર્લ્ડ કપમાં એક પણ મેચ હારી નથી અને તેની પાછળનું એક મહત્વનું કારણ છે મોહમ્મદ શમી. શમીએ શાનદાર બોલિંગ કરીને માત્ર 6 મેચમાં 23 વિકેટ લીધી છે. આ વર્લ્ડ કપમાં મહત્તમ વિકેટ લેવાની બાબતમાં શમી અગ્રેસર છે. હવે તેની આ જ શાનદાર રમતના કારણે શમી પર ફાઈનલ પહેલા જ પૈસાનો વરસાદ થઈ રહ્યો છે.

#mdshami11 pic.twitter.com/ggVUGHhXGO

— 𝕸𝖔𝖍𝖆𝖒𝖒𝖆𝖉 𝖘𝖍𝖆𝖒𝖎 (@MdShami11) November 11, 2023

શમીએ તેની એન્ડોર્સમેન્ટ ફી વધારી દીધી છે
વર્લ્ડ કપમાં શમીના આ પ્રદર્શનને કારણે ઘણી કંપનીઓએ તેને પોતાના બ્રાન્ડ એમ્બેસેડર તરીકે સાઈન કરવાની ઓફર કરી છે. એવામાં શમીએ તેની એન્ડોર્સમેન્ટ ફી પણ વધારી દીધી છે. પહેલા શમી  ડીલ દીઠ રૂ. 40-50 લાખ હતી, પરંતુ વર્લ્ડ કપ પછી તે બમણી થઇને રૂ. 1 કરોડ થઇ ગઇ છે. શમીના પહેલાથી જ PUMA, Hero MotoCorp, Byju's અને CEAT સહિતની ઘણી કંપનીઓ સાથે કરાર છે.

કંપનીઓની લાઈન લાગી 
શમીએ વર્લ્ડ કપ 2023 પહેલા બે કંપનીઓ સાથે કરાર કર્યા હતા, જેમાં એનર્જી ડ્રિંક્સની સાથે હેલ્થ ઈન્સ્યોરન્સ કંપનીઓ પણ સામેલ હતી. હવે સ્થિતિ એવી છે કે શમીએ વિચારવું પડશે કે કઈ એડ સાઈન કરવી.

#mdshami11 pic.twitter.com/WDUF701zfm

— 𝕸𝖔𝖍𝖆𝖒𝖒𝖆𝖉 𝖘𝖍𝖆𝖒𝖎 (@MdShami11) November 6, 2023

વિશ્વ કપમાં શમીનું શાનદાર પ્રદર્શન તેની એન્ડોર્સમેન્ટ ફી વધારવામાં મુખ્ય ભૂમિકા ધરાવે છે. તેઓએ ટુર્નામેન્ટમાં ઘણા મોટા નામોને પેવેલિયનમાં મોકલ્યા, જેમાં ઓસ્ટ્રેલિયાના કેપ્ટન પેટ કમિન્સ, ઈંગ્લેન્ડના કેપ્ટન જોસ બટલર અને દક્ષિણ આફ્રિકાના કેપ્ટન ટેમ્બા બાવુમાનો સમાવેશ થાય છે.

શમીની એન્ડોર્સમેન્ટ ફીમાં વધારા સાથે ભારતીય ક્રિકેટરોની એન્ડોર્સમેન્ટ ફીમાં પણ વધારો થવાની ધારણા છે. શમી પછી અન્ય ભારતીય ક્રિકેટરો માટે પણ કંપનીઓ વચ્ચે ટક્કર થઈ શકે છે.